Biblia Todo Logo
Bìoball air-loidhne

- Sanasan -




Éxodo 6:1 - Dupade Uruode

1 Mu Dupade chojningame Moisés: –A amo jne jeta yijna yujopié ome Faraón uté. Uje a yucuase Faraón uté aja ti yui jne, enga guesája dajei ome uaque jne. Que gusu udore mu a yipésu ga Faraón jé upúsu jne jeta chiroque uágaja doi.–

Faic an caibideil Dèan lethbhreac




Éxodo 6:1
27 Iomraidhean Croise  

Mu eduguéjnai iroguipı́si uté uje ajirique ore eduguéjnai yúode chotigase Dupade iroi Eliséo uruode dirı́ca, uje chojninga: –¡Que toque, arı̃a! A Pangarádejnai upúsurásu ujetiga pésu bocadode iji gatajnoquei ga chamurase cucha pibosode yoquibai marı́nga, a jé ca toguı́rase ujetiga bojningane cucha udore tocade.– Enga Eliséo e chajnai eduguéjnai iroguipísi uté uruode dirı́ca ga chojningame: –Adójnanga yuruode udojo: A amopise cucha pibose uásejnane to dirome ome bedodie, mu a jé ca agu to jne.–


Mu eduguéjnai iroguipı́si uté uje ajirique ore eduguéjnai yúode gatuaque chotigase Eliséo uruode, ga chojninga: –¡Que toque, arı̃a! A Pangarádejnai upúsurásu ujetiga pésu bocadode iji gatajnoquei ga chamurase cucha pibosode yoquibai marı́nga, a jé ca toguı́rase ujetiga bojningane cucha udore tocade.– Enga Eliséo chajnapoi eduguéjnai iroguipísi uté uruode rı̃ ga chojningame: –Adójnanga yuruode udojo: A amopise cucha pibose uásejnane dirome ome bedodie, mu a jé ca agu to jne.–


Pangarádejnai chósi tome daruode: –Uje jmatágode udore ore chejnáreque dáringane pumajo, jé aja uje ducañerájmane udore ore jnare gatuaque, jecute jé iji dé enga a yisingare yu, ga a ore chimo dáringane piquetacho ome re, uje ore jnátupúsu yui.–


Pangarádejnai uté ojningane cucha u uje ueque ome paringaquérique, ga eteque iyonguerãi. Uje uruode udore gajnui tu pláta guebetique uje déji ejo piquetáraque, ga ore chibore ga gare iji ti, jé aja ujetiga iguirode jnese tocade iji uté, ga pláta uegue uaté iji quigade.


Chãrai dajmanecade iji gaté ome cutejmai detotiguejna. Chamáñaje que ijnoraquédatéi eruénique cuse gu.


Bajmanecai uté ga ujopíerãque. Bajmanai etoque, ga bajmanai iji bãrachua pijosiguíji gaté.


Dupade chojningame Moisés: –A qué yiabi yujuyaqué uñeque ome Faraón, urasade ore jne. Mu ome ore gajnei yujuyaqué ejo ga a jé ca gusu jeta Faraón chiroque uágaja doi, mu a botare uágaja uacajesúrique jne jeta boyo iji ore uniri Egípto ¡bu!–


Ga qué dejaque iji dejai tuté nanique uje Faraón tibidi Moisés, Aarón ore jeta catecã́ri ore. Enga chojningame ore: –¡Boyo ga ajucho uáguiji yurasade ore ujade! ¡Angaráño uacaquitique ome yoque, uacarása uégode uaque! Boyo ga acatecãchoi uacangarádejnai Dupade gotique iji sañeque jeta jé uru quichome uaque.


Egíptogosode ore cho dedojnaringué ome Israel ujnacare disi ejode to ujeta jĩraque ore jnome dajesúrique iji ore uniri uje ore todo gu jeta Dupade cháta ore aja disi togode ore to jne.


Uje Israel ujnacare disi ejode ore jnoji dedai ga que ore chucué dabosode aja dajesui ga ore pésu datáiso dotíya iji dajeque pajei ujeta ore tagu uje íjnoque bisitíguiji udore. Chamáñaje egíptogosode jĩraque ore chiroque ore aja doi gu iji dedai.


Ga a chise dínique jne jeta uacabode chojningame uaque: '¿Jé gotique uje uacapéso udojo quitique e?' Ga a ojnichome ore jne: 'Uje yugúcoji Egípto nanique ga yejnárejo egíptogosode ore josipiedie nanique uje yicoi ore iroquéode bisideque nanique. Mu chise diri nanique uje Pangarádejnai Dupade chijna cutejma dajopiéjna ome ore nanique ga chijnime yóguiji ore jmainie.


Yocujnusinamánone díño udore gajnúone u ore urusarane Dupade urúo uje jnanione uñane chigaru aja denochade, jeoga dajmanecade uje ore gaidi tu gu ujetiga Dupade uruode udore ca jnoji ore ajénique. Mu uyoque ga yipéco yocujnusinamáni dire udé enga yocáyipiedie déji Dupade uru iyiejnane úringane patatacho ga jé u uje yacaco ñane ome quigode. Chamáñaje Dupade u gu uje chijna detotiguejnai ome egíptogosode ore nanique uje chijnime yóguiji ore jmainie, ga jé tiógara jeta yicoi ojningane cucha jnese.'"


