Filemón 1:17 - Dupade Uruode

¹⁷ Ujetiga jé ũré uje bo bajõrápisi iji yu, enga be yuruode jne enga ca ajuseque Onésimo. Enga cho yu ujetiga yisírase ua enga que ajuseque yu.

Filemón 1:17 Iomraidhean Croise

Matéo 10:40

Enga Jesús chojningápome dacadigode rĩ: –Gosi ujetiga chimesẽre uaque enga imeserãi jé u yu to. Adi upo rĩ uje yimeserangórone ore imeserãi jé u yutocaisṍri Dupade to.

Matéo 18:5

Jecute ore uje que ore suseque disabi suné gajnúone, cho jeta ore ijnorai jé u yu to.–

Matéo 25:40

Mu ore eduguéjnai uyu a yichajnai ore enga yojninga jne: "Uacátegoningáne udore ome yijorane, ore gajnui urásu ujetiga jé yajnecho to. Ca uñeque ibijoque marínga, jé u."

Héchos 16:15

Diga changureta Jesús to, jé aja iguíjnai jogosórone ore. Jecute ore tṍra ore aja yodi jnese. Udojo quigade enga Lídia chojningame yoque: –Ujetiga jec ũré yu uje yangureta Yocangarádejnai Jesús ome uaque enga ajínaño yu aja yiguíjnai enga ácayoji.– Chaquĩ́rapise yóguiji daguíjnai jecute yácagoji.

2 Coríntios 8:23

Ujetiga gosi chirajaque Títo enga ojnichome jne: "Páblo jõrai tu uté erĩ́e iji dasagode Dupade iroquéo. Jecute chise yoque ga cháta cuchade aja yoque to." Jeoga ore chirajaque Títo jorane yocujode Dupade anguresóño rĩ enga ojnichome ore jne: "Yocujode Dupade anguresõre ore iroque ore aja yoque ujetiga ore chátaja yoque to. Enga ore ipesute dojode Dupade anguresõre ore ajéchietaringuéone to ome Crísto."

Efésios 3:6

Enga Dupade áyipie pipoguiédedie udire qui jé upúsu udé: ome Pujnomé Ueradi uté quigode ga e purása quedéjnane uaque, judíode yoquipérogai cucha pagutíyabáte eyúgojmane jnese uje Dupade gueranome dabode uyoque. Que gusu uté mu ome judíode, purása quedéjnane uyoque ga Dupade e pésu puague chojmara iji puague gáredie uyoque to, ga yocajnui tu pao chojmarai ome yocúringa uté iglésia. Jõrai tupo rĩ uje Dupade ichagájade darúo jnese ome darasade judíogose nanique ga e chuságaja purása quedéjnane uaque to. ¡Jé yocopise ñane! Ga cucha dacate ueradode udojo jnese chise dáringane tocachucho ome Jesucrísto adode; uje yichago yocanguretigai aja uté, enga jé u uje yitojmárangoji jnumi jnese.

Filipénses 1:7

Jé tiógara yáyipie omenie udire ome uaque jnese. Chamáñaje cho ujetiga agusopísiji yajei uje yijnorapise uaque gu. Uje yugúsiji soldádode iguíjnai uje ore suru yibai iji, jeoga yugúsiji eduguéjnane iquei uje yĩrarare yatatagode Jesús acho gai, mu cho ujetiga agúsoji yari iji te enga yajnei Dupade icaniratigué jé gajnengórone u uaque to.

1 Timotéo 6:2

Jé socaseti ayoré pisagode uñane isasónique changureta Jesús to. Jé ca udore ore doi enga ore cha tangári dasasṍri uté. Mu ore tangaripísi gaté. Chamáñaje ore ujo Jesús anguresõre uté gu. Enga cucha ueradi upúsu ujetiga yijnórango yocujode Jesús anguresórone enga yocujode Jesús anguresórone ore chagutíñame yoque. Be enga acate ore ome cuchade udore enga opise ore quique gatuaque.

Filemón 1:10

Jecute yijócha bajei údi ome basa casica Onésimo uje babé oré ome nanique. Uje uté e changureta Dupade to enga cho ujetiga yabipísi u uté iji yijogadi uné soldádode iguíjna.

Filemón 1:12

A yirógapo Onésimo aja ua jne rĩ. Ujetiga di iji uaque enga ca ajuseque jne. Chamáñaje yijnorapise Onésimo gu.

Filemón 1:18

Ujetiga basai Onésimo atique gajnaréngaja ua diríca, jeoga írigo déji bari enga ango yu enga a yo oré jne.

Hebréos 3:1

Yujode Dupade anguresõre uaque á, Dupade ibididique uaque to ome dadode. Uaque u uje uaqueduyo Dupade iji uacajéode to, jecute adójnachopísa Jesucrísto uté. Chamáñaje Dupade utocaidipísi apóstol tu gu ujetiga yutocoi enga catecã́ri Dupade ome danguresórone uyoque. Enga gajnui u sacerdóteode eduguéjna cuchábi iji jnani bajade uje catecã́ri Dupade ome darasade nanique.

Hebréos 3:14

Ujetiga yajógo yógaja yocanguretíga taninguíone ome Jesucrísto jé aja erámone eruei, enga a yocajnecho Crísto gajnéone cucha jnese to jne.

Santiágo 2:5

Yujode Dupade anguresóño uaque á, angáchoi yuruode unojo: Dupade ajegaite jmatágode ore to iji erámi tuné. Enga gaidi u gu ujetiga chinoningase ore, enga ataque ore to ome danguretigai. Chamáñaje a ore gajneque Dupade ingoningájnai to jne gu ujetiga diga ore chise dáringane Dupade urása iji gaté. Chamáñaje Dupade jé urúo udore gu ome dajnorasórone ore jnese.

1 Pédro 5:1

E yuruode gajnengórone u Dupade anguresórone angaránone anciáno iji uaquedáyode. Enga a yo ore quique jne. Uje Dupade anguresórone ore angarate anciáno yu to enga yimópise Crísto to ome yedodie uje chejnáreque re nanique. Enga ujetiga Jesucrísto diapo jne rĩ ome dáringai cuchape enga a jé Dupade anguresórone angaránone uyoque yocajneque uté ingoningájnai to.

1 Juan 1:3

Yingongo yocududigode, yoquimone Crísto acho ome uaque ujetiga átayo uágaja yoque to ome uté adode. Uje jé ũrepise yoque uje e yátago yógaja Yocai Dupade, ujnacari Jesucrísto ore enga jé yitojmárango jnese.