Génesis 10:2 - Dupade Uruode

² Noé ujnacari Jafet abode íode u udojo: uñai i tu Gómer, jé basa uñai i tu Magog, uñai i tupo Madai rĩ, uñai i tupo Javán rĩ, uñai i tupo Túbal rĩ, uñai i tupo Mésec rĩ, enga ejoi i tu Tíras nanique.

Génesis 10:2 Iomraidhean Croise

Génesis 10:1

A qué yatatapo Noé ujnacarode Sem, Cam, Jafet ore ape disi ejode ome uaque jne rĩ. Ga cucoi quigade u nanique enga Noé ujnacarode abode quene base to iji cucoi quigade.

Génesis 10:21

Noé ujnacari Jafet uyai u Sem nanique. Enga Sem uté abode cuse to nanique. Enga hebréogosode ore gãrapi u uté to nanique.

Génesis 9:27

Enga Noé e cho darúja dajnacari Jafet to nanique enga chojninga: "Yipésupú ga Dupade chatapísaja Jafet, ape disi ejode ore enga juéga ujetiga jiépisi ore jne enga ore chajnerame re jne iji erámi. Enga a Jafet, Sem ore ape disi ejode jõrapise ñane jne. Jé basa Canaán ape disi ejórigo a ore doi Jafet iroquérigo to jne."

2 Reyes 17:6

Uje israélgosode ore eduguéjnai Oseas guejnanie siquerei chise 9 años ome dáringai eduguéjna nanique enga quene ası́riagosode ore eduguéjnai uté sué israélgosode ore idáidatéi Samária gai nanique. Ga jno israélgosode udore údi aja Ası́ria nanique ome dáringane pisacho. Enga ası́riagosode ore eduguéjnai chiroque dasagode israélgoso udore aja pidáyode uñane iji uté uniri ujetiga ore cho dedáji udore. Ga uñane cho dedáji Halah; jé basa ga uñane cho dedáji ore idai Gozán uje uté déji tiédaté Habor uaté edúdi nanique. Jé basa ga chijna uñane aja médogosode ore idáyode uñane to nanique rı̃.

Sálmos 120:5

Yosṍri jóroque yu uje purása quedéjna yu iji pachamini uté uje i tu Mésec, uje udore ore icotade u dupa quedéjnane. Ga yugúsiji ore irengúi uje i tu Cedar.

Apocalípsis 20:8

Enga Satanás a chãra erámone unirisórone ore jnese iji erámone údode. A chãrapo eduguéjnai uje i tu Gog, jé aja uté urasade rĩ iji ore uniri Magog. Enga a ore chamáta ráguiji punirone uñane jnese ujetiga ore pésu pocaningai ome Jesucrísto. Enga a uásejna soldádode jne uje ore pésu pocaningai. Enga ore gajnunie u ujnanie ore iji yote quedéjnai pijnanane.