Udojo quigade ga Moisés catecã́ri darasade ore ga chojningame ore: "Diri tudé uje uacaboyo iji egíptogosode ore uniri, ga oyo uacajnusinamáni dire iji uté jne. Chamáñaje e diyajmanguipise uje uaquejnárecho egíptogosode ore josipiedie uje ore chiroque uágaja daroquéode bisideque. Mu Dupade e chingo cutejma dajopié iyiejna aja egíptogosode ore iji diri tudé ga e chijna uáguiji ore gari. Jecute jetiga ajnusináño diri udé jne ga jé ca acho arurégode iji ujeta bisidi déji.


A ojnichome uacabode ore jne: 'Yocujnusinamánone díño udore gajnúone u ore urusarane Dupade urúo uje jnanione uñane ore chigaru aja denochade, jeoga ore jmanecade, uje ore gaidi tu gu ujetiga Dupade uruode udore ca jnoji ore ajénique. Mu uyoque ga yipéco yocujnusinamánone díño udore enga yocáyipiedie déji Dupade uruode úringane patatacho, ga jé u uje yacaco ñane ome quigode. Chamáñaje Dupade u gu uje chijna detotiguejnai ome egíptogosode ore nanique uje chijnime yóguiji ore jmainie, ga jé tiógara ujetiga yicoi ojningane cucha jnese.


Ga Moisés cho quique darasade ore ga chojninga: –¿Jé gotíguipié uje uacatodóyo? Jé ca atodóyo gotique. Uje a anguretáyo Dupade ome ojningane cucha yúode gajneri, ga jé u uje chátaja yoque jeta yipáñangoji úringai pátajasṍre. Ga a jé ca yimóngopo yocajnasórone egíptogose udore ore jne rĩ. Chamáñaje a Dupade chingongara cutejmai detotiguejna aja ore jne gu.


Pangarádejná, jé bajuyaquei íringome yocumajósõri casodé ore diríca uje cutejmai betotiguejna tṍraji bãrachua diríca ga que chajire re ome yocumajósõri casodé, ga pésu ore cutejmane pépita uje bejna ore diríca.


Ujeta Faraón jé ca juéga doi ome uaque jne marínga, jé ca oyo uacáyugu uágome uté gãrétigaringo jne uje a uyu u jne gu jeta yicha yiyiejnáringuejnái aja puniri Egípto tudé údode jnese ome yúringai pirosobádodedaté ome cucha ponai, ga a uyu u jne rĩ jeta yiroque uágaja uacajesui uté jne. A yeranone u páyuguhebátigadatéode jne ome egíptogosode udore ore iji ore uniri tudé uje que cachi yẽrapáicho ome ore gu uje ore pésu yurasade Israel ujnacare disi ejo uacajurédatédie ga jé basa ga udore chajni ore gai iji daniri tudé údode dirome. Ujeta yejna yujuyaquérigo aja guesi jne ome egíptogosode ore ga a yojningame Israel ujnacare disi ejode uaque: "Boyo jne enga apéso uacajochatígo aja uacajesui gajneri ga boyo jnese jne enga atiróchoja uacajesúrique jne ga a yopise yurása iji uaque jne aja uacajesúrigo erámio jne."


Ujeta egíptogosode ore chimo yátedatéode ome raque dirome jeta e yijnimápo uáguiji ore uniri tudé enga quene ore chiraja uje Dupa Eyúgojmai jé upúsu yu uje yijnime uáguiji ore ujade.–


Ga Dupade chajnai Moisés uruode ga chojninga: –¿Ama adojnóngaja yujopié a? ¿Enga ca cuchárique déji yujopié to ome ua ya? Mu a amóño to dirome jetiga yuruode tocade, jeoga ca tocade to.–


Que daijnárique déji erámi údode ujetiga doi ga cho darúja jnani bajai Jacob uté ájnape disi ejode israélgoso ga uru gajnaréngone chacája to. Enga que daijnárique déji to jetiga cho darúja ore ga ujopiéraque chacája ore to. Ga daijnane a yijnángorása yógaja israélgosode udore to mu a yiracórase ore to mu jĩraque dara omone tṍraji yoquibijnanone ome ore to. Jecute yojningame ore: '¡Israélgosode uaque á, uacajneque pátegoningáne to uje uacangureni Dupa uecai ipesute cucha pitijabádode iji uaque to, ga yitijago uacadode jnese!'


Israélgosode yocangaráni Dupade imeserãque yocayode jnani bajácho nanique. Uje purása quedéjna ore iji ore uniri Egípto nanique mu Dupade pésu ore enga ore quérã enga jiépisi ore. Enga udojo quigade enga chijnime ore iji egíptogosode ore ujade ome dajopiédaté.


Gosójningai Dupa ugurui tu yu to ga uyu jé u uyu to. Ga que dupa uñeque cusipise to. Ga uyu u uje yẽrate pucuecaringuei ome ayoréode. Ga uyu upo rĩ uje yijnimique pucuecaringuei iji ayoréode to. Yaquesu ayoréode ore údode, mu quigade enga yiqueta ore ga ijõrápo ore rĩ. Uyu u uje yisa ayorérique, ga que ayorérique cuse jeta chejñu uté gosi iji yijmainie.


Lean sinn:

Sanasan


Sanasan