Éxodo 9:6 - Dupade Uruode

⁶ Uje chise ojningai dire ga doi daru quigode ga egíptogosode ore gachidedie aquirájna íjnonguipíse nanique uje Dupade chisi ome dequejnareque cuchábi ome nanique. Mu Israel ujnacare disi ejode que uñeque gachidéraque toi to gotique.

Éxodo 9:6 Iomraidhean Croise

Sálmos 78:48

Ga uté timiningara ore gachidedie aquirájnai ome ebe cuchábedie udire jeta chequésãre ore, ga tẽra ore gachidedie ome ajnorane udore to.

Sálmos 78:50

Ga uté pésu ajesui ome dájningai jeta guesája ajesui uté aja ore yui, ga que chãraque ore ome ore gajnei pitoringa gotique. Mu uté tẽra udore ore ucuecaringuei ome cucha dequejnasṍri uté.

Éxodo 12:12

Chamáñaje dejai tudé a jé u gajneri jeta yicáji egíptogosode ore idai tudé údode jnese ga a yequésãre ore ape urejane jnese gajneri iji ore iguíjna chojmara, chojmarane jnese iji ore idai údode. Jé aja ore gachidedie cuchiso ape bajade ore jnese to, ga a quene egíptogosode ore chiraja uje Dupa Eyúgojmai tu yu ga que ore angurenone dupa gotígo ujñapegome yujopié iyiejna.

Éxodo 12:29

Iji dejai uté nanique iji dejnínga gatócoro ga Pangarádejnai Dupade diji ore uniri tuté nanique enga chequésãre egíptogosode ore ape urejane jnese nanique. Ga jé chome Faraón uté to uje ape urẽjai toi to nanique uje eduguéjna cuchape dayé mu. Ore jurúgayode uje idája ore iji ore iguíjnane mu jé ore abode toi to nanique. Jé aja egíptogosode ore gachidode cuchiso ape bajade to uje ore toi jnese nanique.

Éxodo 8:22

Mu yojningame ua: A gusu Israel ujnacare disi ejode ore uniri uje i tu Gosén jeta titame juticade uje a arajáyo jne uje yajneque erámi tudé ga jé yiji yajequigode ome uáguiji erámi údode jnese.

Éxodo 9:25

Ebe cuchábedie udire chujé ore acade cucha nanique iji jnumone jnese, jé aja ore gachidedie aquirájna posode jnacaracho iji ore uniri údode. Jé aja ore acadie pori uje ore tagu adie ga chibéro aja jnumone to, enga chujépise jnanione jnese uje ore déji guesáringai, jé aja ore gachidode cucha jnese.

Éxodo 9:26

Mu iji Israel ujnacare disi ejode ore idai Gosén que ébedíe chise ore gotique to iji te. Que ebe cuchábedie uñátaque basosi aja ore idai tuté gotique to.

Éxodo 9:4

Mu Pangarádejnai chiraja yocurasade gachidedie iji egíptogosode uacachidedie ujade ga a jé ca cho dajuñame yocachidedie to jne iji egíptogosode uacachidedie ujade. Ga yurasade ore gachidéraque a ca uñátaque chejnárengosi re to jne ga jé ca uñáraque topoi jne rĩ.'–

Éxodo 9:5

Mu Dupade chojningame Moisés: –A yipésu udojo dirome.–