Génesis 40:3 - Dupade Uruode

³ Enga jé u uje Faraón tibidi dasoldádode ore nanique enga chojninga: "Boyo udore údi enga ajucho ore gai to rĩ iji yocujurúgayode jogadi." Enga ore jurúgayode udore ore charidi jé chojmára uje ore suru José gai iji nanique.

Génesis 40:3 Iomraidhean Croise

Génesis 39:1

Qué yingopome uaque rĩ José adi casodica uje ismaélgosode ore tẽrame egíptogosode ica iji ore uniri Egípto. Enga gaisṍri tu Faraón iróquegatéi uje i tu Potifar ica. Uje soldádode ore eduguéjnai u uté uje ore chirote Faraón ejode nanique.

Génesis 39:20

Enga jé u uje chisa José enga tibidi darógode soldácho enga chojningame ore: "Boyo uté údi aja ore jurúgayode jogadi uje yujuco yoqueduguéjnai etégode gáyode iji, enga ajucho gai tiji to jne."

Génesis 39:22

Enga cho daróguiji José gaté rĩ enga chojningame José: "Añurupúsu bojode yocujurúgayo ore guio to iji de uacayaridi ome yu." Jecute José doi dajurúgaisṍri iróquegatéi uruode, enga chiroque dojode pujurúgayo aja ore isagode cucha iji dirode jnese. Enga cho ujetiga José ujode pujurúgayo ore eduguéjnai tu iji ore charidi uté.

Génesis 39:23

Enga e que ore jurúgaisṍri iróquegatéi chisapo cucháriguiji ore jurúgayode jogadi uté rĩ. Chamáñaje chimo gu uje Dupade chatapísaja José ome iroquéode enga José ujode pujurúgayo ueradipíso ore isagode cucha gatuaque ome José.

Génesis 40:4

Enga ore di iji ore jurúgayode jogadi enga jé u uje ore jurúgaisṍri iróquegatéi chojningame José: "Añuru yocujurúgai ichade udore guio to rĩ." Enga iyajmanguipise ore iji ore úringane pujurúgai nanique iji uté.

Génesis 41:10

Mu a qué yatataba cuchade udore quigode ome ua bajaque jne. Yoqueduguéjna cuchábi tu ua, jecute jé tiógara uje baroque baróquegatéi, barodisórone soldácho ore eduguéjnai aja yoque ica jetiga suru yoquibai to ica, yijõra casé uyoque uje uté isai tu arurégode icaite ome ua.