Génesis 2:7 - Dupade Uruode

⁷ Jé u nanique uje Pangarádejnai Dupade chisa nanique dachabei enga chipocásu dachabei nanique enga pésu ayorei iji nanique. Enga pésu jnani ujunane nanique enga na dajñari aja ujunane ajei enga jé u uje ayoré ueca uté nanique iji taningapísi uje pésu nanique.

Génesis 2:7 Iomraidhean Croise

Génesis 1:27

Iji taningai uje Dupade pésu jnani nanique enga pésu jetiga jé chopise. Mu que gusu jnani gotique mu jõra jé u ipesudé chequé to rĩ.

Génesis 2:6

Íjnoque guei iji taningapísi mu mararata jnumi bisideque nanique enga cuchade quérã gu mararataringuei uté nanique iji erámi jnese.

Génesis 3:19

Dupade chojningápome jnani te rĩ: –A amo jne uje a bo bajuñame ua jne uje basa bejode ome babosode, enga gajnetui doi guesi tiji bedodie. Enga a isoca basocai tuté jne jé aja batoringárique jne, ujetiga acápoji jnumi te rĩ. Chamáñaje jnupe ua ica uje quene yipésu ua ica, ga e baqui tupo jnumi jne rĩ.–

Génesis 3:23

Jecute Pangarádejnai Dupade doi jnani tuté enga chijócãre ore iji dajutícabia uaté uje déji puniri Edén nanique. Enga chojninga: –Be ga asa bejode iji barani casica jnupe.–

Génesis 7:22

Enga jé u uje cucha uecade jnese iji erámi údode ore toi jnese. Uje cuchade ujñari déji nanique mu que cuchade udore chapídome Dupade ujuyaquédatéi tuté nanique.

Sálmos 100:3

Adójnachopísa uje Dupapísi u Pangarádejnai uté. Uté pésu yoque ga uté gajneque yoque. Uté urasapísode u yoque, ga uté cho dachidedie áyasai iji yoque uje déji uté gajnei garai.

Sálmos 103:14

Uté chiraja yocúringane poracho nanique, ga jnusinapísa uje jnumi udé uru yoque.

Provérbios 20:27

Pangarádejnai jé ichajapite pirajatigai aja ayoré ponáyone ore jnese, gaidi u ujetiga ore chiraja jetiga paraque ore, jeoga sijnaque ore. Ga pirajatigai gajnui tupúsu dírecaringuérique iji yocajei uje chijñate yocáyipie gai aja yocajei eruéode ujetiga pijoque yocadode ome ñane.

Números 16:22

Ga Moisés, Aarón ore chichaga dagataidie aja jnumi ga ore chijócha Dupade ajei údi to ujetiga ca Dupade chujé ore urasade to. Ga Moisés chojningame Dupade: –¡Dupade á, cachi bapesute erámi unirisórone uyoque jnese, ga yiquecágo gu ua jnese! Ujetiga ate gajnarei chojmára enga ¿ajérase yocurasade ore jnese gu uté isijnaringuéone?–

Juan 20:22

Jé u uje Jesús doi enga chubúchu dajñari aja dacadigode enga chojninga: –Yujopié Espíritu Sánto e chacája uaque ome yujñarone udojo.

Héchos 17:25

Que cuchárique chona to go jetiga ayorérique chisi ome. Mu uté u uje guẽrate cuchade ome yoque. Guẽrate yocucuecaringuei ome yoque. Enga guẽrate yocujñari ome yoque rĩ. Cuchade jnese uje déji yoque iji erámi tudé jé garani u uté to.

Romános 9:20

Mu ujetiga baruode urásu udore ome yu ga, a yichajnárasi baruode ga yojningárasa: "¿Jé ua gosi a, jnani chá, uje banguíra babijnani aja Dupade ome babotaquéode udore? ¡Que bajnei tu gotique jetiga abotare Bamanisṍri uté! Uje jé tiógara ujetiga doi dajéode ome dajegaitique cucha." Ga a jé adi tu co orangónique uje chirórase dacóbia, mu a ca toguírase jetiga uté orátaque dacope doi ga botárirase dorangóri uté, jeta chojninga: "¿Cuchárique u gu a uje bósi tome yu?"

1 Coríntios 15:45

Ore urusarane Dupade urúo chósi tome yoque: "Uje Dupade tẽrája pucuecaringuei ome jnani bajai Adán nanique enga jé basa Adán chajnerame dajnei tuté pucuecaringué tome yoque ga yiquecágome to." Jé basa Adán uñai u Crísto to uje tẽra pucuecaringuei ome yoque to, mu pucuecaringué eyúgojma tuté guerani tome yoque. Chamáñaje gaté unirísõre uté gu.

1 Coríntios 15:47

Yirajágo uje jnani bajai pipesudíji jnumi enga uniri tu jnumi. Jé basa ga yirajágo uje gateminore jnani ejoi tuté. Enga Yocangarádejnai u uté.

2 Coríntios 4:7

Yirajágo uje cucha orerã́quedatéi déji yocao ayorei ajei. Yirajágo mu uje que cuchárique tṍraji yocao ayorei tuté. Mu gajnua u pĩraca docoráraque iji jnutique. Jecute obiréjna uje yocaríjogoto pujopiédaté que garani u yoque go, mu garani u Dupade.

2 Coríntios 5:1

Yirajágo uje yocao ayorei tudé gajnui tu guiguíjna pipesutique ome pijmanéringui. Uje jĩraque íjnoque. Enga yirajágo rĩ ujetiga toque yoque, mu e dimane yocao icha ejórique ome yoque iji gaté. Yocao ichai tuté gajnui u guiguíjna pipesutique rĩ, mu e que cho ayorérique ipesutique go, mu pimanique ome Dupade jmainie.

1 Timotéo 2:13

Uje bamo uje Dupade pésu jnani Adán bajaque. Quigade enga pésu chequé Éva.

Hebréos 12:9

Uacarajáyo to uje disío yoque nanique enga yocai ayoréode ore chacate yoque nanique. Enga yangácoi ore nanique. Ca iyieguirase yocangoninguite guesáringarique ome Yocai Dupade ujetiga yocúringane ujñapetácho pijóguiji yoque.