Génesis 45:3 - Dupade Uruode

³ Ga José catecã́ri dayade ga chojningame ore: –Cachi uaquesa casicaite José uyu arĩ́e. ¿Ama jé ũrepise enga yai qué eca ya?– Mu José uruode chajuguipise uyade agutedie jnese. Enga que ore chajnai José uruode míraque. Enga cho jetiga jé ca ũrepise eduguéjnai uruode ome ore.

Génesis 45:3 Iomraidhean Croise

Génesis 37:20

Enga ore chojninga: –Ujetiga chise yoque ga yujégo jne, enga yórangoja ore erugode uñeque ajénique jne. Ga a yojnijome yocai jne: "Cuchiso sijnátique a tagu iji sañeque arĩ́e uje que yimóngo iji udojo." ¡Enga jé u jne ujetiga yajico jeta urigode tocade ome re jetiga yoqueduguéjnai tu jne!–

Génesis 42:21

Enga ore chojninga: –A jé u arĩ́e baruode.– Enga e ore catecã́ri ñane iji José iquei enga ore cãra daruode ome José uruode, enga que ore chiraja uje José chiraja ore uruode to. Enga ore chojningame ñane: –Ise ga Dupade ipesucho yocajnéone cucha tocachucho, uje chetaque yocadode gu uje yetájo yoquesai nanique. Uje uté jecucha ga chijócha yocajéode údi nanique ujetiga ca yujuséjo nanique, mu yetájo nanique enga que posongaquérique déji yocajéningome nanique uje yico oré tome nanique ga yipáñangoji jnusiétigade uje chijna aja jnumone nanique.–

Génesis 42:22

Mu Rubén chajnai desade uruode enga chojninga: –¿Ama ca yaquĩ́ra uágome yoquesa casicaite nanique a? Mu que angachopísi yurúrique nanique. Jecute e yoco yoquiba yoquetétigadatéode ome yoquesa casicaite uje a e topísi nanique.–

Génesis 43:27

Enga José catecã́ri ore enga chojninga: –¿Areque uaque jnese a? ¿Ama qué uacai eca ya? Uje e uacojnichome yu ica: 'E choquíjna yocai'.–

Márcos 6:50

Uje Jesús acadigode ore chimo Jesús jnese. Jecute chajuguipise ore agutedie jnese rĩ. Jecute jĩrique Jesús catecã́ri ore iji quedéjnai enga chojninga: –Ca uacagutéraque cho jora ome yu jne. Jesús jé upúsu yu gu.–

Lúcas 5:8

Mu quene Simón Pédro ore chiraja Jesús úringai ujopíerãque ome ipesútedatéode udore ome ore. Ga jé u uje Simón Pédro chichaga dagataidie iji iquei enga chojningame: –Yangarádejná, bome yu uje jnani ate gajnareque uyu gu.–

Héchos 7:13

Mu ore diringa ejoi u uje José chingo raja dayade. Enga quene Faraón chiraja José gãrapíode gosode.

Héchos 9:5

Enga Sáulo chojningame: –¿Jé ua gosi te a?– Ga darade chojninga: –Jesús u yu. Bamajoi tu yu. Mu jé bamajo ua to. Bajnui tu aquirájnai uje chuchiéjna uburuco asõre uje gachisṍri ipesudé ome.–

Apocalípsis 1:7

¡Adójnachopísa yuruode! Uje Crísto a di jne, enga gue abujáraque oidája jnumi jne. Enga a ore chimo Crísto uté jne aja jnumi, jé aja udore ore to uje ore ichajuque nanique iji curesei gai. Enga a erámi unirisórone ore jnese iji dedáyode a ore popise jnese jne ujetiga ore chimo. Jé ũrepise yu ome cuchade unojo, enga a tocade jne enga a jé upúsu yuruode unojo quigode jne. Amén.