Génesis 26:4 - Dupade Uruode

⁴ Enga a yipésu jne bape disi ejórigo enga a jiépisi ore jne, enga a ore gajnunie u guédodie iji gatajnoquei. Enga a ore gajneque punirone udojo jnese jne. Enga que gusu udojo mu a erámi unirisórone ore agutíyamánone u bape disi ejórigo jne iji erámi údode jnese.

Génesis 26:4 Iomraidhean Croise

Génesis 13:16

Enga Dupade chojningápome Abram nanique rĩ: "A yipésu bape disi ejórigo ore jne enga a ore cho jnumi urui jne uje a jiépisi ore jne. Bamo uje que ayorérique déji uje chiraja jnumi péode jnese. Enga jé chopise bape disi ejórigo ore to jne jetiga ca pisecarãte ore iji erámi údode jnese to."

Génesis 15:18

Iji udojo quigade iji dejai uté enga Pangarádejnai Dupade chingo daru iyiejájnane aja Abram nanique enga chojninga: –A yisi ome bape disi ejode jne bajogadi tudé punire údode jnese. Yojningai punire uté u tié jé aja tié uña ore ujai. Uje tiedie udire ore íode u Éufrates, Egípto jogoto ore.

Génesis 15:5

Enga jé u uje Pangarádejnai Dupade dejéna Abram aja daquigade ujetiga doi guesi tiji guiguíjnai ajei enga ore catecã́ri ñane iji guesi. Uje ore déji guesi enga Dupade chojninga: –Ajire gaté enga asecãru guédodie, ¿ama ejnárase a? A jé adi tu jne ome bape disi ejórigo ore. A jiépisi ore jne.–

Génesis 18:18

Uje que cucha bisideque Abraham gu. Jecute a yingo yáyipiedie aja jne uje gajneque yuruode gu. Uje e yingome uje ape disi ejórigo ore gajneque puniri uté jne enga a jiépisi ore iji jne enga ore cho dají jnese jne. Enga que gusu udojo mu a erámi unirisórone ore jnese ore chagutíyame uté ape disi ejórique jne. Enga a yátapísaja ape disi ejoi uté anguresórone ore jnese jne.

Génesis 26:24

Enga e ore chise uté daqui enga jé u nanique enga e dejaque enga Pangarádejnai chiqueta raja Isaac iji dejai. Enga chojningame: "Bayé Abraham angureni Dupa u yu. Ca atodo cucha dacatique uje a yijína ua aja quedéjnane jne. Enga a yátaja ua jne enga a yipésu ua enga bape disi ejórigo jiépisi jne. Chamáñaje jé yurúo ome bai casicaite Abraham nanique gu."

Génesis 28:14

Enga a jiépisi bape disi ejórigo jne enga a ore gajnui tu jnumi urúrigo jne uje que toque jeta pisecarãte. A bape disi ejórigo ore gajneque puniri udé dosadode jnese, jé iji umusoi garani, jé aja guedé cacadi, jé aja casaque garani, jé aja guedé garani udore ore ujai tudé jnese. Enga a erámi unirisórone, iji erámi údode jnese, a ore chagutíyame ua, bape disi ejode ore jnese jne.

Génesis 28:3

Enga yipésupú enga Dupa Pujnuéngaisṍri chatapísaja ua jne jõ. Enga bape disi ejórigo jiépisi ore jne, enga punirone jogosórone a jiépisi uje a ore cho daji ua jnese jne.

Génesis 35:12

E yingome báqui casica Abraham, jé aja bayé Isaac uje ore gajneque yuruode nanique, mu bajnecho yuru uréone to uje a uacajnenguipise puniri tudé jne. Enga a bape disi ejórigo a ore gajnenguipise to jne iji baquigáningo."

Génesis 47:27

Enga israélgosode que ore jnopo iji puniri Egípto uté rĩ, mu ore chácariji peque uñai uje i tu Gosén. Enga ore quérã iji uté enga jiépisi ore iji nanique.

Sálmos 72:17

Enga peduguéjna cuchábi i uté a jé chuságaja deréjna pitade gatuaque. Ga uté i úringai ujnomerãque a ca chise deruénique jne ga cho guedé ome dáringai togójma. Ga punirone a ore chise dáringane pacacarãcho ome uté. Enga a ore chacacãre uté ome daru ueradode jnese jne.

Éxodo 32:13

Moisés chojningápome Dupade rĩ: –Yocangarádejná Dupade á, ajnusina baru cásodicáite ome israélgosode yocáqui cásodicáite ore to uje jecucha bango cuchade aja ore nanique: yojningane u yocáqui bajai Abraham, jé aja Isaac, jé aja Israel ore. Uje ua upúsu darai nanique uje bacatecã́ri ore nanique ome baru iyiejnane ga bojningame ore nanique: 'Jé yarecujaidie u yingoméone ome uaque uje a yipésu uacape disi ejórigo ore ga a ore gajnunie u guédodie jne ome dáringanie dipesei.' Enga bojningápome ore nanique rĩ: 'Puniri uté uje yingome uaque ica a yẽrate yojningai uté ome uacape disi ejórigo ore jne jeta ore cho daniri iji uté gatuaque iji deréjna pitade. Ga yajnui a u jnanírique jne uje chichaga dagúchade aja dajnacare urẽjai, ga que qué porichópo iji ujnacari uté gari to rĩ.'–

Éxodo 6:4

Ga Dupade chojningame Moisés: –Uacáqui cásodicáite Abraham, Isaac, Jacob ore gajneque yuru quigode udojo nanique uje yojningame ore nanique: 'A yẽrapaite uacapusiétique punire ome uaque jne uje puniri tuté i tu Canaán.' Yojningai uté u uje Abraham purása quedéjna ore iji nanique mu ore cho dedáji erámi tuté nanique iji puniri uté urasade ore ujade nanique.

Héchos 3:25

Dupade jé urúo ome yocayode jnani bajácho nanique uje chojningame Abraham: "Bape disi ejórique a erámi unirisórone jnese agutíyamáite jne." Dupade ojningane cucha udore gajnengórone u uaque to uje Dupade uruode atatasórone chingome yoque iji darusarane.

Gálatas 3:16

Gajnui jé u uje Dupade chimate dáyipiedie ome Abraham, ape disi ejórique nanique. Que Dupade uruode ojningane u Abraham ape disi ejo dipeséode ore jnese go. Mu ojningai u ape disi ejo chojmarai, ga ojningai u Crísto.

Gálatas 3:8

Dupade uté uje chisi ome daruode ome yoque, chiraja iji taningai nanique uje ducurása quedéjnane a ore chise dáringane Dupade imeserãcho to jne gu danguretigai. Jecute cho dáyipie omenie udire quique ome Abraham to nanique enga chojninga: "Abraham á, a yosongaquéode chise erámi unirisórone ore jnese jne gu ua."

Hebréos 11:2

Enga yocayode jnani bajácho ore chise dáringane Dupade imeserãque to nanique gu danguretigai.