Éxodo 7:3 - Dupade Uruode

³ Ga Dupade chojningápome Moisés rĩ: –A yipésu Faraón jne enga cusu rome uaque jne enga a ca juéga doi ome uaque jne. Mu a uté chimopo yatígome re jne. Ga Faraón uté, jé aja uté urasade a quene ore áyipiedie déji yu jne uje ore chimo yátedatéode uje garani jé upúsu Dupade uyu.

Éxodo 7:3 Iomraidhean Croise

Nehemías 9:10

Ua u nanique uje baroque bajuyaquéode ome Faraón, iróquegatéode ore, jé aja egíptogosode ore jnese, uje barungu babai nanique enga bajnimique israélgosode ore nanique iji Faraón, ore josipiedie jmainie. Enga jé u nanique uje bajnomé pirosobádi chise erámi údode jnese nanique.

Sálmos 135:9

Uté u uje chiroque dapijogúsorone cucha aja ua, Egípto á, jé aja cucha pitijabádode iji uacajade, jeta cho damajo Faraón, jé aja irógode ore jnese.

Sálmos 78:12

Uje uté pésu cucha pitijabádode iji ore dayode enominone uje udore ore déji egíptogosode ore uniri, iji pachamini uté nanique uje i tu Zoán.

Éxodo 11:10

Uje Moisés, Aarón ore pésu Dupade ojningane udore jnese iji Faraón edominone, mu que doi ga juéga dórigo ome Israel ujnacare disi ejode ore gotique. Uje ore chingo jóroga jeta ore jnoji Faraón uniri. Chamáñaje Dupade jé ipesute Faraón úringai ducusuréchoquí gu ome ore.

Éxodo 11:9

Ga Dupade chojningame Moisés: –Yiraja uje Faraón a ca tangári uacaru quitígo jne, enga adójnachopísa jne uje a jé cachodi upome yujuyaquéringome egíptogosode ore jne rĩ.–

Éxodo 14:4

Mu a yipésapo Faraón jne rĩ ga a cusu rome uaque jne enga a chajna uaque jne ujeta chisínapo uaque jne rĩ ome daroquéode. Ujeta chisína uaque ga a yingo yúringai ujopíerãque cuchape ome uté gaté jne, jé aja uté jorane dasoldácho. Ga a quene egíptogosode pañapísiji yadode udojo jne enga quene ore chiraja uje Dupa Eyúgojmai uyu ga que uñeque doi ga cho yu to." Israel ájnape disi ejode ore doi Dupade uruode ome raque ga ore chajnésaru jnumi yui ga ore chicha darengúi aja ore idai ejoi uje i tu Pi-hahirot.

Éxodo 3:20

Ujetiga cáma boyo ga a yingongara yúringai ujopíerãque cuchape aja egíptogosode udore ore jne. Ga a yisi ome dequejnareque cuchátigo ome ore jne jeta chequésãre ore. Ga a Faraón chimo dequejnaréngone udore jne enga jé u uje juéga doi ome uaque.

Éxodo 4:21

Dupade chiquetápo raja Moisés gaté rĩ, enga chojningame: –Ujetiga aríñoji Egípto jne enga ca achietáyime ua ome Faraón iquénique jne uje e badute yuruode ome ua diríca jeta jé be yisoca casodé ga a u jne jeta ore pañaji bapesútedatérigo jne enga quene ore chiraja uje yẽrate báringai ujopíerángome ua to. Mu Faraón ga a yerani tu pucusuréringai ome uté jne. Jeta ese ore, enga a angome Faraón uté jne jeta juéga doi ome uaque, mu a ca juéga ome uaque jne. Ducusuréguipíse gu.

Éxodo 4:29

Uje ore diji Egípto ga Moisés, Aarón ore tibidi dojode israélgose ore daníngo ga ore taquiri ñane nanique.

Éxodo 4:7

Ga Dupade chojningápo gaté rĩ: –Aramája jogadi tuqué rĩ.– Ga Moisés chanírapo aja rĩ. Chijnime, mu ueradápo jmanai tuqué rĩ ga chopise dasocai tuqué.

Éxodo 7:13

Faraón chimo udore marínga, qué cusu rome Moisés, Aarón ore ga que chajire ore yúrique enga ore jnusina uje Dupade ojninga casé jé u gu.

Éxodo 9:16

Qué yicha uágaja diri diríca gu jeta arajáyo yúringai ujopíerãque cuchape uje qué uacagúsoi erámi tudé. Yigaidi upome uaque rĩ jeta uacojode ayoré chudute uacajnomei iji danirone to iji erámi údode jnese uje Dupa Eyúgojmai uyu u uje yujuyagaite uáguiji uaquedai tudé ome uacajosipiedie.

Provérbios 21:1

Pasutedie cho jetiga ore dopísi dáyipiedie quigode, mu que ore doi gotique. Ga jé ore chopise tié jmainie uje que ore chicáji siñéngome daqui tié jochaque uje Dupade ipesudome ore nanique gu. Isoca to ome yocasutedie uje que ore doi dáyipie quitique gotique ujetiga jé ca Pangarádejnai áyipie u ome ore.

Juan 4:48

Uje Jesús chudute uruode enga chojninga: –Yiraja uje a ca anguretáyo yu ujetiga ca amóño yipesútedatérigo, yipesute pitijátigo ore.–

Héchos 2:22

Pédro qué chacate ore enga chojninga: –Angáchoi yu, israélgosode uaque, uje yuruode gajnengórone u uaque. Dupade pota nanique ujetiga ca potigayaquérique déji ome nazarétgosi Jesús úringai Dupade utocaite. Jecute angúromei tu enga cucha pitijabácho uté ipesútedatéode iji uacajade nanique. Enga uacarajáyopise yuruode udore úringane ũréo.

Héchos 7:36

Enga Moisés u uje chijnime yocayode jnani bajácho iji Egípto. U to uje pésu cucha pitijádode iji Egípto, jé iji yote quedéjnai uje i tu Yote Quedéjna Gati rĩ, jé iji erãpetarei to rĩ. Enga sequeredie 40 uje ore déji erãpetarei nanique.

Romános 15:19

Mu que gusu yisocade udore, mu ore pañaji to yipesudode cucha pitijabátedatéo, cucha pibojmadatéo udore uje yipésu ome Dupade Ujopié Espíritu Sánto etotiguejnai uté. Jé yisoca uté iji yiriguítigade jnese uje yṍraji Jerusalén aja punirone uñane jnese, enga jé yuságaja pachamini uté uje i tu Ilírico iji eruei. Enga jé u uje e yimate yajnéone Dupade iroquéo iji punirone udojo aja guesi ome pujnomé ueradi uté uje júdi tu Crísto.

Romános 9:18

Jecute obiréjna uje jé Dupade juegabate cuchade ome ayoré chojmara, chojmarane uyoque iji erámone udojo. Ujetiga Dupade ajéode u jeta chosõre gosi, enga jé u uje guẽrate dosongaquei ome gosi. Mu jeta ajéo ome uñeque ga pésu uté gosi úringai ducusuréchoquí, ga uté gosi chajo raja dáyipie uajádedie qui uté.