Génesis 4:2 - Dupade Uruode

² Udojo quigade enga chequé bajé jequepo rĩ. Enga ape ejoi i u Abel, enga Caín desai tu. Enga Abel tuté chucué dáyipie iji dajei nanique jetiga chirote áyasadie. Jé basa Caín uté chucué dáyipie to ujetiga utáca jne.

Génesis 4:2 Iomraidhean Croise

Génesis 3:23

Jecute Pangarádejnai Dupade doi jnani tuté enga chijócãre ore iji dajutícabia uaté uje déji puniri Edén nanique. Enga chojninga: –Be ga asa bejode iji barani casica jnupe.–

Génesis 37:13

Enga Israel tibidi José enga chojninga: –Bayade ore déji Siquem dosadode uje qué ore chirote yachidedie áyasai iji uté. Bo ga abágui ore ga a yangácoi bojñáringo ome ore jne ujetiga uajate ore iji ta.– Enga José chajnai dayé uruode enga chojninga: –Ueradéjna ome yu, Iapá, baruode. A yiji baroquei uté jne.–

Génesis 4:1

Enga jnani bajai, acoté e ore chisa ñane enga jé u uje jeque chequé bajé Éva enga abi déji ajei. Enga uaté abi base nanique enga Caín u nanique. Enga chequé bajé chojninga: "E yabi cuse to enga diyoqui. Enga Pangarádejnai Dupade gueranome yu."

Génesis 4:3

Sequeredie jiei iji udojo quigade enga Caín tẽra dacade cucha adie petígome Pangarádejnai Dupade.

Génesis 47:3

Enga jé u uje Faraón jé catecã́ri José uyade ore enga chojningame ore: –¿Ama uacasatique cucha pisaque jé gotíguiji de jne, yocuniri?– Enga José uyade ore chajnai Faraón uruode enga ore chojninga: –Yoqueduguéjná, cachi yoquisai jé u yoca cásodicáite ore isai cucha pisaque to arĩ́e, uje ore isai cucha pisaque u áyasadie nanique.

Génesis 9:20

Enga utáca Noé nanique. Enga bajaque Noé uté nanique uje chaca úvadie iji dejnai.

Sálmos 127:3

Cadójnanga to uje Pangarádejnai guẽrate pabode udore ore, ga cucha orerãque gajnujna udore ore uje ore tṍraji datedie ore.

Éxodo 3:1

Moisés iyoquíjnai Reuel i uñai u Jétro nanique, ga sacerdote Jétro uté, enga catecã́ri Dupade ome darasade ore iji ore uniri Madián nanique. Ga Jétro uté chiroque dãsarai Moisés aja dachidedie áyasai jeta chirote. Ga chise diri uje Moisés jno dayoquíjnai gachidedie áyasai údi aja garáijnai uéchamitó uje cucarãte cuchábi déji uté ga i tu Horeb ome ore nanique. Ga ore chojningame cucarani uté "Dupade jogadi u udé."

Lúcas 11:50

Diríe jogosórone uaque á, Dupade a chaguhéta uacayode jnani bajaque ore jocaningane udore uacabai jne. Ga a chósi tome uaque: "Angoñome yu yirógode udore ore bárique uje uacajéyo ore nanique iji erámi taningápisi. Ga jé uacasáchoja deréjnane udojo uje uacoyo uacamajo yirógode uñane ore iji uacajade."

Lúcas 11:51

A Dupade chojningápome uaque rĩ: "A qué yingoba Abel ome uaque uje uacai jnani bajai Caín chujé nanique. Uje que ayáyo yuruode atatasórone ore unerane gotique uje uacajéyo ore iji uacajade. Ga jé uacasáchoja deréjnane udore iji jnani bajai Zacarías uje uacajéyo to. Uje Zacarías uté cachopísaja iguíjnai ajépisi nanique uje cho daba dapesutígo yurúo aja quigode. Mu cachója dapesudode udore gai." Jecute a Dupade chojningame uaque jne: "Disi ejode uaque á, uacabade u uacajocaningane ome yuruode atatasórone ore iji uacajade. Angoñomome quitígo ome yu."–

Juan 8:44

Uacai u Satanás. Enga uté gajneque uaque. Jecute uacapótayo apéso uté ajegaidode cucha. Ayoré yungore Satanás uté iji taningápisi. Enga que togome ujetiga urúrique ũré. Chamáñaje cucha uréone guetésõre uté gu. Urupatáquechoquí u enga uruode u purupatáringane. Enga urupatáquechoquíode ore dai u uté. Chamáñaje purupatáringane garani u uté gu.

1 Juan 3:10

Jecute Dupade abode que piraque iji ayoréode. Satanás ajnangórone que ore piragápo rĩ. Uje gosi a ca chijnóra dojórique ayoré, enga que pésapo dátegoningárique rĩ, enga choquípisiji guesi uje Dupade que ape uté go.

1 Juan 3:12

Jé ca yiraco jnacare bajai Caín. Uje Satanás irasingore uté enga que áyipieraque jnoji adode. Jecute doi enga chujé dajõrai Abel nanique. ¿Jõrai báringome uje chujé a? Bade u dapesute arégode. Uje Caín ipesudode gajnarécho gu.

1 Juan 3:15

Jecute gosi ujetiga chetaque dajõrárique, enga gajnui tu ujetiga jé yuque dajõrai. Enga ujetiga gosi chujé dojórique ayoré enga obiréjnapise uje que pucuecaringué eyúgojmai déji uté gosi ajei.