Éxodo 8:10 - Dupade Uruode

¹⁰ Faraón chojninga: –Yajegaidi jé u dire uñai dirome jeta acatecã́ri ome yoque.– Moisés chojningame Faraón uté: –A yicatecãrami ome uaque jne ga Dupade chaquĩ́rape chiranie ome uaque jne. Ga a quene amóño jne uje Pangarádejnai Dupade ujopíerãque ga que uñeque ujopié cunguésõri uté cutejma ujopié.

Éxodo 8:10 Iomraidhean Croise

2 Samuel 7:22

Jecute yicota ua iji de, Pangarádejná, ome cutejmai bacaniratiguejna. Uje que ayorérique cunguésõri ua ga que dupa uñeque cuse iji baquei. Uje que yudúco dupa uñeque ujnomérique to jeta jé cho ua.

Sálmos 83:18

Apésu ga ore chiraja jnese uje ua u uje pĩcaraque Pangarádejna Eyúgojmai aja ua; ga Dupade Gatajnoquei Achamisõre dugai tu ua uje bajnué cuchade gai jnese iji jnumi tudé.

Sálmos 86:8

Iji dupárigo udore ujade que dupa uñeque déji jeta cho ua, Pangarádejná. Ga que cuchárique déji jeta cunguésõri bamaningone udore.

Sálmos 9:16

Pirajaque Pangarádejnai gu dajirigode pacho uje ũrei tu uté ome dajirigode gu. Ga ate gajnaréngone udore ore ujuyadie jé isaque ore uje ore ipesudei ome dojode ayoré, mu chajni ore gai.

Éxodo 15:11

Pangarádejnai Dupá, que dupa uñeque cuse jeta jé cunguésõri cutejmane bátedatéo udore to ome yoque. Que uñeque úringai puyaque cho báringai Dupa puyaque pãrésõre gotique to iji erámone udojo. Uje cuchade jnese ore dacódejnai tu ua jnese. Uje cucha pitijabácho bapesudode, ga que pisaque pejóringome udore gotique. Ga jé batiógara báringai pedoque ome yoque iji yocachachagúgode udojo ome ua.

Éxodo 8:9

Moisés chojningame Faraón: –Angoba guedé jogatígaja yu ujeta yicatecã́ri Dupade ome barasade, baróquegatéode ore, uhuaque jne ga chirã cuchábedie chibéroba re ome uaque to jne jeta Pangarádejnai chiroque ore aja doi iji uacaniri udé údode jnese enga doi dajómione yocho ga cho daniri iji jne.–

Éxodo 9:14

Jeta jé ãraque doi ome yurasade Israel ujnacare disi ejo ore jne enga a amo yujuyaquédatérigo ome barasade, uaque jnese jne, baróquegatéode ore, ga a suépise uacajné casodé yujuyaqué baja casodé gáyode jnese. Ga a u jne uje quene uacarajáyo yu uje que uñeque doi ga chosi yu to iji erámi tudé ome yúringai Dupa Pimanisõre.'–

Éxodo 9:29

Moisés chajnai Faraón uruode ga chósi tome: –A yajníngo to gajneri iji baguíjnai tudé jeta yicagóji yoquidai uté ga a yutai gaté gajneri ga a ébedíe cho jnángome uaque gajneri uje yingo Dupade gu. Ga jogadi u jne uje quene uacarajáyo jne uje Dupade gajneque erámi tudé ga jé doi dajequigode ome. Uje a chaquĩ́ra ebe cuchábedie, gue uru cuchábode, ajnoraque cuchábode ore jne, ga jogadi u jne uje guei a cha ¡jnaque! jne.–

Provérbios 27:1

Jé ca ojninga: "Yipésu yisatique cucha pisaque to dirome," mu jé ca barúo udore. Jé soca jé ca araja cucha dacatique dirome ome ua.

Deuteronómio 32:31

Yocumajosórone ore changureta dangurenone cucha ujetiga chirota ore, mu ore chiraja uje yoquirotangóri Dupa suépise ore angurenone cucha gáyode jnese.

Santiágo 4:14

Chamáñaje que pimo dire uñai atígo. Uacamóño arĩ́e uje yocucuecaringuei cucha bisideque enga gajnui tu jesi. Uje tocade, mu quigade enga jĩraque íjnongapo rĩ.