Génesis 10:5 - Dupade Uruode

⁵ Enga Jafet ape disi ejode udore ore jnese ore íjnongaja yote quedéjnai yui nanique. Enga jiépisi ore nanique enga ore cãra danirone ome ñane nanique, enga ore uruode cãra rome ñane to nanique.

Génesis 10:5 Iomraidhean Croise

Génesis 10:20

Yujúdode udojo ore gãrapi u Noé ujnacari Cam jnese nanique. Enga udore ore cãra dajogadode ome ñane jnese nanique enga ore uruode cãra rome ñane to nanique rĩ.

Génesis 10:25

Enga Heber ujnacarode gare nanique enga uñai i u Peleg. Enga Peleg uté i gajnui tu nanique jeta ore chejñúnguiji ñane nanique. Chamáñaje dirode udojo u nanique gu uje ore chajuque daniri tiji gatócoro nanique. Jé basa Heber ujnacari uñai i u Joctán nanique.

Génesis 10:32

Enga yujúdode udore ore jnese ore gãrapi tupúsu jnani bajai Noé nanique. Mu udore ore chisite rágaja erámi nanique iji gue dequejnangóri quigade enga ore pésu danirone iji erámi údode jnese uje cãra rome ñane. Enga jé u nanique uje erámi unirisórone yingarángo yocunirone ome ñane jnese.

Génesis 10:4

Enga Jafet ujnacari Javán abode ore íode u udojo to rĩ: Elísa, Társis, Quítim, Rodánim ore.

Génesis 10:6

Enga Noé ujnacari Cam abode ore íode u udojo nanique: Cus, Mízraim, Fut, Canaán u ore nanique.

Génesis 9:19

Enga erámi unirisórone ore gãrapíode u Noé ujnacare gadiógode udojo ore nanique, jé aja udore ape disi ejode.

Ester 10:1

Ga ore eduguéjnai Asuéro ujnomeranguipise nanique ga chiroque dejnane puníño unirisórone aja nanique ujetiga ore cho doré ome jnese. Que gusu punirone udore uje ore déji jnumipísi, mu jé chuságaja dejnane pidáyo uñane to iji yote quedéjnane ajã́ronie. Ga guejnane udore pidáyo ore cho doré ome jnese uje ore dosóñime uté gu.

Sálmos 72:10

Ga társisgosode ore eduguéjna cuchábode, jé aja eduguéjnane uñane to uje ore idáyode déji yote quedéjnane ajã́ronie, a ore di dẽrapaite bisidégode údi ome uté, jeta ore cho doré ome uté. Ga peduguéjnane uñane a ore di deranone cucha údi aja peduguéjnai uté to uje ore unirone u Sabá, Séba ore.

Daniel 11:18

Ga a jé u jne jetiga eduguéjna casaque yuminóri doi pocaningai ome ore idáyode iji yote quedéjnai edúdode ga a sué ore gai jne aja dajesui. Mu a chise dojórique eduguéjna jne uje a sué gai jne ga ujoi eduguéjna chinguíra pajegátigai aja uté.

Deuteronómio 32:8

Chise diri nanique uje Dupade chajuguína dapesudode ayoréo iji jnumi péode, péode to, jeta ore chicáji ga ore cho daniri iji péode to. Enga chingo ore unirone eruéode ome ore to jeta ore chiraja danirone eruéode to. Uje Dupade chajire punirone udore iji erámi údode jnese to ga chajire israélgosode ore to enga jé u uje noñome denominone iji israélgosode ore gari to.