Génesis 1:1 - Dupade Uruode

¹ Iji taningai uje Dupade pésu cuchade iji taningai enga pésu jnumi, gaté ore jnese.

Génesis 1:1 Iomraidhean Croise

2 Reyes 19:15

Enga Ezequı́as chijócha Pangarádejnai ajei údi iji iquei, ga chojninga: –Pangarádejná, israélgosode yocangureni Dupa yá, e bácariji bayaripi uté gai iji gaté unirisórone udore gai uje ore ujnóngone cuse ga ore i tu querubı́neone. Dupa ugurui tu ua, enga báringai Pujnuéngaisṍre cuse ome peduguéjnane ore gajnepı́dode jnumı́o iji erámi údode jnese. Ua u uje bapésu gaté, jnumi ore jnese iji taningai.

Nehemías 9:6

Enga jé u uje Ésdras catecã́ri Dupade iji ore iquei ga chósi te ome dacatecãraitigade: "Pangarádejnai tu ua, Dupade á, enga pangarádejnai uñeque que déji erã́tique. Ga jé ua u uje bapesute gaté, jé aja gatajnoqué gaté rĩ. Ua upo uje bapesudei guédodie to rĩ. Ua upo uje bapesute jnumi tudé to rĩ, enga jé bapesudápo yote quedéjnane jnese to rĩ, enga jé bapesudápo yote quedéjnai ujṍsore dipeséjnane ore to rĩ. Ga jé ua upo rĩ uje bapesute yote quedéjna ujõsórone ore ujñarone to rĩ, jé aja jnumi tudé unirisórone ujñarone to rĩ. Que cuchisórique, ayorérique udore uñeque eca bisidéguiji erámi tudé bisidec. Mu ayoréode, cuchisode yiquecágo gu ua uje basíome bajñari ome yoque. Que gusu yoque mu guédodie ore chicota ua to iji gatajnoquei.

Sálmos 102:25

Ua u uje bapesute jnumi udé iríbidi nanique iji taningai. Ga bamaningone cucha erã́todie u bajmainie to ome gaté úringai pipesute.

Sálmos 104:24

Pangarádejná, ¿bamaningone cucha udore uatigájnai ĩ́rique? Bapésu cuchade udore jnese gu cutejmai báyuquetotiguejná. Bamaningone cucha udore chĩreta jnumi udé ome dáringane bamanicho.

Sálmos 104:30

Mu ujetiga aroque Bajopié aja udore ga jé u uje pimanicho. Ga bapésu erámi enochai ga cho cucha ichárique iji bajmainie.

Sálmos 115:15

Yipésupú ga oyo uacajnéngu Pangarádejnai amangaqué ueradode udore ome uaque; uje Pangarádejnai uté u uje ipesute gaté, jnumi ore jnese.

Sálmos 121:2

Yátajasṍri u Pangarádejnai uje ipesute gaté, jnumi ore jnese.

Sálmos 124:8

Yocátajasṍri u Pangarádejnai i, uje uté u uje ipesute gatajnoquei, jnumi ore.

Sálmos 134:3

¡Yipésupú ga Pangarádejnai chacacãre uaque jne jõ iji dajogadi Sión uté, uje uté ipesute gatajnoquei, jnumi ore ga ore imanisṍri tu!

Sálmos 136:5

Pésu gaté nanique ome cutejmai dáyuquetotiguédatéi. Chamáñaje que ijnoraquédatéi eruénique cuse gu.

Sálmos 146:6

Uté ipesute gatajnoquei, jé aja jnumi, jé aja yote quedéjna cuchábi, jé aja udore jogosórone cucha jnese; uje jecucha ũré uté ome añerane cucha jnese.

Sálmos 33:6

Gaté, jogonórone cucha jnese, ga Pangarádejnai imanicho udore jnese ome daruode. Chimate guédo dipesedie udire ore jochaguéjnai ome dajñari uje chubúchu ¡pu!

Sálmos 33:9

Uje uté narare ga jĩraque uruode tocade; ome uté iroquéode ga cuchade etóguiji dayaridode jnese.

Sálmos 8:3

Uje yajire gaté ga yimo gatajnoquei úringai pimanique ome bajmainie, jé aja guedoside, guédodie udire ore uje bachajapite udore jnese aja charidode iji gaté;

Sálmos 8:4

ga yojninga iji yajei: –¿Ga cuchárique u jnani uté? uje báyipie jogate uté. Uje ayorei ape gosi, mu ¿cuchárique u gu a uje bajmita uté?–

Sálmos 90:2

Uje cáma cucaranone udore ore tocachúringai dire u nanique, jé aja uje cáma apésu jnumi, erámi ore, mu jé bajogate aro nanique ome báringai eyúgojma uje que taningárique cuse, ga jé báringai Dupa érãtique chise deruénique to iji deréjna pitade gatuaque.

