Éxodo 5:6 - Dupade Uruode

⁶ Diri tuté jé upo to rĩ uje Faraón tibidi ore ajirisórone capata ore, jé aja capatadie iróquegatéode uje Israel ujnacare disi ejo ore to jeta jé ore chiroque dojode israélgose.

Éxodo 5:6 Iomraidhean Croise

Éxodo 1:11

Jé u uje eduguéjnai, jorane eduguéjna ore, ore pésu dáyipiedie ome ñane ujetiga ore chõre daroquéode eruéode ome Israel ujnacare disi ejode ore. Ga eduguéjna cuchábi uje ore chĩ́care Faraón aja uté nanique, uté catecã́ri dojode eduguéjna nanique ga chojningame ore: "Ueradi tu ome yu jeta Israel ujnacare disi ejode ore pésu guidai gáreode jne. Ga ore chiro jonáquepié cucháberigui iji udore jne ome yocacade cucha yúode. Ga a yĩ́caco Pitón aja guidáyode udore uñai, jé basa ga a yĩ́caco Ramsés aja uñai jne." Ga jé u uje ore chirógapo darasapísode aja Israel ujnacare disi ejode ore ujade nanique rĩ jeta ore timíninga ore aja quedéjnane iji ore isagode cucha pisacho udore. Ga jé u uje ore chimate Faraón, ore áyipiedie udire quigode ga ore pésu guidai gáreode udore, jé aja jonáquepié cuchábedie rĩ.

Éxodo 3:7

Mu Pangarádejnai Dupade jé isoca uje que cha catecã́ri Moisés nanique ga chojningame: –Yipáñaji yurása cásodicáite uje ore cho caru iji egíptogosode jmainie ome cutejmanie dajosipiei. Yudúdapo ore agoyedie to rĩ uje ore irodisṍri casodica que ore chajire dejopóringome ore uje ore chajire ore yúode iji ore isagode cucha pisacho ica. Mu jé udore ore isoca aja deréjnane udojo to.

Éxodo 5:10

Ga ore ajirisórone capatai udire, jé aja ore iróquegatéode ore jnome dajesúode ga ore chingo Faraón uruode aja Israel ujnacare disi ejode ore. Ga ore chojningame ore: –Faraón uruode u udojo ome uaque que jeta jé uacagaite jnacarai ome uaque jne jeta amechóji dachabei údode ome uacoradie adóbei, jeta ca yicopome uaque to jne rĩ. Beyoi datã jeta eso ga ajnóchoja erui ejoi uaquetígo jnacaracho. Uje uacabeyoi jnacarai ga que ojningai u gotique jeta uacorárigui déji uacorabedie yui gotique.–

Éxodo 5:19

Uje Israel ujnacare disi ejode ore angaránone darása chudute Faraón uruode quigode ga ore chojninga: "Faraón uruode jé chajo yógaja jeta yocorárigui jé cho yocorabedie iji deréjnane, mu sué yoquibai uje jé yoquigaite jnacarai gu ome yoque."

Éxodo 5:7

Ga chingo dáyipiedie quigode aja ore ga chojninga: –Jé ca beyopoi jnacarai ome Israel ujnacare disi ejode udore ore jne rĩ, mu arócho ore aja jne jeta ore chaquesu ga ore chijna detígo aja doradie adobe ejode jne uje jecucha ga uacabeyoi ome ore diríca.

Provérbios 12:10

Áyipierane ore chiraja to uje cuchisode ore chejnáreque dayaguhéode to, jecute ore chisi ore iji dabose ajóningane to. Jé basa táyipiegode que posongaquérique déji ore ajéningome dachidode cuchiso ore, uje chiese gusu cuchiso ore gu, ga ore cho damajo ore.

Números 11:16

Ga Moisés chejna daruode guesi nanique ga jé u uje Pangarádejnai Dupade chajnai uruode to iji quigade ga chojninga: –Moisés á, acué israélgosode dayode uñéngo uje pangaranipise ore ome darasade, jeta ore chise 70 to. Enga ajína ore aja yiguíjnai ajé uñai uje i tu 'Dupade, Yutuãjóa Ñane Iji Te.' Enga ácayoji guesi iji uté ejoi ga arochope yu iji to jne.–

Josué 24:1

Ga udojo quigade nanique ga Josué pésu daquiningamei iji ore idai Siquem to nanique. Ga jé u uje tibidi israélgosode ore uáguedie jnese, jé aja ore angaránone jnese to, jé aja padode irajasórone jnese to, jé aja ore angarãte uñane jnese to rĩ. Enga ore tibágui pijnane jnese nanique. Uje ore déji ñane gari jnese nanique iji Dupade iguíjna cuchábi iquei enga jé u uje Josué catecã́ri ore.

Josué 24:4

Ga yisi ome Isaac ujnacare gárode to ome nanique rĩ ga ore íode u udojo to: Jacob, Esaú ore. Ga yisi ome Esaú uniri ome to nanique ga uniri déji cucarani Seir jmainie to nanique. Mu Jacob, ujnacarode ore jnoji puniri Canaán to nanique ga ore chicáji ore uniri Egípto to nanique.

Josué 8:33

Uje ore chimate deranone dosipeque údi enga israélgosode pésu dajochade iji Dupade uruode pi cajo dosadode jnese. Uñane chicáji cucarãte cuchábi Ebal tiógarei. Jé basa ga uñane chicáji cucarãte cuchábi uñai tiógarei to uje cucarãte cuchábi uté i u Gerizim nanique. Ga Dupade irógode Leví ape disi ejo ore déji ore iquei uje ore chijnoque Dupade uruode pi cajo iji dorotadode nanique. Israélgosode ore déji jnese. Ore angaránone ore déji to jnese, jé aja ore eduguéjnane uñane to, jé aja ore adode ajirisórone ore to rĩ. Jé aja purása quedéjnane ore to uje ore nóna israélgosode aja quedéjnane to, jé aja udore ore abode to rĩ uje ore basíji israélgosode ore irengúone to nanique. Ore gaidi tu gu jeta ore tangári Josué ajirigode Dupade urúo jne, ga jogadi tu uté jne jeta Dupade chacacãre ore ome cucha omone. Dupade iroguipísi Moisés acajnaquéode u pisocade udore gu nanique iji taningápisi, jeta ore chajuque re ome ñane ga ore chácariji cucarãte cuchábode udore tiógareode jeta ore tangári Dupade uruode quigode, ga jé u ujeta Dupade chacacãre ore to iji dajogadode udore.