Génesis 10:1 - Dupade Uruode

¹ A qué yatatapo Noé ujnacarode Sem, Cam, Jafet ore ape disi ejode ome uaque jne rĩ. Ga cucoi quigade u nanique enga Noé ujnacarode abode quene base to iji cucoi quigade.

Génesis 10:1 Iomraidhean Croise

Génesis 10:2

Noé ujnacari Jafet abode íode u udojo: uñai i tu Gómer, jé basa uñai i tu Magog, uñai i tupo Madai rĩ, uñai i tupo Javán rĩ, uñai i tupo Túbal rĩ, uñai i tupo Mésec rĩ, enga ejoi i tu Tíras nanique.

Génesis 2:4

Purusarane udojo júdi tu cuchade iji taningapísi uje Dupade pésu cuchade iji gaté, jnumi ore jnese nanique.

Génesis 5:1

Enga e yatata Adán ape disi ejórigo ore íode, jé aja sequeredie iji ore itoringai yúode. Uje Dupade pésu jnani bajai nanique enga jé gajnui tu dapesudi jnani nanique.

Génesis 5:32

Noé guejnanie sequerei chise 500 años nanique uje abode cuse to nanique enga abode uñai i tu Sem, jé basa uñai i tu Cam, jé basa uñai i tu Jafet.

Génesis 6:9

A qué yingome uaque jne Noé uté isocade. Jnani uté ate ujñapetaguipise nanique enga jecucha pésu Dupade ojningane cucha nanique. Enga gusu uté nanique iji dojode jnanío ujade uje pésu Dupade ajegaidode nanique.

Génesis 9:1

Ga jé u nanique uje Dupade chopo darúja Noé, ujnacarode ore nanique enga chojninga: "A jiépisi uacatígo enga a ore chĩretápo erámi údode jnese jne rĩ.

Génesis 9:19

Enga erámi unirisórone ore gãrapíode u Noé ujnacare gadiógode udojo ore nanique, jé aja udore ape disi ejode.

Génesis 9:29

Enga Noé guejnanie sequerei chise 600 años nanique uje chacája cucoi ajei, enga dopoi guesi te rĩ iji cucoi ajei enga guejnanie sequerei chise 350. Jecute yáta guejnanie sequerei aja ñane jnese enga chise 950 nanique uje Noé topísi.

Génesis 9:7

Mu uhuaque, a jiépisi uacatígo jne, ga beyoi enga ãretáyo erámi ome uacatígo jne."

Matéo 1:1

A yurúsãre Jesucrísto quicujaidie ore íode jne. Mu obiréjnane u David, Abraham iji ore. Enga Jesús quicujaidie u ore to.