Sálmos 96:5

Chamáñaje purása quedéjnane ore angurenone dupa jnese ga cachi ayoré gajnúo, ga cucha bisidécho. Mu Pangarádejnai uté u uje ipesudi cucha u gaté.

Éxodo 20:11

Uje bangarádejnai Dupa uyu yimate yipesudode cucha jnese nanique gu iji dire chojmaráitía; jé u gaté, jogonórone cucha jnese, jé aja bayaripi jnupe udé, jogonórone cucha iji erámi údode, jé aja tiedie, jogonórone cucha ponáyo. Ga yo yujñare to nanique iji dire garitia. Jecute Dupade uyu yo yajnenguíji dire garitia uté ga yo dire puyáguiji nanique.

Éxodo 31:18

Uje Dupade e cha catecã́ri Moisés iji cucarani ójo nanique ga chisi ome darusarane ome uje déji cucarãte uejájnane uje áyipie pirosobádedie jogapíode u udore uje churúsãre quigode iji ga inguíraja jé u dajmané uje churúsãre dáyipie quigode iji udore. Ga gare cucarãte uejájnane udore nanique uje Dupade chisi ome Moisés.

Provérbios 16:4

Pangarádejnai Dupade chimate dajegaidode cucha jnese nanique uje pésu ore, enga áyipie quigode cuse ome damaningone udore cucha jnese, jé aja jnani sijnángone ore to. Pimanique ore ome ore gajnei pujuyaqué yui.

Provérbios 3:19

Chamáñaje Pangarádejnai Dupade jogosórone u pirajatigai, payuquetotiguei ore nanique gu uje pésu gatajnoquei, jnumi ore nanique.

Matéo 11:25

Enga Jesús e catecã́ri Dupade enga chojninga: –Yapá, yisípise babai uje bajnué gaté unirisórone ore gai jnese gu. Enga jé cho jnutiminórone ore, uje bajnué ore gáyode to. Yisípise babai to uje bapógu badode ome dicotárechoquíode, irajatade ore. Mu que apógu ua ome udore ore gotique uje qué garósi ore irajatigade.

Márcos 13:19

Uje a ca uacajnéone pujuyaquéo udore chajire re ome uaque jne. Uje cáma pimo pujuyaquédatérique to ujetiga cho uacajnéone udore. Jé iji erámone taningápisi uje Dupade pésu nanique, jé aja deréjnane udojo. Mu a jé isocai tupo rĩ uje a ca pimo uté gajnúrique to jne rĩ jé aja yoquiquei.

Héchos 14:15

–¿Jé gotique ĩ́rique uje uacoyo dupa iji yoque? Uacojo ayoré yoque arĩ́e. Mu yibájoi uaque gu ujetiga yingongo uaque ujetiga ayáyo uacangurenone cucha bisidécho. Enga angáchoi Dupa uecai to uje ipesute gaté, jnumi, yote quedéjnane ore; jec aja jnumi, gaté ore jogonórone cucha jnese.

Héchos 17:24

Dupade uté u uje ipesute erámi, jé aja erámi jogonórone cucha ore jnese. Enga uté gajneque gaté, jnumi ore jnese rĩ. Enga que cháji jnanione ipesutique guiguíjna go.

Héchos 4:24

Uje Juan, Pédro ore jorane ore chudute ore ojñane ga ore catecã́ri Dupade enga ore chojninga: –Yoque Dupade á, cuchade ipesungóri tu ua iji gaté, iji jnumi to, jé iji yote quedéjnane rĩ. Jé bapesute cuchade jnese.

Romános 11:36

Ũrepise uje cucha ponáyone jnese garani tu Dupade, uje uté ajéo gu jeta pésu cuchade jnese ome re, enga ipesute cuchade udore jnese ome dáringai ujopíerãque cuchape. ¡Jé tiógarapísa ujetiga jecucha ga yisígo Dupade uté gai ome úringai ingoningarãque iji deréjna pitade gatuaque! Qui jé upúsu, Amén.

1 Coríntios 8:6

Mu ome Dupade anguresórone uyoque, yocangureni Dupa chojmarápise enga Yocai Dupade u. Uté pésu cuchade jnese enga yiquecágo gu uté ujetiga yicoi adode. Enga Yocangarádejnai chojmarápo rĩ enga Jesucrísto u uté. Uje Dupade angúromei u uté nanique uje pésu erámi iji taningane nanique. Enga Dupade angúromei upo uté to rĩ ujetiga chisi ome pucuecaringué eyúgojmai ome yoque.

