Éxodo 7:11 - Dupade Uruode

^11-12 Ga jé Faraón chirate Aarón, desai Moisés ore ga tibidi darógode uñane uje ujopíerãque ore to jeta ore tṍra doguedie aja Moisés ore yúode to, ga ore tṍra ga jé uga to. E mu Aarón ogué tuaqué tagu Faraón iroque irajatade ore oguedie uje nóña ga uga to que.

Éxodo 7:11 Iomraidhean Croise

Génesis 41:8

Enga chise dire uñai enga Faraón niji ga áyipiedie doi darigode. Enga chopise dáyugu darigode. Ga tibidi irajatade, ga chátaja daijnane ore to iji egíptogosode ore ujade jnese, enga catecã́ri ore ome darigode ujetiga ore chiraja urigode quigode, mu que ore chiraja quitique urigode.

Éxodo 7:22

Mu Faraón tibidápoi darása irajatade ore to rĩ jeta ore chanire doguedie aja yodi to ga yodi nóña ga diquiyóraso to. Ga Faraón cusu rome udore ore ga que Faraón tangári Moisés, uyai ore gotique uje Dupade jé urúo ome ore ica gu.

Éxodo 8:18

Uje Faraón irógode jnani ujopíerãque ore chujé jóroque jnumi ome doguedie to jeta úyujna nóña ga jnáño to mu que cuchárique tṍraji ore oguedie gotique. Ga egíptogosode ore chejnáreque re ome jnapiedie udire diríca uje yore ore gáyode, jé aja ore gachidode cuchiso ore gáyode to nanique.

Éxodo 8:3

Ga a tié cho dajachuguéraque iji chiranie, jmíngone ore jmainie jne uje ore imeséra iji jnumi ome dáringanie chogué. Ga a chiranie udire chipédugu tié jne enga a ore chise baguíjna cuchábi uté to uje bayaridi jé u uté gu, ga chiranie chise uáji bayaridi. A chĩretápo bamochápi iguíjnai jne rĩ, jé aja baseradéjnai gai. Mu a ca gusu baguíjnai jne jeta chiranie udire, jmíngone udore ore chĩreta, mu a ore chĩreta baróquegatéode ore iguíjnai ajéode to jne, jé aja barasade ore iguíjnane jnese to jne. A chĩretápo uacapesudode dotíya gáyode jne rĩ, jé aja uacapotapiedie enga a ca togápo pioque pipotatígome uaque jne rĩ.

Éxodo 8:7

Ga Faraón tibidi darógode ore to uje irajataque ore ga jé ore dopísi Moisés, Aarón ore isocade to uje ore chiroque chiranie aja darasade ore idáyode to. Enga jé ore pésu to, mu udore ore ujopiedie jé cãra re ome Moisés, ore oidé Dupade ujopié.

Daniel 2:2

Ga jé u uje ore eduguéjnai uté tibidi irajatade, daijnane ore iji daniri údode jeta uñeque chatata urigode imóringo cucha ome. Ga ore tṍraji dajñarenie jeta ore basája eduguéjnai uté iquei.

Daniel 2:27

Ga Daniel chojninga: –Irajatade que ore chijnime barigode udore ãrírique, jé aja daijnane ore.

Daniel 4:6

Iji durasé ga yibidi irajatade, daijnane ore iji Babilónia údode jeta ore di enga ore chucué yurigode udore imóringo cucha.

Daniel 5:11

Eduguéjnai uté daté chojningame dabi: –Jnani déji Babilónia udé to uje baroguipise uté to. Ga uté u uje Dupa Eyúgojmai uje puyaguipise uté, uté ujopié ingoque cuchade aja uté. Jecute a uté chiraja udore quigode gu uje báqui Nabucodonosor iroguipise uté to nanique uje qué uté eca. Jnani uté enga cuchade choqui guesode ome gu uje pirajatigai jiéji uté. Ga uté cho jetiga jé dupa uté to uje ayuquetotiguei que eruénique cuse.– Daté chojningame: –Báqui Nabucodonosor guẽrate uté úringai eduguéjna ome nanique jeta irajatade, daijnane, guédodie irajasórone iji yocuniri Babilónia udé ore cho deduguéjna iji uté jnese ome úringai irajataque.

