Génesis 1:3 - Dupade Uruode

³ Quigade enga Dupade narare enga chojninga: "¡Dírecaringuéi á, be guesi!" Ga doi guesi.

Génesis 1:3 Iomraidhean Croise

Génesis 2:4

Purusarane udojo júdi tu cuchade iji taningapísi uje Dupade pésu cuchade iji gaté, jnumi ore jnese nanique.

Sálmos 104:2

Ga baco babai ome báringai nanganataque ga cho pepeque piguitíguiji babai. Ga cho ujetiga ayo gatajnoquei údi ga cho carpa pungaratique iji bajmainie.

Sálmos 118:27

Pangarádejnai u Dupade ga uté u uje chijñate yoquibai. Amátayo ñane jeta ajnáño ijnacojodie iji gatéode iji uacajochai jeta asáchoja ore aseradéjnai uté uje aquirájna ue gajnúone déji gatajidode.

Sálmos 148:5

¡Jé tiógara jeta picotaque Pangarádejnai uté i ome ore! U gu uje uté chiroque ore aja guesi jeta ore déji erámi, ga pimanique ore.

Sálmos 33:6

Gaté, jogonórone cucha jnese, ga Pangarádejnai imanicho udore jnese ome daruode. Chimate guédo dipesedie udire ore jochaguéjnai ome dajñari uje chubúchu ¡pu!

Sálmos 33:9

Uje uté narare ga jĩraque uruode tocade; ome uté iroquéode ga cuchade etóguiji dayaridode jnese.

Sálmos 97:11

Dírecaringuéi chichaga raja ayoré ate arégode ore, enga pininaquei gajnesórone u ayoré uréone udore ore.

Matéo 8:3

Enga jé u uje Jesús chicha dajmanai aja jnani ejnarétai gai enga chojningame: –Yipota arĩa ujetiga yiqueta ua.– Uje Jesús urúo udore enga jé u uje jnani ejnarei jĩraque jnoji uté.

Juan 1:5

Uté chijñate ijnangununie gáyode. Enga que togome ijnangunua uaté ujetiga chajni uté idírecaringuéi.

Juan 1:9

Enga Juan atatagode u uje dírecaringuéi guẽrasõripísi uté a jĩraque di jne iji erámone. Enga dírecaringuéi uté u uje chijñate erámi unirisórone ore gáyode jnese.

Juan 11:43

Uje chejna udojo guesi ga jé u uje chejnapúsu daruode enga tibidi Lázaro enga chojninga: –¡Lázaro, be guesi iji bode!–

Juan 3:19

Udore ore uje que ore changureta Dupade abi enga e dimane ore gajnéone pujuyaquéo ome ore jne. Chamáñaje dírecaringuéi e chise erámone gu, mu ore irasigode u ijnangununie enga que ore chise dírecaringuéone unétique. Chamáñaje jé ore déji date gajnaréngone gáyode gu.

2 Coríntios 4:6

Dupade u nanique uje ipesute dírecaringuéi ujetiga chijñate ijnangununie gai. Enga jé u to uje chijñate yocáyipiedie gai to. Pésu udore gu ome yoque ujetiga pijoque ingoningájnai ome yoque to. Enga Dupade idírecaringuéi tuté u uje dépisiji Jesucrísto to.

Efésios 5:14

Chamáñaje dírecaringuéi isocai jé u gu. Ujetiga pecãraque cuchárique aja dírecaringuéi enga e que dépoji ijnangununie rĩ ome dáringai pipoguiete. Jecute ijnangununie jongosórone isocai uté jé cunguésõri purusãrasórone uñai urusarane, uje chósi te: "Mocucha chá, ¡ãriji iji bamoi! ¡Ãriji iji báringai toque uté quigade é! Enga Crísto a chijñate babai ome dadírecaringuéi."

Efésios 5:8

Uacamóño gu uje ijnangununie jongosõre uaque to nanique; mu uje uacatojmárañoji Yocangarádejnai uté, ga e uacagúsoi dírecaringuéi ajei iji deréjnane udojo. Jecute beyórasi enga apijócho ome uacáringane dírecaringué jongosóño.

1 Timotéo 6:16

Gusu Yoquidupade uté u uje que chimo pitoringai ome re. Enga déji dírecaringué cuchábi ajei, jecute que toque ujetiga gosi doi enga chirõre jogadi uté. Enga que ayorérique dépoji rĩ ujetiga chimo Dupade ome dedodie nanique, enga a jé ate udore jne iji deréjnane jnese uje a ca toque jne ome ayorérique ujetiga chimópise Dupade ome dedodie. Uté gajnei tu ujetiga picotaque ome uyoque jnese, enga ujopiédaté a ca eruénique cuse jne iji deréjnane jnese. Amén.

1 Juan 1:5

Jesucrísto jé guẽrate yoquingomei cucha uné ome uaque. Enga u uje dírecaringuéi u Dupade enga que ijnangunúraque cunguésõri uté.

1 Juan 2:8

Mu cho ujetiga piroqué icha uté uje yurúsarome uaque iji yurusarane unojo. Enga piroqué ichai tuté gaisṍri u Crísto nanique, jé basa gaisórone u uaque to iji deréjnane unojo. Chamáñaje ijnangununie e idája iji yoque enga diga a bijna jne ome yoque. Jé basa e dírecaringué ũrepísi u uje e chijñate yoquibáyode.