Efésios 3:9

Yajnepídi jé jno dádi to ujetiga yichapísa Dupade uté áyipie pipoguiede cásidicáite aja guesáringai enga choquípisiji guesi tome ayoré ponáyone jnese, ujetiga ore chirajapise udire quigode to. Cucha pitijabade diyajmé Dupade ipoguiédedie dáyipiei udire ome yoque arĩa. Uje jé jogate aro Cuchade Jnese Ipesusṍri Dupade uté áyipie iji erámone taningárique iquénique nanique.

Hebréos 1:10

Dupade chojningápome dabi te rĩ: Pangarádejná, jé bapesute erámone unojo ero jnese iji taningane. Bamaningápo guéode rĩ ome bajmainie.

Hebréos 1:2

Mu iji ejode unojo enga catecã́ri yoque, enga angúromei u dajnacari ome yoque. Angúromei jé u dajnacari uté to uje Dupade pésu erámone unojo, gaté ore iji taningai nanique. Enga chisi ome cuchade udojo jnese icaite ome dajnacari.

Hebréos 11:3

Uje yanguretágo Dupade enga jé u uje yirajágo uje angúroméone u daruode nanique ome dapesudode cucha jnese iji erámi, gaté ore. Enga yirajágo to uje yoquimone cucha jnese que pipesute iji cucha pimone uñeque, mu ore garani u Dupade uru pibojmane jnese nanique.

Hebréos 3:4

Yirajágo uje guiguíjnane ipesungórone cuse jnese. Mu Dupade u uje ipesute cuchade jnese. Enga que imótique cucha cuse ujetiga ca ipesute.

2 Pédro 3:5

Mu udore ore que ore áyipieraque déji to uje Dupade pésu gatajnoquei nanique, erámi ore iji taningápisi. Uje yodi chaco erámi gai iji taningai nanique, mu Dupade jé urúo nanique enga jnumi chicáji gaté.

1 Juan 1:1

Yurusarane unojo júdi u Jesucrísto uje chacate ore ome pucuecaringué eyúgojmai quigode nanique. Jesucrísto uté jé jogate nanique uje quene pipesute erã́tique. Enga yijorane ore uyoque yipáñangopísiji uté to nanique. Enga yangácoi ojñane to. Yisagopo uté to rĩ ome yoquijmainie, enga yajico ipesudode cucha to nanique.

Apocalípsis 10:6

Enga chojninga: –Dupa Pujnuéngaisṍri u yipijogúsõri uje jé ũrepise yu ome yojñane ome uaque. Enga yipijogúsõri uté u uje ipesute gaté, erámone, yote quedéjnane ore. Ipesudápo gaté, erámi, yote quedéjnane ore jogosórone cucha ponáyo ore jnese rĩ. Jecute yojningame uaque: –E íjnongapo piroditigade rĩ ome Dupade ojningane cucha uje a jĩraque tocade jne.

Apocalípsis 14:7

Enga uté chojningame ore iji daru uajádode: –Jé angachopísi Dupade é. Beyoi enga acotáyo uté to é. Deréjnai e u gu ujetiga uté chajire uacadode aja quigode. Beyoi enga acotáyopise uté uje ipesute erámi taningane, jé aja yote quedéjnane, sibíjnane ore jnese é.–

Apocalípsis 21:6

Unojo quigade enga chojningame yu: –E yimate cuchade jnese. Yajnua tu purusãra bajé uje i tu A, jé basa yajnua tupo purusãra ejópise uje i tu Z. Chamáñaje bajaque yu ome cuchade jnese, mu uje cuchade udore chise deruéode mu jé yijogate. Jecute uté gosi uje cajnóriji, enga a yisi ome yote uecai tome uté jne uje tṍraji sibíjnai iji gaté enga bisideque yerani yote tome uté gosi.

Apocalípsis 22:13

Bajaque yu ome erámi nanique. Enga a erámi íjnongapo jne rĩ mu a jé yijogate jne. Enga yajnua tu purusãra bajé uje i tu A. Enga yajnua tupo purusãra eruemito te rĩ uje i tu Z.–

Apocalípsis 3:14

Enga Jesús chojningápome yu rĩ: –Arúsãrape yuruode ome Dupade anguresórone ore angaráni uje déji Laodicéa enga ósi te: "Ũrepise uacacatecãraisṍri uyu. Enga uyu u uje yatatapísa Dupade uru uréone nanique ome ore. Enga Dupade angúromei upo yu rĩ nanique ome dapesudode cucha jnese iji erámi taningane.

Apocalípsis 4:11

Yocangarádejna Dupá, jé tiógarapísa ujetiga picotaque ua. Chamáñaje bangoningájnai cuchadaté gu. Jé cho báringai pangarate, jé aja bajopié, uje cuchadaté ore to. Chamáñaje bamanique cuchade jnese gu iji erámi, gaté ore. Báyipie omenie u nanique gu uje cuchade udore tocade.