Génesis 3:4 - Dupade Uruode

⁴ Mu ugai chajnai enga chojninga: –Que u gotique Dupade uruode. A ca atoyoi jne ujetiga acho garengué pore adie udire.–

Génesis 3:4 Iomraidhean Croise

Génesis 3:13

Jé u uje Pangarádejnai Dupade catecã́ri chequé uaté to enga chojninga: –¿Gotique gu a uje bã́raja babai que?– Mu chequé chajnai Dupade uruode enga chojninga: –Ugai u que uje chãra yu ga yagu barengué pore adie to.–

Génesis 3:3

Gusu chojmára uje charángome yoque iji dajutícabia gatócoro ujetiga ca yajo uaté adie iji gatócoro jogoto. Dupade chingome yoque ujetiga ca yajo, jé aja ujetiga ca yisagopo te rĩ. Chamáñaje ujetiga yajo jeoga yisago enga yitogoi ome jne.–

2 Reyes 1:16

Enga Elı́as chósi tome eduguéjna cuchábi uté: –Pangarádejnai chojningame ua: "Baroque barógode aja ecróngosode ore angureni dupa Baal-zebub yui ujetiga acué uté uru quitı́gome ua que. ¿Ama ome bajéode ga jé ca Dupapı́sirique dépisi baniri Israel udé, ujetiga adójnangarása uté uru quitı́gome ua ya? Jé ũrepise yu uje a atopı́si jne, enga gose basocade udore. Baterẽtáji bamochápi uté gai ome báringai ejnarétaque, mu a jé ca be jnumi iji uté jne rı̃."–

2 Reyes 1:4

Adójnacho uaqueduguéjnai gajnéone Pangarádejnai urúo, uje chósi te: 'Jé ũrepise yu uje a atopı́si jne, enga gose basocade udore. Baterẽtáji bamochápi uté gai ome báringai ejnarétaque, mu a jé ca be jnumi iji uté jne rı̃.'"– Uje Pangarádejnai iroi gaté unirı́sõre quene chatata Ocozı́as gajnéone Pangarádejnai urúo ome Elı́as uté nanique, enga Elı́as niji ga chajningare Ocozı́as utocaidode ore iquei, enga chingo Pangarádejnai uruode ome ore ujetiga ore chajnerame ome deduguéjnai uté gaté.

2 Reyes 1:6

Mu ore chajnai deduguéjnai uruode, enga ore chojninga: –Jnanı́rique chajningare yoquiquei que, ga chojningame yoque: "Boyo ga ajnésacho uaqueduguéjnai gai. Ga angoño Pangarádejnai uruode udojo ome to, uje chósi te: '¿Cuchárique u gu a uje baroque barógode aja ecróngosode ore angureni dupa Baal-zebub yui ujetiga acué uté uru quitı́gome ua? ¿Ama ome bajéode ga jé ca Dupapı́sirique dépisi baniri Israel udé, ujetiga adójnangarása uté uru quitı́gome ua? Jé ũrepise yu uje a atopı́si jne, enga gose basocade udore. Baterẽtáji bamochápi uté gai ome báringai ejnarétaque, mu a jé ca be jnumi iji uté jne rı̃.'"–

2 Reyes 8:10

Ga Eliséo chajnai uruode ga chojningame: –Bo ga ango beduguéjnai uje a jé qué chapite jne ome dejnarei. Mu Pangarádejnai e chingome yu uje jé ũrepise uje a toi jne.–

Sálmos 10:11

Ga jnani josipíerãi uté chojningame re iji dáyipie: –Dupade a e chicadígui jõ. Uje e chaco dedodie gai; ga a jé ca chimo gotique to.–

Juan 8:44

Uacai u Satanás. Enga uté gajneque uaque. Jecute uacapótayo apéso uté ajegaidode cucha. Ayoré yungore Satanás uté iji taningápisi. Enga que togome ujetiga urúrique ũré. Chamáñaje cucha uréone guetésõre uté gu. Urupatáquechoquí u enga uruode u purupatáringane. Enga urupatáquechoquíode ore dai u uté. Chamáñaje purupatáringane garani u uté gu.

2 Coríntios 11:3

Uacarajáyo uje Satanás chacája ugai nanique enga chãra yocaté bajé Éva nanique ome daringaquéode. Jecute yitodópisa udojo ome uaque ujetiga jnanione udore ore chãra uaque to ome dacajnaqué tátigo. Yiraja uje jé ũrepise uágome uacajnoraquei ica ome Crísto. Enga que uacáyipieraque déji cucha uñeque ica. Mu yitodópisa ujetiga e ecãcho uacáyipiedie quitígo enga angáchoi pacaditíga tágode udore, enga oyópise jmíti, jmíti ome Crísto.

2 Coríntios 2:11

Uome ujetiga yipéco cuchade udore aja quigode. Ga a jé ca Satanás chimere re iji yocujade jne. Que yoco agúpuraníque ome Satanás josipiedie go.

1 Timotéo 2:14

Bamo to uje que Satanás ãrai tu Adán go. Mu Satanás ãra tu chequé Éva. Enga unojo quigade u uje pisijnaringuéone chisa chequé Éva.