Éxodo 4:8 - Dupade Uruode

⁸ Ga Dupade chojningame Moisés: –Ujetiga ca ore tangári ua ome basoca bajai te jne enga opósi tome ore to jne, ga a Israel ujnacare disi ejode dayode ore tangári ua to jne ome yisoca ejoi tudé ome ua.–

Éxodo 4:8 Iomraidhean Croise

2 Reyes 5:7

Uje israélgosode ore eduguéjna cuchábi chajire dojoi eduguéjna urusarane enga chajuguipise aguté. Enga chisa daguidedie ga chajuque ¡cága! iji darobé gai ome dáyuguhebátigai uté, ga chojninga: –¿Ama Dupade uyu ome uté ajéode a, ujetiga yisı́ome pucuecaringuei ome ayorérique, jeoga yisı́ome pitoringai ome gosi? ¿Gotique chimo jóroque re uje jnani udé chiroque darusarane aja yu ujetiga yiquetárase lépra isatique ayoré?– Ga jé u uje israélgosode ore eduguéjna cuchábi chojningame daroque dejominórone: –¡Adójnachopı́sa sı́riagosode ore eduguéjnai uté isocai ome yu á, uje uté ucuei tupúsu pibotaquéode ome yu! A uté gaidi tu ujetiga chijnime dajocaningai ome yoque ¡jõ!–

Éxodo 4:28

Uje ore chise ñane iji dajei ga Moisés chatata dajnéone Dupade uru quichome Aarón to ujetiga Aarón jé chajnerámome ojña quigode ome darasade ore iji Egípto, jé aja Faraón gajnenguipísode Dupade uru quicho to, jeta chajnerame to. Chingopome to rĩ uje Dupade utocaidi jé u re ome datígo jeta ore tija ipesutígo cuchadatéo iji dajade jne.

Éxodo 4:7

Ga Dupade chojningápo gaté rĩ: –Aramája jogadi tuqué rĩ.– Ga Moisés chanírapo aja rĩ. Chijnime, mu ueradápo jmanai tuqué rĩ ga chopise dasocai tuqué.

Éxodo 4:9

Mu Dupade chojningame Moisés: –Jetiga jé ca ore timíninga ua ome basoca gárode udore jne, enga bo jne enga acáji tié cuchabé enga aro yodi ome bajóraque jne enga ójneja cajnóningárique jne iji udore ore ajénique jne, enga a nóña ga piyojna jne.–

Juan 12:37

Jesús ipesútedatéode cucha pitijabácho jiei iji ore ujade ujetiga ore changureta marínga, que ore chise unétique.

Deuteronómio 32:39

Gosójningai Dupa ugurui tu yu to ga uyu jé u uyu to. Ga que dupa uñeque cusipise to. Ga uyu u uje yẽrate pucuecaringuei ome ayoréode. Ga uyu upo rĩ uje yijnimique pucuecaringuei iji ayoréode to. Yaquesu ayoréode ore údode, mu quigade enga yiqueta ore ga ijõrápo ore rĩ. Uyu u uje yisa ayorérique, ga que ayorérique cuse jeta chejñu uté gosi iji yijmainie.

Juéces 6:17

Gedeón qué jnopo daruode údi rĩ enga chojningame dacatecãraisṍri uté: –Jeta jé ũré ua uje yise yúringai pimeserãque iji bedominone, enga angoba cucha dacatique aja yu bajaque jeta yirajapise uje ua upúsu uje bacatecã́ri yu iji de.