Éxodo 5:1 - Dupade Uruode

¹ Udojo quigade ga Moisés, Aarón ore chicáji eduguéjna cuchábi Faraón iquei. Ga ore chojningame: –Pangarádejna Dupa Eyúgojmai chiroque yógaja bei jeta yingongo uru quigode udojo aja ua. Uje chojningame ua: 'Ajuéga doi ome yuague cásidicáite ore jne enga ore jnomíji uaquedai jne enga ore chicáji erãpetarei ga ore chopo dajñare iji sañeque jne rĩ jeta ore tẽrája yu iji ome dachidode aquirájna uñéngo jne.'–

Éxodo 5:1 Iomraidhean Croise

1 Reyes 21:20

Uje Elı́as chise Acab uté, ga Acab chojningame: –¡Urénga, yumajósõri á! ¿Ese yu iji dé á?– Enga Elías chajnai uruode ga chojninga: –E yise ua iji de, arı̃a. E bẽra ua ome cucha gajnaréngone iji Pangarádejnai edominone.

Sálmos 119:46

A yujúdode u bapijogúsorone barúo udore ome peduguéjna cuchábode ore jne iji ore iquéode, enga a jé ca pinguíra dipótique aja yu jne.

Éxodo 10:3

Ga Dupade chirógapo Moisés, Aarón ore aja eduguéjna cuchábi Faraón yui te rĩ ga chojninga: –Oyósi tome Faraón jne: 'Pangarádejnai, hebréogosode yocangureni Dupade, uruode u udojo ome ua: ¿E cho rique jeta arosóñime yiquei to enga ajuéga doi ome yurasade Israel ujnacare disi ejo ga ore jno ga ore catecã́ri yu iji sañeque?

Éxodo 10:4

Ujetiga jé ca ajuéga doi ome ore jne enga a yiroque chuguyúgudie aja uacaniri tudé dirome jeta tagu uacacade cucha iji uacaniri údode jnese.

Éxodo 10:9

Moisés chojningame eduguéjnai: –Cachi a jé u yoque jnese jne arĩa: yocabode, yocacotedie ore, jé aja yocachidode cuchiso ore jnese. Uje a yipéco yocajñamite cuchátique ome Pangarádejnai Dupade iji te jne jeta yẽcója ome yocachidedie aquirájna uñáringui.–

Éxodo 3:18

Dupade chojningame Moisés: –Israel ujnié disi ejode ore daníngo a tangári ua arĩa iji egíptogosode ujade. Ga a ore nóna ua aja egíptogosode asuté Faraón jne. Ujeta agúsoi eduguéjnai iquei ga acatecã́ri jne enga ósi tome barúringome jne: 'Hebréogosode yocangureni Dupa Eyúgojma chajna yógaja jnumi ga qué yicatecãcoi ua ujeta ajuéga doi ome yoque ga yicagobíji garáijnane jeta yijóchago Pangarádejnai, yocangureni Dupa uté ajei údi ome yoque ga a yẽco yocachidéraque aquirájna ome jne iji te. Ga a dirode gadioque jeta yico yoquiqui tuté.'–

Éxodo 33:13

Ujeta jé ũré baruode udojo ome yu ga ango bajegaitígaja yu ga yiraja ua gaté. Ujeta atata báyipie quitígo ome yu jne ga a jé u jne ujeta yiraja bajnoraquei ome yu, ga jé upo to rĩ jeta yujnusi yu ome báringai pangurete gaté. Baraja uje que purása ayoréode udojo gotique ome yu, mu ua u uje barásapise israélgosode ore.–

Éxodo 4:23

Ga uruode qui tu udojo ome ua: Jé dóji ga yedójnarione yujnacare urẽja ore jnoji uacaniri udé ujetiga ore tẽrája yu iji sañeque. Mu uje bãraque doi ome ore ga a yujé bedójnari bajnacare urẽja jne.'–

Éxodo 6:11

Ga Dupade chojningame Moisés: –Bo ga abágui Faraón gajneri ga angome jne jetiga juéga doi ome bojode Israel ujnacare disi ejo uaque.–

Éxodo 6:27

Yojningane udojo Aarón, Moisés ore jé ore urásapise Israel ujnacare disi ejode udore nanique uje chijnime ore iji egíptogosode ujade nanique, uje ore tibágui egíptogosode ore eduguéjna cuchábi Faraón nanique jeta uté juéga doi ome ore nanique rĩ iji daniri.

Éxodo 7:16

Ga ojnichome Faraón iji uté jne jeta chise uaque: 'Pangarádejna Dupa Eyúgojmai, hebréogosode yocangureni uté, utocaite yoque jeta qué yicatecãcópoi ua to rĩ iji de. Ga uruode u udojo ome uaque: Jé ca ãraque doi ome yurasade Israel ujnacare disi ejo udore ga ore catecã́ri yu iji sañeque jne iji garáijnane jne. Jecucha ore uruode udojo ome ua mu que ajuéga dórigo ome ore gatuac.

