Filemón 1:11 - Dupade Uruode

¹¹ Yiraja uje angoninguite parique Onésimo ica enga que agutíñame go. Mu Dupade e chécãre uté adode enga ca gusu ua ujetiga agutíñarásome, mu yagutíñame to iji uné.

Filemón 1:11 Iomraidhean Croise

Matéo 25:30

Beyoi yiroque noñai uté enga óraño aja ijnangununie iji guesi. Enga jogadi u jne ujetiga po jóroguiji. Jogadi upo jne rĩ ujetiga chigase damatarane, uje a chejnárengui jóroque re ome dajnéone pujuyaquéo jne.

Lúcas 15:24

Chamáñaje yijocopis eti yocabi tudé e toi. Mu yórango yógome uje diapo rĩ. Uje bijnaque ome yoque mu e chisápo yoque rĩ." Enga jé u uje ore dejéna daguiosode aja daguíjnai ujetiga ore pésabu dajñamitique uje ore abi bijna diríca mu diapo rĩ iji ore.

Lúcas 15:32

Mu cucha arei u ujetiga yipécobu yocajñamini tudé. Cucha arei upo rĩ ujetiga pininaquei irágu yoque. Uje gajnui tu diríca ujetiga e besai togome yoque. Mu chajni yoquibai ga e nóña ga ecápo rĩ uje e chisápo yoque rĩ. Gajnui tu ujetiga bijnaque ome yoque mu yicópo rĩ. Ga jé tiógara ujetiga yipéco yocajñamítedatéi tome uté."–

Lúcas 17:10

Jé isocai tu ome uaque, ujetiga ca asíyo uacabai ome uacamanitígo cucha ome Dupade. Mu cucha omi tu ujetiga ojnicho: "Cachi yipesute cuchade ome Dupade. Dupade iroque yu gu ga jé tiógara ujetiga yipésu iroquéode. Mu que togome yu ujetiga yicota yu ome yipesutígo."–

Romános 3:12

–Mu ayoré ponáyone jé ore isoca jnese uje ore chicáji quedéjnane ome uté, ga ore chopise ñane jnese ome dáringane cucha bisidécho. Que uñeque déji jeta pésu cucha arétique; ¡que chojmarárique dépisi gotique!–

2 Timotéo 4:11

Gusu Lúcas uje déji yari iji ne. Jecute acué Márcos, enga nóna ua aja ne jne. Enga Márcos u jne ujetiga cháta yisagode aja yu jne.

Filemón 1:10

Jecute yijócha bajei údi ome basa casica Onésimo uje babé oré ome nanique. Uje uté e changureta Dupade to enga cho ujetiga yabipísi u uté iji yijogadi uné soldádode iguíjna.

Filemón 1:12

A yirógapo Onésimo aja ua jne rĩ. Ujetiga di iji uaque enga ca ajuseque jne. Chamáñaje yijnorapise Onésimo gu.

1 Pédro 2:10

Dupade cáma urása uaque nanique, mu chise diri uje cho darása iji uaque. Que cuchárique déji nanique ujetiga chosõre uaque, mu chise diri uje Dupade chosõre uaque.