Éxodo 7:2 - Dupade Uruode

² A bajúdode u yingoméone cucha aja Aarón jne enga chajnerame baru quigode ome egíptogosode eduguéjna cuchábi uté. Uje baraja quigode jnese gu uje yingome ua ica, ga jé basa ga bayai Aarón chajnerame baru quigode ome eduguéjna cuchábi ujeta juéga doi ome Israel ujnacare disi ejode, enga aquíjnochoja doi iji egíptogosode ujade.–

Éxodo 7:2 Iomraidhean Croise

1 Reyes 22:14

Ga Micaı́as uté chajnai uruode ga chojninga: –Yisi ome yuru iyiejnane ome ua iji Pangarádejna Uecai iquei uje gusu yedu Pangarádejnai uté uru quigode jnese ome eduguéjnai uté ujetiga yicatecã́ri uté jne.–

Éxodo 4:15

Acatecã́ri bayai uté ga ango bojña quigode aja uté jnese jne jeta uté chajnerame bojña quigode ome barasade ore jne. Enga a jé uyu upo to jne rĩ jeta yugúsiji bari iji te, jé upo iji bayai gari to. A yo baquique aja bajesúrigo iji ore idai údode jne jeta acate ore.–

Éxodo 4:16

Dupade chojningápome Moisés rĩ: –Jeta acatecã́ri bayai Aarón jne enga cho jetiga uyu darai iji bajei jne enga bayai Aarón chajnerame yuru quigode uje tṍraji babijnani ome Israel ujnacare disi ejode ore jne.–

Éxodo 5:1

Udojo quigade ga Moisés, Aarón ore chicáji eduguéjna cuchábi Faraón iquei. Ga ore chojningame: –Pangarádejna Dupa Eyúgojmai chiroque yógaja bei jeta yingongo uru quigode udojo aja ua. Uje chojningame ua: 'Ajuéga doi ome yuague cásidicáite ore jne enga ore jnomíji uaquedai jne enga ore chicáji erãpetarei ga ore chopo dajñare iji sañeque jne rĩ jeta ore tẽrája yu iji ome dachidode aquirájna uñéngo jne.'–

Éxodo 7:6

Moisés, Aarón que chimoque Dupade uru quitígome re uje ore pésu udore aja quigode nanique.

Matéo 28:20

Acacho ore ome cuchade jnese jne uje e yacadique uágome enga ore doi to jne ome dáringane yirócho. Enga a arajáyo jne uje a yugúsiji uacari jne iji dirode jnese, jé aja erámone eruei.– Amén, qui jé upúsu.

Héchos 20:27

Chamáñaje e yingo Dupade ojningane cucha jnese aja uaque gu enga que yipógu ojningárique cucha.