Génesis 2:9 - Dupade Uruode

⁹ Enga Dupade pésu dejnai enga poridie jiéjna iji enga ueradéjna adie iji uté nanique ujetiga jnani bajai tagu adie udire nanique. Iji guejnai tuté nanique enga chicha pore gáredie aja dejnai gatócoro. Enga pore uña ujetiga gosi tagu adie enga pucuecaringué eyúgojmai déji gosi. Jé basa ga uña déji to ujetiga gosi tagu enga chiraja cucha gajnaréngone, cucha arégode ore iji ñane.

Génesis 2:9 Iomraidhean Croise

Génesis 2:17

Mu gusu pore chojmara adie ujetiga ca agu jne. Chamáñaje uaté u gu ujetiga araja cucha gajnaréngone, cucha omone ore ome uaté jne." Enga Dupade chojningápo rĩ: "Jé ũrépise yu, jetiga agu ga a atoi jne."

Génesis 3:22

Dupade chojninga: –Jnani e cho yoque, uje chiraja cucha gajnaréngone, cucha omone ore iji ñane. Gajnareque jeta uté doi enga tagu poria uña adie, uje gosi tagu uaté adie enga eca gosi iji deréjnane jnese.–

Génesis 3:24

Uje Dupade e tṍra ore aja guesi iji dajutícabia enga doi nanique enga chicha darógode gaté unirísoño aja dajutícabia uaté yui iji guedé garani yui. Enga asṍreraque déji to uje pioguipise enga chibote erámi to ga chãraque poria yui ujetiga ca ayorérique chisápo to nanique rĩ. Uje poria uaté adie gajnei tu pucuecaringué eyúgojmai nanique gu.

Génesis 3:3

Gusu chojmára uje charángome yoque iji dajutícabia gatócoro ujetiga ca yajo uaté adie iji gatócoro jogoto. Dupade chingome yoque ujetiga ca yajo, jé aja ujetiga ca yisagopo te rĩ. Chamáñaje ujetiga yajo jeoga yisago enga yitogoi ome jne.–

Génesis 3:5

Ugai qué catecã́ri chequé bajé enga chojninga: –Dupade chiraja arĩ́e ujetiga acho guejnai gatócoro jogoto pore adie enga jé u ujetiga arajáyo cucha gajnaréngone, cucha arégode ore iji ñane enga a oyópise Dupade jne.–

Provérbios 11:30

Uje ayoré ate arégode ore chacate dojode ayoréo enga cho ujetiga ore chṹra cucha a taja dojode ayoré ga ore tagu ga cho jetiga ore poté tuaté imanique ore aja pucuecaringuei. Enga uté gosi ujetiga pésu Dupade uruode unéningai ome dojode ayoréo enga áyipierãi tu uté gosi.

Provérbios 3:18

Ujetiga gosi chise pirajatigai tuté ga jogadi u uje uté chise dacuecaringuei tiji. Enga pininaquei gajnesṍri tu uté gosi uje que chejñu re iji pirajatigai, payuquetotiguei ore.

Juan 6:48

Arurei u uyu uje gosi tagu enga eca iji deréjnane jnese.

1 Coríntios 8:1

A qué yujnungumu jmare jne ayoré gajnúone gajnéone cucha piboso ujetiga jé areque ujetiga yajo, jeoga ca yajo. Yiraja uje jé ate ome ayoréode uyoque uje yoco irajatade iji yoque ome cuchade quigode jnese. Mu yiraja to uje yocúringane dicotárechoquí jogadi tu uje yicotágo yógome yoquirajatigade. Jé basa ujetiga gosi chijnorapise dojode ayoréo enga jogadi tu uté uje uté gosi quérã iji Dupade adode.

Apocalípsis 2:7

Ujetiga angoninguite guesaque uaque, enga ca ajusécho Dupade Ujopié Espíritu Sánto uruode ome Dupade anguresórone uaque uje chojninga: Ujetiga Satanás ca chijnime uacãrírique enga a yujuéga poria tome uaque jne uje déji yidai iji gatajnoquei. Enga a acho adie udire jne enga pucuecaringuei a déji uaque jne iji deréjnane jnese."–

Apocalípsis 22:14

Pininaquei jogadi tu ome udore ore jnese ujetiga puruguei ore iguidedie enga póroroi. Uje a udore ore gajnei tu jne ujetiga ore chacája Jerusalén icha piagode. Enga a ore gajnei tupo jne rĩ ujetiga ore tagu poria adie uje pucuecaringuei déji.

Apocalípsis 22:2

Tié tuaté dépisiji dajerepise gatócoro iji idáidatéi tuté. Enga poridie suéji tié dosadode uje pucuecaringuei déji udire adie. Enga poridie udire adie timate enga gariji yirídai iji sequeré chojmara. Enga adie udire que chimoque guedosíode uje timate. Enga bisite poria tuaté acarane ujetiga erãpe ichai jogosórone ore chóji enga que qué cuchárique chopósi tiji ore rĩ.