Daniel 5:7

Ga jé u uje tibidi dejode jeta irajatade, daijnane ore tibágui, jé aja babilóniagosode ore angaránone uje ore chiraja cuchade gu guédodie. Ore di ga eduguéjnai Belsasar chojningame irajatade udore ore: –Jetiga gosi chiraja purusarane ga gosi chajire purusarane udore quitígo, ga gosi jeta chiraja ga chatata quigode ome yu, ga a gosi chigui boraidie jne uje eduguéjna cuchábode iguidei, jé aja jeta gosi tujúna yeranéraque uje pipesudéji óro, ga yurasade ore cho deduguéjnai iji uté gosi to, ga ore eduguéjna cuchábode gadioque yóguiji yocuniri udé jne. Uje a ore eduguéjnapisi tu yu jne, jé basa ga yátajasórone peduguéjna cuchábio gare ore jne.–

Matéo 24:24

Uje a aringáca dírigo jiei jne uje chiese ore acajnaquéode garani tu Dupade. Enga a uñane ore cho Dupade utocaidi Crísto iji raque to jne. A ore pésu cucha pitijátigo ome daringaquéode ome uaque jne. Enga a idógosi jne ujetiga Dupade anguresõripísode ore timíningarása ore to, uje Dupade ajegaite ore múñi.

Gálatas 3:1

¡Galáciagosode uaque á, ísenga ca uacáyipieraque cus! Cho jetiga daijnárique chamacãre uáguiji uaquedai ome páyipie gajnaréngueringui ujetiga ayáyo angáchoi pacajnaqué uréone quigode. Uje uacadúcho Jesucrísto ujnomei nanique uje toji curesei gai ome yoque, enga pacajnaqué obiréjnapisode u udore ome uaque ica.

Efésios 4:14

Ome yocadi uté, enga a jé ca yocópo disi parátagabode rĩ, uje ore áyipie jecucha cho quiyíguiyí ome cuchade; ga ore gajnami su cucátique uje emi dosi ga chungurásosipísiji gaté ome yote quedéjnai uté cutejmanie imeséra udire, enga jno cucábi suté údi aja sona. Adójnacho uje Dupade anguresõre serẽrachugode isocai jé upúsu disiode isocai uté, uje jĩraque dimane ore ome pacajnaqué taque ichade yui. Enga piéjna erámi ome ayoré aringácachoquíode udore uje ore chuquéjnai dojode ayoréo uyoque. Chamáñaje ore gaidi tu gu ujetiga ore chijna yógaja dacajnaqué tágode ome dajosipié uaté. ¡Ore pésupúsu dáyipie quigode ome yocúringárique pucuayaque yui!

2 Tesalonicénses 2:9

A pisijnaringuéone edo tuté jnani garani u Satanás jne. Enga a jé jõra tu dajopiéjnane, dajñangone dacho ujetiga diga di. Enga a pitijabácho átedatéode ome ayoréode ore jne. U mu, ãraque ore ome datuátigade udore.

2 Timotéo 3:8

Yirajágo uje jnani bajade Jánes, Jámbres ore chijna pujopié quedéjnanie nanique enga ore u uje ore chetaque Moisés acajnaquéode to nanique. Enga jé adi tu to jnanione udore iji deréjnane unojo, uje ore chetaque Dupade uru uréone úringane patatacho to ome darasade. Áyipie eyuque udore ore enga que panguretigai dépisiji ore ome Dupade gotique.

2 Timotéo 3:9

Mu a ca cuchárique tṍraji jnanione udore acajnaquéode jne. Chamáñaje a jĩrique pirajaque ore ome erámi uje áyipie eyuque udore ore. Jé adi tu nanique ome Jánes, Jámbres ore uje ore dojnóngaja Moisés nanique.

Apocalípsis 19:20

Mu buricai charipísõri tuté sué ore gai, enga doi enga chisa jnani guichaya bajai. Dopoi ejoi to rĩ enga chisapo rĩ. Enga tṍra ore jnese aja gajño pioi uje azufre ai nóna pioi aja gaté. Uje ejoi tuté ãraque erámi unirisórone ore jnese ome daringaquédatéode nanique. Uje pésu dapesútedatéode diríca ome dangaráni jnani guichaya bajai ujopié. Enga chiroque darane udore ore aja ujetiga purusãraque ore enochade ome jnani guichaya bajai i. Enga chirógapo ore aja rĩ ujetiga ore chichaga dagataidie aja jnumi iji uté gajnui iquei.

1 Samuel 6:2

Ga filistéogosode tibidi dangurenone dupa quedéjna adode júsorone, jé aja daijnane to. Ga ore chojninga: –¿Jé yoco ringome israélgosode ore angureni Dupa uruode pi cajo uté jne a? jeta yatirego aja jogadi. ¿Jé yoco ringome jne a?–