Filemón 1:12 - Dupade Uruode

¹² A yirógapo Onésimo aja ua jne rĩ. Ujetiga di iji uaque enga ca ajuseque jne. Chamáñaje yijnorapise Onésimo gu.

Filemón 1:12 Iomraidhean Croise

2 Samuel 16:11

Ga David catecã́ri daroguipísode ore, Abisai ore ga chojninga: –Yabipísi casé a pota yúringárique chuque, jétapũré benjamíngosi uté, uje eduguéjna Saúl gãrapíode u benjamíngosode udore ore to. Jé dóji ga ore cho darúja yoc. A Pangarádejnai u jne jeta jé doi dasocáringome cuchade udore jnese.–

Márcos 11:25

Mu ujetiga qué uacagúsoi uacacatecãraitigade udore gai mu uacuñeque jnusina detétigarigome dojórique ayoré ga jĩrique uaque gosi doi enga chiramurase detétigade udore iji dajei. Ga a jé Dupade chijna uaque gosi jmapié jne enga chĩro uaque gosi isijnaringuéone to.

Lúcas 15:20

Enga jé u uje jno ga chajni dayé ore gai. Mu uje qué idája iji dayé iguíjnai mu dayé chimo. Ga chayóji yui uje chosõripise. Uje chise ga chisa pajei aja re ga tagu dajnacari uredie.

Efésios 4:32

Jé basa ga apajnotáyoja ome ñane jnese, ga osṍcho ñane yúode gatuaque ome uacáyipie pajnotáringai uté. Jĩraque amuráso ñane adode iji jnumi, jeta jé ca uacáyipiedie jnusinápo rĩ. Chamáñaje Dupade adi jé u uté ome uaque nanique, uje chĩro uacasijnaringuéone gu Crísto ate ueradi uté ome uaque, ga que jnusinápo uacadode udore rĩ. Jecute a jé arachórase Dupade uté aja jmapié uaté jnese.

Filemón 1:11

Yiraja uje angoninguite parique Onésimo ica enga que agutíñame go. Mu Dupade e chécãre uté adode enga ca gusu ua ujetiga agutíñarásome, mu yagutíñame to iji uné.

Filemón 1:13

Yajéode u jórogu ujetiga jé charásiji yari iji ne, enga chatarása cuchade aja yu iji soldádode iguíjnai uje qué yo yiba pujnomé ueradi quigode uje garani tu Dupade. Enga chorase ujetiga jé ua u basai tuté ujetiga cháta cuchade aja yu iji ne.