Éxodo 5:2 - Dupade Uruode

² Ga Faraón chojningame Moisés ore: –¿Jé gosi te bangaráni tuté jeta yujuéga doi ome Israel ujnacare disi ejode ore iji yocujade? Que yimo bangaráni uté gosi to gu. Ga que toc jeta yujuéga doi ome bojningane udore Israel ujnacare disi ejode ore.–

Éxodo 5:2 Iomraidhean Croise

2 Reyes 18:35

¿Jé piyáguirase dupárique iji punirone udore uñeque a, ujetiga chijnime darasade iji ası́riagosode eduguéjnai yijmainie? ¡Íjnoque! Jecute Pangarádejnai uté ¿jé chorási ringome jne a, jeta chijnime Jerusalén iji yijmainie?–

Nehemías 9:10

Ua u nanique uje baroque bajuyaquéode ome Faraón, iróquegatéode ore, jé aja egíptogosode ore jnese, uje barungu babai nanique enga bajnimique israélgosode ore nanique iji Faraón, ore josipiedie jmainie. Enga jé u nanique uje bajnomé pirosobádi chise erámi údode jnese nanique.

Sálmos 10:4

Que jnani sijnai uté chucué Pangarádejnai uté ome re gotique to, uje chéngame detabi ome dajoyaquéode uje toji erámi gai ga chojninga iji dáyipie: –Que dupárique déji erã́tique.–

Sálmos 12:4

Uje udore ore chojninga: –Yocangureni tu yocarei ome yocúringane pujnuéngaisṍre jne. Yocajnecho yoquibijnanane, ga ¿gosi déji jeta doi ga sué yoquibánique jeta chiroque yógaja cuchárique?–

Sálmos 12:5

Pangarádejnai chósi tome daruode: –Uje jmatágode udore ore chejnáreque dáringane pumajo, jé aja uje ducañerájmane udore ore jnare gatuaque, jecute jé iji dé enga a yisingare yu, ga a ore chimo dáringane piquetacho ome re, uje ore jnátupúsu yui.–

Sálmos 14:1

Táyipiei uté chojninga iji dáyipie: –Que Dupárique cuse gotique.– Noñánguipíso udore ore, enga que déji pajénique ore ate noñángone udore. Uje que gosi déji jeta pésu cucha ueratique gotique.

Éxodo 3:19

Dupade chojningame Moisés: –Yiraja arĩa uje a Faraón uté chãraque doi ome uaque jne. Mu a boyo jne gu uje yucuayaque uágaja uacajesui uté jne. Uje a yejna yu aja guesi ome Faraón uté jne jeta juéga doi tome uaque.

Éxodo 7:17

Faraón á, a quene araja uyu gajneri uje Dupa Eyúgojmai u yu. A yutṍri Moisés gajneri enga chujé yodi uté ome dogué tuaqué jne rĩ enga a tié tuaté nóña ga diquiyo jne iji jnumi.

Provérbios 30:9

Bamo ujeta ugúcharã́que yu ga a ca yise banétique jne ga a yo cucha bisidéguiji badode jne. Jé basa jeta yijmátapis ome cuchade ga a yoria cuchárigo ga jé yipésu yibai tome ua to enga ore chietáyime ua gu yadode udore ome ua.

Daniel 3:15

Ga Nabucodonosor chojningame jnacarode udore ore rĩ: –¿Ama dimane uágome jeta acatecãchoi yipesudé ayoré gajnu uaté to jne a? jeta adúcho ore ubuchugode agoyedie. Uje a jé ca achacho uacagataidie aja jnumi iji uté iquei to gajiné, ga jogadi u jeta parãte uágaja hórno cucháberaque jne uje pioque cuchábi eteque toi iji uaté ga a jé ca dupárique déji jne jeta chiqueta uágome uaté.–

Juan 16:3

A ore socárome yanguresórone uhuaque gu uje que ore chiraja yu gosi. Enga que ore chise dáringáringo Yapade irajasóño.

Romános 1:28

Que gusu ore isocade udore, mu ore etéquetı́ ore jnusinápo Dupade uté rı̃, enga jogadi jé u uje Dupade noñome ore iji te jmete. E ore cusu rome Dupade ga ore chajo raja dapotigué ayoréode, jecute Dupade juéga enga gusu páyipie noñánguenie uje chijocase ore áyipiedie. Enga jé u uje ore chimate raja cucha ponáyone udore uje que arécho gotique.

2 Tesalonicénses 1:8

Yocangarádejnai Jesucrísto a di jne gu ujetiga cho dajuñame Dupade guetesórone ore jnese, angoninguite parigode ore rĩ uje ore chotigase yocatatagode Yocangarádejnai Jesucrísto acho.

Juéces 2:10

Iji Josué úringai toque quigade ga ujo casodica jnani uje ore urásapise Josué ica, ga ore chejna raja toi jnese. Ga jé u uje israélgosode ore ape ejode que uñeque chirajápo Pangarádejnai Dupade gotique rĩ. Ga que ore chirajápo Dupade átedatéode gotique to rĩ uje uté pésu ome ore dayode israélgoso ore jnese.

1 Samuel 2:12

Mu Elí ape urejane sijnanguipise ore. Que ore chise Pangarádejnai Dupade unétique, enga ore cho cucha bisidéguiji uté iroquéode.

1 Samuel 25:10

Mu Nabal chojninga: –¿Gosi a David uté uje uacojnichome uté Isaí ujnacare? Uje iji dirode udojo ga ore irógode jiei ore uje ore chayome darósorone ga ore cho dedai iji erã́petarégode. David uté gotique a bayágome darósonique to ¡jõ!