Filemón 1:14 - Dupade Uruode

¹⁴ Mu que yajéode u ujetiga yijnárasa yimenuringuei aja ua ujetiga be yipotigádode cucha. Mu yipotapísa ujetiga bajéode jé u yajéode to. Jecute a ca yaquĩ́ra Onésimo iji yari jne ujetiga jé ca bajépiso to.

Filemón 1:14 Iomraidhean Croise

Sálmos 110:3

A chise dínique ujetiga basoldate dipeséode udore ore dimane ome bajocaningárique yui ga ore cho piguidé pibiéji bangoningájnai jeta angongara báringai ujopíerãque cuchape iji bajocaningai uté. Uje diri chujé gaté ga gajnetui base iji erámi ga imoi tu uje ijõre basoldate dipeséode ore aja bajocaningai, ga érãtique ore enochai base gotique.

1 Coríntios 9:17

Ujetiga yipésu cuchárique gu yajéningo, enga jé tiógara ujetiga pisi yu. Mu ujetiga ayorérique que yocajéo mu jé yipéco cucha dacatique enga uome to. Chamáñaje Dupade iroquéo udore gu ome yoque.

1 Coríntios 9:7

¿Ma soldátique déji a ujetiga chorase dabotique oré? Úngare, ore eduguéjnane gaite oré ore posode. ¿Ma utácarique déji a ujetiga ca tagu dacatígo cucha árigo a? Úngare. ¿Jeoga áyasadie irodisónique déji a ujetiga ca chóji dajóyadie áyasai ijnanie irisode? Úngare.

2 Coríntios 1:24

Que yipótago ujetiga yipéco uacanguretigai unerotiguérique ome uaque. Chamáñaje yirajágo uje uacanguretigai etoque gu iji Dupade. Jé basa yoquigaidi tu ujetiga yátagoja uaque enga uacaninaquéode quérã to iji Dupade adode.

2 Coríntios 8:12

Chamáñaje Dupade chimesẽripise uyoque uje que yico yoquẽrapáidode unerotiguérique. Ujetiga Dupade chimo uje caniraque yoque ome enga e que chachoque yoquẽrapáitique cucha go. Chamáñaje Dupade que jnari gu cucháringome re ujetiga ca déji gosi.

2 Coríntios 9:5

Jecute omi tu diríca ome yu ujetiga yiroque Títo, jorane ore aja uaque bajaque. Ujetiga ore chingo uaque ome uaquerani casodé cucha omío ome judéagosode enga ore cháta rágaja uaque ujetiga amachopise uaqueranone aja ñane enga dimáneo ome yiríringai yui. Yigaidi tu gu ujetiga uacacaniratiguéode úringane ũréo pijógome ore jnese enga jé ca uñeque jos eti cachi yutaite uaque enga jecute amátayo uaqueranone udore aja ñane ome judéagosode.

2 Coríntios 9:7

Jecute acueyoi uacáyipiedie ome uaqueranone cucha bajaque enga ujetiga amácho uacáyipiedie enga ca eso unerotiguérique uaqueranone. Chamáñaje Dupade ijnorai tu gosi uje irasique re aja deranone cucha. Jé basa gajnarei tu ujetiga uneroque gosi gueranone ome Dupade mu jé tẽríji. Enga cho ujetiga piroque gosi aja.