Biblia Todo Logo
Bìoball air-loidhne

- Sanasan -




Éxodo 7:16 - Dupade Uruode

16 Ga ojnichome Faraón iji uté jne jeta chise uaque: 'Pangarádejna Dupa Eyúgojmai, hebréogosode yocangureni uté, utocaite yoque jeta qué yicatecãcópoi ua to rĩ iji de. Ga uruode u udojo ome uaque: Jé ca ãraque doi ome yurasade Israel ujnacare disi ejo udore ga ore catecã́ri yu iji sañeque jne iji garáijnane jne. Jecucha ore uruode udojo ome ua mu que ajuéga dórigo ome ore gatuac.

Faic an caibideil Dèan lethbhreac




Éxodo 7:16
18 Iomraidhean Croise  

Ga Dupade chirógapo Moisés, Aarón ore aja eduguéjna cuchábi Faraón yui te rĩ ga chojninga: –Oyósi tome Faraón jne: 'Pangarádejnai, hebréogosode yocangureni Dupade, uruode u udojo ome ua: ¿E cho rique jeta arosóñime yiquei to enga ajuéga doi ome yurasade Israel ujnacare disi ejo ga ore jno ga ore catecã́ri yu iji sañeque?


Ore asuté Faraón ducusuréchoquí nanique ga que juéga dóringome yoque nanique iji daniri. Jecute Pangarádejnai Dupade cho dajuñame ore nanique ga chequésãre egíptogosode ore ape bajade jnese nanique, jé aja ore gachidedie cuchiso ape bajade to nanique. Jecute yoco Dupade gajnéone iji yocachidode ore ape bajade ore, ga yoco yocape bajade ore oré ome Dupade to.


Enga egíptogosode ore eduguéjna cuchábi tṍra rome ore uje quene chiraja gu uje Israel ájnape disi ejode a ca ore chajniápo ore gánique jne rĩ, ga Faraón, irógode ore chojningame ñane: "¿Jé gotíguipié uje yujuéjo doi ome Israel ájnape disi ejo casodé ore diríca ga ũruso yoque diríca ya? Uje a jé yoquigaidápo ore ome yoquiroquéode jne rĩ iji yocuniri udé."


Dupade chojninga: –Moisés á, a yijína ua aja quedéjnane jne arĩa. A amo jne uje jé ũrepise yu ome yuru quigode uje a chise dínique jne jeta amáta Israel ujnié disi ejode ore aja cucarani tudé. Ga a acatecãchoi yu iji udé jnese jne rĩ, jeta e ajnime Israel ujnié disi ejo cásodicáite ore iji Faraón urasade ore ujade.–


Mu Moisés chojninga: –Gajnaréngome yu gu jeta yĩríji Israel ujnié disi ejode ore ga a yojningárasome ore: 'Uacáquiode ore angureni casicaite Dupa iroque yu aja uaque jeta yijna uáguiji egíptogosode ujade.' Ga a ore chojningárasome yu: '¿Ama yocáquiode ore angureni írique nanique a uje chiese utocaite ua ome yóguiji udojo?' ¿Ama yorási ringome ore gajneri a?–


Dupade chojningame Moisés: –Israel ujnié disi ejode ore daníngo a tangári ua arĩa iji egíptogosode ujade. Ga a ore nóna ua aja egíptogosode asuté Faraón jne. Ujeta agúsoi eduguéjnai iquei ga acatecã́ri jne enga ósi tome barúringome jne: 'Hebréogosode yocangureni Dupa Eyúgojma chajna yógaja jnumi ga qué yicatecãcoi ua ujeta ajuéga doi ome yoque ga yicagobíji garáijnane jeta yijóchago Pangarádejnai, yocangureni Dupa uté ajei údi ome yoque ga a yẽco yocachidéraque aquirájna ome jne iji te. Ga a dirode gadioque jeta yico yoquiqui tuté.'–


Ujetiga Faraón jé ca juéga doi ome uaque ga a ojningame jne: 'Faraón á, jé Dupade urúo u udojo ome ua uje cho dajnacare urejane iji Israel ujnié disi ejode uyoque.


Ga uruode qui tu udojo ome ua: Jé dóji ga yedójnarione yujnacare urẽja ore jnoji uacaniri udé ujetiga ore tẽrája yu iji sañeque. Mu uje bãraque doi ome ore ga a yujé bedójnari bajnacare urẽja jne.'–


Ujeta Faraón jé ca juéga doi ome uaque jne marínga, jé ca oyo uacáyugu uágome uté gãrétigaringo jne uje a uyu u jne gu jeta yicha yiyiejnáringuejnái aja puniri Egípto tudé údode jnese ome yúringai pirosobádodedaté ome cucha ponai, ga a uyu u jne rĩ jeta yiroque uágaja uacajesui uté jne. A yeranone u páyuguhebátigadatéode jne ome egíptogosode udore ore iji ore uniri tudé uje que cachi yẽrapáicho ome ore gu uje ore pésu yurasade Israel ujnacare disi ejo uacajurédatédie ga jé basa ga udore chajni ore gai iji daniri tudé údode dirome. Ujeta yejna yujuyaquérigo aja guesi jne ome egíptogosode ore ga a yojningame Israel ujnacare disi ejode uaque: "Boyo jne enga apéso uacajochatígo aja uacajesui gajneri ga boyo jnese jne enga atiróchoja uacajesúrique jne ga a yopise yurása iji uaque jne aja uacajesúrigo erámio jne."


Ga chojninga: –Boyo ga abáchopoi Faraón gaté rĩ ga ojnichome jne: 'Pangarádejnai potapísa jeta ajuéga doi ome yoque ga chojningame ua: Jé ca ãraque doi ome yurasade Israel ujnacare disi ejode udore ore ga ore jno ga ore catecã́ri yu iji garáijnai tuté jne.


Dupade chojningame Moisés: –A Faraón chicáji tié dirome ga obéri yui to dirome ga ango yuru quigode udojo aja uté jne ga ojningame jne: 'Pangarádejna Dupa Eyúgojmai chiroque yu aja bei ujetiga yingo uruode ome ua, ga chósi tome ua: Ca ãraque doi ome yurasade Israel ájnape disi ejo ga ore tẽrája dachidode cuchiso uñéngo ome yu iji sañeque.


Dire uñai ga Dupade chojningápome Moisés gaté rĩ: –Bo ga jé ajmitape Faraón uté gaté ga angopísa yuru quigode udojo aja uté jne. Ga ojningame jne: 'Pangarádejnai, uje hebréogosode yocangureni Dupa u uté, chósi tome ua que: Jé ca ãraque doi ome yurasapísode Israel ujnacare disi ejo ore ga ore jno ga ore catecã́ri yu iji uté jne.'


Mu Dupade chojningame Moisés gaté: –Bopo rĩ ga abágui Faraón gajneri jeta dire ga ango yuru quigode udojo ome uté jne ga ósi tome jne: 'Pangarádejnai, hebréogosode Yocudupade chojningame ua: Jé ca ãraque doi ome yurasade ore jeta ore jno ga ore catecã́ri yu iji sañeque.


Lean sinn:

Sanasan


Sanasan