Génesis 21:3 - Dupade Uruode

³ Enga Abraham pésu dabi i nanique enga chĩ́care Isaac aja Sára, orabi nanique.

Génesis 21:3 Iomraidhean Croise

Génesis 17:19

Enga Dupade chajnai Abraham uruode enga chojninga: –Úngare. Que yuru qui tu gotique. Bacotépise Sára a atique cuse jne. Be jne enga ẽ́care Isaac aja jne jetiga base. Enga Isaac uté a gajneque yuru iyiejájnane jne. Enga a jecucha yuruode tocade jnese jne, enga a ca eruénique cuse jne ome uté, ape disi ejo gatérigo, gatérigo ore jnese.–

Génesis 17:21

Mu a ca uté gajneque yuru iyiejájnane udore jne. Isaac jé gajnecho yuru iyiejájnane jne. Yojningai tu bacotábia Sára abi uté uje a yisi ome uaque. Enga a basíji sequeré ejo jne iji guedosi tudé uéchaminónique.–

Génesis 21:12

Mu Dupade catecã́ri Abraham nanique rĩ, enga chojninga: "Ca báyipie chejna raja babi tiji barogué gari, daté ore. Be ga angaripísi bacoté Sára, enga be uruode ome cuchade. Uje yajéode jé u to ujetiga bape gatérigo gãrapi tu babi Isaac uté jne.

Génesis 21:6

Enga Sára chojningame re nanique: "Que toc eti ca yirasé yu enga yingana, uje Pangarádejnai Dupade chisi ome yocabi ome yoque. Mu que gusu yoque uje yoquirasé yoc enga yinganángo, mu a yocujnomei chise yoquijoranie to jne enga a ore irasé raque to jne enga a ore cana yoquibai to jne uje ore irasé yoque gu yocabi.

Génesis 22:2

Enga Dupade chojningame Abraham: –Abraham, be bape ugurui uje bajnorapise enga asi ome yu jne. Bo údi aja ore uniri Moriah, enga ocho yojningai cucarãte jne enga acáji ójo jne. Ga apésu gaserani iji cucarani uté enga ẽra babi tuté ome yu iji uté jne enga abore, enga a gajnui tu cuchiso pẽrapáitique ome yu jne.–

Génesis 25:19

A qué yatata Abraham ujnacaripísi Isaac adode ome uaque jne.

Matéo 1:2

Ore íode u unojo: jnani bajai Abraham ujnacari tu Isaac nanique. Enga Isaac ujnacari u Jacob. Jeque Jacob ujnacarode u Judá ore to nanique.

Héchos 7:8

Dupade chingo dáyipiedie aja Abraham to ga chiroque Abraham ujetiga chica dabode ujetiga pijoque uje Dupade uruode gajnesórone u ore. Jecute Abraham chica dabi Isaac uje dirode gadióguiji ti iji yui uje base. Adi jé upo rĩ uje Isaac chica dabi Jacob to. Adi jé upo rĩ Jacob. Chica dabode to uje gare ore iji yirídai. Enga israélgosode uyoque uje yocuáguedie gare iji yirídai yocãrapi jé u Jacob ujnacarode udore.

Romános 9:7

Ga a jé chopome Abraham uté rĩ, uje que Dupade cho Abraham abipísode iji uté ujnié disi ejode jnese gotique, mu chedu Isaac ujnié disi ejode udore ome ore úringane Dupade ajegaicho, uje Dupade chósi tome Abraham uté icaite: "Yichagájade bájnape disi ejo ore ga, gusu ore uje ore gãrapi u Isaac jne."

Hebréos 11:18

Uje Dupade uruode chósi te ome Abraham nanique: "Bape disi ejórigo ore gãrapi u Isaac jne."

Josué 24:3

Mu yijnimique uacai casicaite Abraham iji tiédaté Éufrates edúdi to nanique, ga yo quique dajéode ome ore nanique jeta chise puniri to uje i tu Canaán nanique. Garósipise Abraham ore to nanique uje ore tṍraji daniri uté nanique mu yipésu ore uatigájnane to nanique. Ga uyu u to uje yisi ome Abraham abi ome nanique, enga ore chĩ́care Isaac aja dabi uté to nanique.