Génesis 7:4 - Dupade Uruode

⁴ Bamo arĩ́e uje e garósi yui ujetiga yiroque guei taja jnumi jne. Qué dirode amirone gare iji ti iji yui. Enga yojningai tuté gue jeta beque jne enga a dejade chejna ayoré gárode jne, jé chopo dirode rĩ, a chejnapo ayoré gárode jne rĩ enga ore chopise ñane jne. Enga a yejnapise yipesudode cucha jnese jne iji erámi údode jnese, enga a ca cuchárique chapídome gue dequejnangóri tuté jnese jne."

Génesis 7:4 Iomraidhean Croise

Génesis 2:5

Uje Dupade quene pésu cuchade iji gaté, jnumi ore nanique enga cáma cucha pacatique cuse nanique iji jnumi udé. Que ugarataque sué iji jnumi nanique. Chamáñaje Dupade cáma chiroque guéode aja jnumi nanique gu. Enga cáma ayorérique dépoji rĩ ujetiga doi enga chutã́riji jnumi nanique.

Génesis 6:13

Enga jé u nanique uje Dupade catecã́ri Noé to nanique enga chojningame: "Noé á, a yĩro pisijnaringuéone ipesungórone ore jnese iji erámi údode jne. Máraque ore jnese gu ome dasijnaringuéone ome yu. Enga que ore isijnaringuéone doi jnutígome ñane ome dajocaningane. Que gusu ore mu a yátaja erámi jogonórone cucha uñane ore jnese to jne rĩ iji erámi údode jnese ujetiga yejna ore."

Génesis 6:17

Enga a amate cucoi jne enga a yiroque gue cuchátique aja jnumi te jne jetiga yodi chaco jnumi gai. Enga a yejna cuchade jnese jne iji erámi údode jnese. Yojningai u cuchade udore uje qué ueca iji erámi tudé. Enga a jé ca ayorérique, cuchisórique chapídome yujuyaquédatéi tuté jnese jne mu a ore topísi jnese."

Génesis 6:3

Enga jé u nanique uje Pangarádejnai Dupade chojninga nanique: "Angoninguite pariguipise erámi unirisórone ore enga cho ujetiga ca ore áyipieraque cuse, enga cho ujetiga gusu ore aoi tiji ore. Yujopié Espíritu Sánto qué chaquĩ́ra ore ome ore ate gajnaréngone ujetiga ore chécãre dasocade. Mu a sequeredie 120 jne enga Yujopié Espíritu Sánto cha catecã́ri ore, enga jé u jne ujetiga yujuyaquei e di ome ore."

Génesis 6:7

Enga Dupade chijáro daruode iji jnumi enga chojningápo rĩ: "¿Jé gotique gu a uje yipésu ore nanique? A yiji jnenga yĩro yipesudode ayoré ore jnese jne. Enga a yátaja cuchiso ponáyone jnese jne, jé aja cuchisode uñane rĩ uje quĩrique ore dique iji jnumi tudé, jé aja chugúperone ore jnese to jne rĩ."

Génesis 7:10

Ga jé u uje Dupade uruode tocade enga e chise dirode uje gare iji ti enga jé u uje e beque enga e yodi chicáji gaté enga e chaco jnumi gai.

Génesis 7:12

Enga beque nanique ga que cha nanique iji dejade, dirode ore jnese enga dejade chise dejnanie ayoré gare uje beque nanique. Ga jé chopome dirode rĩ uje beque nanique.

Génesis 7:17

Enga guei tuté que cha beque nanique enga dirode guejnanie ayoré gare nanique uje beque. Enga jé u nanique uje yodi irágu erámi nanique enga cucoi chicáji gaté, chicáji gaté, chicáji gaté, gaté ga diguiji yodi gai.

Génesis 7:3

Jé adi tupo rĩ ome chugúpẽre ponáyone jnese rĩ ujetiga ãra ore aja to enga ãrája chequérigui aja ujetiga gare ore iji ti, enga átaja choquírigo to jetiga gare ore iji ti yijmanuñai. Yigaidi tu gu ujetiga chugúperone dépoji erámi údode jnese to rĩ ujetiga yodi íjnongapo iji jnumi te rĩ.

Génesis 8:10

Mu uje e dirode garapo iji ti nanique rĩ iji udojo quigade enga Noé tṍrapo cucujnadatei nanique rĩ.

Génesis 8:12

Mu uje dirode e garapo iji ti rĩ iji yijmanuñai enga jé u uje Noé tṍrapo cucujnadatei rĩ. Mu cucujnadatei jno nanique enga que diapo nanique rĩ. Jé noñaji erámi.

Génesis 8:2

Enga jé u nanique uje Dupade chaquĩ́ra yodi nanique iji yote quedéjnai údi enga chácare nanique. Enga chaquĩ́rapo yodi te rĩ iji gaté yui jetiga chácarapo nanique rĩ. Ga guei e cha nanique.

Sálmos 69:28

¡Ueradi tu ujetiga ãro udore ore íode iji pucuecaringuei gajnéone darujna ao udore! Jé ca ajuéga jeta purusãracho ore íode iji begode darujna ao udore uje ate arégode ore íode déji.

Apocalípsis 3:5

Ujeta ca Satanás chijnime uacãrírique enga a aguíyo Dupade gueranéringui bora pórorodie jne. Enga a ca yĩro uaquéode iji darujna aoi te jne uje pucuecaringuei quisórone ore íode déji jnese. Enga a yingo uágaja Yapade jne. Enga a yingopo uágaja Yapade irógode gaté unirísoño ore jnese jne rĩ.