Génesis 1:2 - Dupade Uruode

² Mu iji taningai nanique enga jnumipis uje cáma Dupade pésu cuchárique. Mu que pimo jnumi gotique uje yodi irágu erámi gu. Enga judúguejna jnumi enga que pimo cuchárique gotique. Mu Dupade Ujopié Espíritu Sánto chicai yui, chicai yui ujetiga pésu.

Génesis 1:2 Iomraidhean Croise

Sálmos 104:30

Mu ujetiga aroque Bajopié aja udore ga jé u uje pimanicho. Ga bapésu erámi enochai ga cho cucha ichárique iji bajmainie.

Sálmos 104:6

Baco jnumi gai ome yote quedéjna ajé cuchábode udore, ga jnumi uté cho daguite cucha piguidíji yodi uté; ga yodi uté chaco cucarãte yoricode gáyode to.

Sálmos 136:6

Ga uté u uje chicha jnumi aja yodi gai. Chamáñaje que ijnoraquédatéi eruénique cuse gu.

Sálmos 148:7

¡Acotáyo Pangarádejnai iji erámi údode, yote quedéjna cuchábode achamisórone cucha guichaya uaque á, jé aja yote quedéjna cuchábode ajedatéode uaque!

Sálmos 33:6

Gaté, jogonórone cucha jnese, ga Pangarádejnai imanicho udore jnese ome daruode. Chimate guédo dipesedie udire ore jochaguéjnai ome dajñari uje chubúchu ¡pu!

Provérbios 8:24

Jé chopome yote quedéjna cuchábode, jé aja sibíjnane, tiedie ore, jé upome yote uode to rĩ uje bajaque yu ome udore ore jnese.

2 Coríntios 4:6

Dupade u nanique uje ipesute dírecaringuéi ujetiga chijñate ijnangununie gai. Enga jé u to uje chijñate yocáyipiedie gai to. Pésu udore gu ome yoque ujetiga pijoque ingoningájnai ome yoque to. Enga Dupade idírecaringuéi tuté u uje dépisiji Jesucrísto to.

Deuteronómio 32:11

Ga yacãra Dupade isocade aja arorei to uje chijnóra dabode ga jnusi rome dabode jeta ore chó to. Uje arorei abi todópisa choi to ga doi dabi ga chicháji dedoboi to ga jé u uje chó dabi údi to. Ga jé u uje chimate dabi aja choi. Ga Dupade isocade u udojo ome israélgosode uaque to uje jecucha jnusi rome uaque to enga chiroque uágaja cucha omone to.