Filemón 1:8 - Dupade Uruode

⁸ Bamo uje Crísto iroguipísode apóstol uñai uyu. Jecute yajnei turásu ujetiga jĩraque berási yiroquérigo.

Filemón 1:8 Iomraidhean Croise

2 Coríntios 10:8

Que yajéngome yuruode go uje yingo yúringai Dupade utocaite aja uaque. Chamáñaje Yocangarádejnai guẽrate yocúringai pangarate ome yoque gu ujetiga angáchoi yoque. Gaidi u gu ujetiga yatatago uruode ome uaque ujetiga aquérañoji uruode. Que chiroque yógaja uaque gu ujetiga yoco yoquijosipié ome uaque enga ca atiócho yoquijosipiérigui.

2 Coríntios 11:21

Ise enga pajegátigai déji uágome yoque uje que yicoi udore ore jmapié noñánguenie ome uaque. Jecute dicase udore ore ome dacotaquéode ome raque. Mu jé basa enga a yo dicase iji yu to jne ome yicotaquéode ome yu. Enga a yo áyipie eyúgode udore ore jne.

2 Coríntios 3:12

Jecute dicase yoque ome yocatatagode Dupade urúo. Chamáñaje yirajagopise uje Dupade áyipie ejodie udire a ca íjnongapo jne rĩ gu.

Efésios 5:4

Ga jé chopome uacaruode jnese rĩ uje tṍraji uacabijnanone, ujetiga ajusópise udore guio. Uacamóño uje puruode déji uje chiborátaja pajegátigai, uje udore qui tu pipotigué ayoréode. Poritaguipíso udore arĩa, ga ca achayo udore aja uacaruode ujetiga acatecãchoi ñane. Enga a jé chopome puruode uñane rĩ uje udore garani u pitáyipietigade; uje que cucha onique tṍraji puru bisidégode udore, ga jé ca acatecãchoi ñane ome udore to. Ga yutṍrapoi uaque rĩ jetiga jé ca amecho pujñiequé noñángone iji uacaruode gotique to; chamáñaje cuchade udore jnese que cunguésõri uacáringane icha ome Dupade go. ¡Mu omitigai tupúsurásu ujetiga beyoi ga achome uacaru omone ga acãcho Dupade gai ome cuchade jnese gatuaque!

1 Tesalonicénses 2:2

Uacarajáyo to uje yico ore idai Filípos ica, enga filíposgosode ore pojna yoque enga ore isocade gajnarenguipis ome yoque iji dedai ica. Mu jé yibájoi uaque iji uaquedai Tesalónica ica. Dupade átapi yoque gu. Mu que yicájnaco yoque ome ore guetétigade ome yoque, mu jé yajógo yógaja yocacajnaquéode Yocangarádejnai acho ica uje piquetangóri u uté gu.

1 Tesalonicénses 2:6

Ujetiga yocajéraso ica, enga a yingongorása yoquimenuringuéone ome uaque ujetiga picotaque yoque ome uaque. Chamáñaje Yocangarádejnai Jesucrísto irógode uñane u yoque gu. Mu que yocáyipiedie déji ujetiga picotaque yoque ome ayorérique, jeoga uaque u, jeoga uñéngo u.