Génesis 26:1 - Dupade Uruode

¹ Mu chise diri uje chaguhénique chise ore nanique enga chaguhei chejnapise ore iji ore uniri tuté. Uje suepise cuchade gai jnese uje qué Abraham jé eca nanique, ga que Abraham chimo cuchade udojo to. Ga jé u uje Isaac ore jno nanique enga ore chicáji ore idai uñai uje i tu Gerar, uje ore eduguéjnai u filistéogosi Abimelec iji puniri uté nanique.

Génesis 26:1 Iomraidhean Croise

Génesis 12:10

Enga ore chise daqui ore idai Neguev uté enga ore pésu darengúi iji ejórique. Mu udojo quigade ga íjnonguipíse cucha pibosode iji uté nanique. Jecute ore jnopo iji rĩ ga ore chicapóji punire quedéjnarique uñai te rĩ uje i tu Egípto nanique. Enga ore chise nanique enga diyajmanguipise ore iji.

Génesis 25:11

Enga Dupade chatapísaja Isaac nanique iji dayé quigade uje e toi. Enga Isaac qué chácariji sibíjnai gajnei ejopié ejo uje i tu "Dupa Piminingásõri Gajné Ejopié" nanique uje chimo Agar iji nanique.

Génesis 25:34

Enga jé u nanique uje Jacob chisi ome dãraquegode cugué edo caratacho ome dayai. Enga chátaja arurégode rĩ. Enga jé u nanique uje Esaú cha dáringai chagu enga chóji yodi rĩ enga jec u uje jno enga cha dáringai urẽja enga chojninga: "Que cucha ome yu ujeta yesai cho urẽjai iji re."

Génesis 42:5

Mu que gusu Jacob ujnacarode ore nanique uje ore chicáji Egípto yui ome dabosode, mu cananéogosode uñane ore nóna ore aja dajei to aja Egípto yui ujetiga ore doi dabotígo iji to. Chamáñaje chaguhéode e socárome ore to iji ore uniri Canaán uté údode jnese.

Génesis 43:1

Mu jé u nanique uje chaguhéode socaripísome Jacob uáguedie, urasade ore iji Canaán. Mu que gusu Jacob ore mu socárome Canaán jogosórone uñane ore jnese to.

2 Samuel 21:1

Uje israélgosode ore eduguéjnai u David nanique ga chaguhé cuchábode socárome ore ga guejnanie siquerei gadioque nanique. Ga David catecã́ri Pangarádejnai Dupade ga chojninga: "¡Pangarádejna Dupade á! ¿Gotique gu a uje bẽra chaguhei ome yurasade uyoque?" Enga Pangarádejnai Dupade chajnai David ga chojninga: "Jé yẽrate chaguhei ome uaque gu uje uaqueduguéjnai casicaite Saúl, abode ore chujé gabaóngosode ore nanique. Gabaóngosode ore gajneque uacayode jnani bajácho uru iyiejnane nanique jetiga jé ca chuque ore jne iji israélgosode ore ujade. Mu Saúl ore chó uacayode uruode udore gai enga ore cho dajocaningame ore ica ga e yo yujnutabádu udore, ga yẽra chaguhei ome israélgosode uaque."

Éxodo 33:1

Dupade chojningame Moisés: –Boji udé ga ajína udore ore aja bajesui uje boite ore iji Egípto ica. Enga acayóji jnumi casica uje yingo uacáquiode Abraham, Isaac, Jacob ore nanique uje yojningame ore nanique: 'A uacatígo gajneque jnumi udé jne jeta ore cho daniri iji jne.'

Rut 1:1

Uje cáma israélgosode ore eduguéjna cuchábode cuse nanique ga ore cho dangaránone iji dadode ajirisórone. Iji dirode udojo nanique ga chaguhéode socárome israélgosode ore iji ore uniri údode. Ga judágosi déji nanique uje i tu Elimelec. Ga uté idai u Belén nanique, ga idai tuté i uñai u Efráta to nanique. Ga uté chucué dáyipie ome re nanique jetiga chayome chaguhéode iji uraque daniri. Ga jé u nanique uje jno ga chicáji purása quedéjnane ore uniri uje i tu Moab, ga chácariji ore uniri ujade to. Ga nóna dacoté aja dajesui to uje uaté i tu Noemia. Ga nonapo dajnacare gárode to rĩ uje ore íode u udojo: Mahlón, Quelión ore.