Filemón 1:6 - Dupade Uruode

⁶ Yiraja uje bojode ayoréo uñane ore chirate ua aja banguretigai ome Dupade to. Enga yicatecã́ri Dupade ome udore ore jnese ujetiga diga ore chirajapise to Jesucrísto gueranone cucha omío jnese ome danguresórone uyoque.

Filemón 1:6 Iomraidhean Croise

Matéo 25:16

Jé u uje iroque bajai uté uje gajnenie 5.000 diríca, e tẽra cuchade ome dajnenie enga chijnime 5.000 gatéraque iji iquei.

Matéo 5:16

Uacapesute arégode a chorase dírecaringuéone to. Jecute ajóyorase uágaja. Enga a uacojode ayoréo ore chimo uacapesute arégode jne enga a ore chicota uacai Dupade iji gaté to jne ome.

1 Coríntios 14:25

Uje e chiraja dáringai sijnanguipise enga cha pógu dasijnaringuéone iji dajei. Mu a dorási enga chichaga dagataidie aja jnumi iji Dupade iquei enga a catecãrirási Dupade ome re. Enga a chojningárasa: "¡Obiréjnapis ome yu uje Dupade déji uacari iji ne!"

1 Coríntios 16:9

Uje uásejna éfesogosode uñane uje ore tangaripísi yacajnaquéode ome Yocangarádejnai Jesucrísto adode. Jecute que yipota jeta jĩraque yiji iji éfesogosode ore gari. Mu uñane déji to uje que ore chise yacajnaquéode unétique enga gajnarénguei ore áyipiedie ome yu.

Filipénses 4:8

Yijorane uaque á, a yo uacaquique jne iji yurusarane eruei tuné ujetiga ejnáño uacáyipiedie aja cucha omone, jé aja cucha uréone, pipesute ueradode, cucha ujñapetade ore. Enga ca uacáyipiedie jnopo iji pujnomé omone to rĩ. Enga ueguipise uacáyipiedie ome cucha gajnaréngone udore iji erámi tuné. Ujetiga gosi isocade omío enga uté gajnei tu picotaquei, enga ejnáño uacáyipiedie taja uacacotaquérigo ome uté gosi to.

Colosénses 1:9

Jecute uje yudúco uacajnomei diríca, ga jĩraque yicatecãcoi Dupade ome uaque, enga que yiyágo yicatecãcoi ome uaque. Enga yoquicatecãraitigade quigode u unojo: ujetiga Dupade chĩreta uágome payuquetotiguei, pirajatigade ore ome dadode, ujetiga arajáyo áyipiedie ome uaque enga jĩraque apéso quigode.

Colosénses 3:10

Enga e uacabeyoi uacate ichade. Chamáñaje Dupade e chinoningase uaque ome uacate bajade gu, enga qué pésu uaque ujetiga oyópise uacanoningayasṍri uté to. Gaidi u gu ujetiga arajayopise Dupade uté gaté.

Títo 3:14

Enga yocujode Dupade anguresóño iji uté ore doi dacátegoningáne to, enga ore chátaja dojode ayoréo gatuaque ujetiga cuchárique qué chona ore. Dupade que pota gu ujetiga danguresónique cháji erámi tuné bisideque, mu pota ujetiga yocujode ayoréo ore chagutíñame yoque.

Hebréos 6:10

Uje Dupade que chapúsaja dáyipierangome uaque gotique ome dapesute arégode ome uaque. Enga a ca chicadígapo uacapesudode cucha ome jne rĩ. Uje uacangoño uacajnoraquéode ome uacojode Dupade anguresóño, enga jecucha uacátayo cuchade aja ore ica. Enga jé qué uacagúsoji gai uje uacátayoja ore.

Santiágo 2:14

Yijorane uaque á, ujeta gosi chojninga: "Yangureta Jesús." Mu que pésu cucha arétique, ¿ma panguretigai tuté chiquetárase gosi te jne a?

Santiágo 2:17

Isocai jé upo rĩ ome panguretigai. Ujetiga panguretigai ca nóna gosi ipesute omone enga que pitijínaquérique tṍraji panguretigai tuté. Mu gajnui tu cucha totique uje doi te bisideque.

1 Pédro 2:12

Beyoi ga añuchopúsu uacadode guio iji uacojode ayoréo ore ujade. Uacamóño uje cáma ore changureta Dupade to. Ujetiga ore chaguhéta cucha gajnarétique uacabáyode, enga ore uruode gajnarécho ome uaque, mu jé boyo uacate arégode údi. Enga a ore chimo uacate arégode enga jogadi tu ujetiga ore chicota Dupade to ujetiga diga Dupade di enga chajire ore adode aja quigode.

1 Pédro 3:1

Jecute abechuguedie uaque, apéso uacabayode ajegaidode cucha ome uaque to. Ujetiga babai cáma changureta Dupade to mu socaseti chise diri ujetiga changureta to ome bate arégode ome. Ujetiga babai chetaque baruode ome Dupade, jé dóji ga eduyo uacate arégode.

1 Pédro 3:16

Enga ajusópise uacadode guio ujetiga ca uacáyipiedie cho jora ome uacapesutique cucha gajnarétique. Ujetiga uñeque urúrigo gajnarécho aja ua uje bagaidode u bangaráni Crísto adode, mu jé bo bate arégode udore údi. Diga a chajéngome daru gajnaréngone udore ome ua jne.

2 Pédro 1:8

Ujetiga cuchade udojo déji uaque enga ejnáño uaque aja cuchade udore gatuaque, enga a ca cucha bisideque uacanguretigai iji Yocangarádejnai Jesucrísto. Enga a pijoque uacacuecaringuei úringai orerãque jne.