Éxodo 8:2 - Dupade Uruode

² Ujeta ãraque doi ome yurasade Israel ujnacare disi ejo ore gajneri enga a yo yujuñame uáguiji uacaniri tudé ome yujuyaqué cuchátique jne ga yiramurase chiranie, jmíngone ore aja uacabai jne, iji uaquedai tudé, mu que gusu uáguiji de mu jé aja uaquedai uñane ore jnese uje ore déji Egípto udé údode jnese.

Éxodo 8:2 Iomraidhean Croise

Sálmos 105:30

Quigade enga chiranie yore Egípto uté gai jnese, ga jé chuságaja eduguéjna cuchábi mochápiode to.

Sálmos 78:45

Uté chamurase jutíca dipeséode ore gai uje chinoningase ore, jé aja chiranie uje chejna ore.

Éxodo 7:14

Ga Dupade jé isoca ome Moisés, Aarón ore ga chojningame ore: –E Faraón ducusuré ome uaque ga que juéga doi ome uaque gotique, Israel ujnacare disi ejo uaque.–

Éxodo 8:1

Ga chojninga: –Boyo ga abáchopoi Faraón gaté rĩ ga ojnichome jne: 'Pangarádejnai potapísa jeta ajuéga doi ome yoque ga chojningame ua: Jé ca ãraque doi ome yurasade Israel ujnacare disi ejode udore ore ga ore jno ga ore catecã́ri yu iji garáijnai tuté jne.

Éxodo 8:3

Ga a tié cho dajachuguéraque iji chiranie, jmíngone ore jmainie jne uje ore imeséra iji jnumi ome dáringanie chogué. Ga a chiranie udire chipédugu tié jne enga a ore chise baguíjna cuchábi uté to uje bayaridi jé u uté gu, ga chiranie chise uáji bayaridi. A chĩretápo bamochápi iguíjnai jne rĩ, jé aja baseradéjnai gai. Mu a ca gusu baguíjnai jne jeta chiranie udire, jmíngone udore ore chĩreta, mu a ore chĩreta baróquegatéode ore iguíjnai ajéode to jne, jé aja barasade ore iguíjnane jnese to jne. A chĩretápo uacapesudode dotíya gáyode jne rĩ, jé aja uacapotapiedie enga a ca togápo pioque pipotatígome uaque jne rĩ.

Éxodo 9:2

Ojningápome Faraón gaté rĩ: 'A jé ca ajuéga doi ome yoque gajneri jne enga Pangarádejnai Dupade a chijna cutejmai detotiguejna, dajopiéjna ome uacachidode aquirájna gajneri uje udire déji garáyode iji baniri udé údode. Ga a chisi ome dequejnareque cuchátigo ome aquirájnanie udire jne ga chácariji údode. Mu a jé ca gusu aquirájnanie gotique ome jne, mu jé aja uacachite cuchiso uñane ore jnese: buricade jnese, burica quedéjnane jnese, caméllode jnese, jé aja áyasadie ore jnese rĩ.