Éxodo 7:2

A bajúdode u yingoméone cucha aja Aarón jne enga chajnerame baru quigode ome egíptogosode eduguéjna cuchábi uté. Uje baraja quigode jnese gu uje yingome ua ica, ga jé basa ga bayai Aarón chajnerame baru quigode ome eduguéjna cuchábi ujeta juéga doi ome Israel ujnacare disi ejode, enga aquíjnochoja doi iji egíptogosode ujade.–

Éxodo 8:1

Ga chojninga: –Boyo ga abáchopoi Faraón gaté rĩ ga ojnichome jne: 'Pangarádejnai potapísa jeta ajuéga doi ome yoque ga chojningame ua: Jé ca ãraque doi ome yurasade Israel ujnacare disi ejode udore ore ga ore jno ga ore catecã́ri yu iji garáijnai tuté jne.

Éxodo 8:16

Ga Dupade chojningápome Moisés rĩ: –Angome bayai Aarón jeta chujé jnumi ome dogué tuaté ga úyujna jnome egíptogosode ore idai údode ga úyujna nóña jne enga jnapié jne ga a jnapié yore egíptogosode ore gáyode jnese jne iji egíptogosode ore uniri údode.–

Éxodo 8:17

Uje Aarón chujé jnumi ome dogué ga jnumi úyujna jnome ore idai údode ga úyujna tuaté nóña ga jnáño ga yore egíptogosode ore gáyode: jnanione, jé aja ore gachidode cuchiso ore jnese ga ore uniri uté nóña ga jnapiéji jnumi.

Éxodo 8:20

Dupade chojningame Moisés: –A Faraón chicáji tié dirome ga obéri yui to dirome ga ango yuru quigode udojo aja uté jne ga ojningame jne: 'Pangarádejna Dupa Eyúgojmai chiroque yu aja bei ujetiga yingo uruode ome ua, ga chósi tome ua: Ca ãraque doi ome yurasade Israel ájnape disi ejo ga ore tẽrája dachidode cuchiso uñéngo ome yu iji sañeque.

Éxodo 8:27

A yico jne enga a yicagóji Dupade ojningai uté garáijna jne uje uru quigode jé u ome yoque gu. Ga a yoquimochátigo gadióguiji uté yui jne jeta yico to uje idája gu. Ga a quene jogadi jeta yẽcója Dupade iji ome yocachidedie aquirájna uñanie iji to.–

Éxodo 9:1

Dire uñai ga Dupade chojningápome Moisés gaté rĩ: –Bo ga jé ajmitape Faraón uté gaté ga angopísa yuru quigode udojo aja uté jne. Ga ojningame jne: 'Pangarádejnai, uje hebréogosode yocangureni Dupa u uté, chósi tome ua que: Jé ca ãraque doi ome yurasapísode Israel ujnacare disi ejo ore ga ore jno ga ore catecã́ri yu iji uté jne.'

Éxodo 9:2

Ojningápome Faraón gaté rĩ: 'A jé ca ajuéga doi ome yoque gajneri jne enga Pangarádejnai Dupade a chijna cutejmai detotiguejna, dajopiéjna ome uacachidode aquirájna gajneri uje udire déji garáyode iji baniri udé údode. Ga a chisi ome dequejnareque cuchátigo ome aquirájnanie udire jne ga chácariji údode. Mu a jé ca gusu aquirájnanie gotique ome jne, mu jé aja uacachite cuchiso uñane ore jnese: buricade jnese, burica quedéjnane jnese, caméllode jnese, jé aja áyasadie ore jnese rĩ.

Matéo 10:18

Enga a ore chijnapo uágaja deduguéjna cuchábode ore iquéode to jne rĩ uje ore chetaque uacáringáringo yanguresóño. Piotiguei a u jne ujetiga angoño yuruode ome eduguéjnane udore ore to, jé aja purása quedéjnane to rĩ.

Matéo 10:28

Jesús chojningápome ore rĩ: –Ca atodóyo ayoréode uje ore yugode u yocúringane unojo ayorepíso. Chamáñaje que toque ujetiga udore ore chijocasipise yocáyipiedie gotique. Mu uacatódi upusurásu Dupade. Uje que gusu ujetiga ajéraso enga uñeque toi, mu ajepóraso enga chiroguirase uñéngaja gajño pioi.–

Héchos 4:29

Yocangaráni á, bamo uje ore jmongarája yoque. Mu atapísaja barógode uyoque enga ca yitodógo ore enga ca yagutúgo yógome ujeta yatatago baruode.

1 Coríntios 5:8

Cho ujetiga yugúcoji pujnusinamáni dire gai to rĩ uje e yicoi Dupade adode. Jecute yicoi enga yiyágo yocate gajnaréngone, yoquisijnaringuéone ore uje udore gajnúone u arurégode uje ore chaníraja bisite diyajmane iji. Mu yicoi enga yedugo Dupade uru uréone, pate omone ore uje udore gajnúone u arureque ichade uje íjnoque bisidi iji.