Éxodo 4:21 - Dupade Uruode

²¹ Dupade chiquetápo raja Moisés gaté rĩ, enga chojningame: –Ujetiga aríñoji Egípto jne enga ca achietáyime ua ome Faraón iquénique jne uje e badute yuruode ome ua diríca jeta jé be yisoca casodé ga a u jne jeta ore pañaji bapesútedatérigo jne enga quene ore chiraja uje yẽrate báringai ujopíerángome ua to. Mu Faraón ga a yerani tu pucusuréringai ome uté jne. Jeta ese ore, enga a angome Faraón uté jne jeta juéga doi ome uaque, mu a ca juéga ome uaque jne. Ducusuréguipíse gu.

Éxodo 4:21 Iomraidhean Croise

Génesis 6:3

Enga jé u nanique uje Pangarádejnai Dupade chojninga nanique: "Angoninguite pariguipise erámi unirisórone ore enga cho ujetiga ca ore áyipieraque cuse, enga cho ujetiga gusu ore aoi tiji ore. Yujopié Espíritu Sánto qué chaquĩ́ra ore ome ore ate gajnaréngone ujetiga ore chécãre dasocade. Mu a sequeredie 120 jne enga Yujopié Espíritu Sánto cha catecã́ri ore, enga jé u jne ujetiga yujuyaquei e di ome ore."

1 Reyes 22:22

Ga pujopié uaté chajnai Pangarádejnai uruode ga chojningame: "A yiji jne ga a yijnare yu aja Acab irógode proféta tácho ore jnese, ga a yo pujopié aringaquéraque jne iji udore ore pijnanone. Ga a purupatáringa ore uruode quigode jne ome deduguéjnai Acab uté, mu uté a cho ũréji ore." Ga Pangarádejnai chajnai pujopié uaté uruode, enga chósi tome: "Ejẽ́, be ga ãra Acab uté, enga ajnué gai. Boco, apésu baruode udore aja quigode."–

Sálmos 105:25

Mu Pangarádejnai uté pésu ga egíptogosode cho dangojñóngu uté urasade ore, ga ore pésu dáyipie gajnarénguenie quigode ome uté irógode ore.

Sálmos 78:43

Uje uté chicha dapijogúsorone dapesute cucha pitijabácho aja Egípto uté, ga pésu átedatéode iji garáijnai uté uje i tu Zoán.

Éxodo 10:1

Pangarádejnai Dupade chojningame Moisés: –Bo ga abáchoi Faraón ore gajneri, ga acatecãchoi ore jne. Ga jé ca oyo uacáyugu ore úringane ducusuréchoquío jne uje uacarajáyo uje yẽrate ore úringane ducusuréo ome ore. Yigaidi jé u ome ore jeta yo yujuñame ore ga ore chimo yúringai ujopíerãque cuchape ome yátedatéode.

Éxodo 10:20

Mu Dupade pésapo Faraón rĩ ga jĩraque cusu rome ore gaté rĩ ga que juéga doi ome Israel ujnacare disi ejode ore gotique rĩ.

Éxodo 10:27

Mu Dupade pésu ga Faraón jĩraque cusu rome Moisés ore, ga chãrácapo doi ome ore rĩ.

Éxodo 11:10

Uje Moisés, Aarón ore pésu Dupade ojningane udore jnese iji Faraón edominone, mu que doi ga juéga dórigo ome Israel ujnacare disi ejode ore gotique. Uje ore chingo jóroga jeta ore jnoji Faraón uniri. Chamáñaje Dupade jé ipesute Faraón úringai ducusuréchoquí gu ome ore.

Éxodo 11:9

Ga Dupade chojningame Moisés: –Yiraja uje Faraón a ca tangári uacaru quitígo jne, enga adójnachopísa jne uje a jé cachodi upome yujuyaquéringome egíptogosode ore jne rĩ.–

Éxodo 14:17

A yipésu egíptogosode ore úringane ducusuré jne enga a jé ore chajna uágaja yote quedéjna cuchábi uté jochai to jne jeta ore choru guebéquedatéode, buricade ore aja jne ga jogadi u jne jeta yingo yúringai ujopíerãque aja udore ore jnese iji te.

Éxodo 14:4

Mu a yipésapo Faraón jne rĩ ga a cusu rome uaque jne enga a chajna uaque jne ujeta chisínapo uaque jne rĩ ome daroquéode. Ujeta chisína uaque ga a yingo yúringai ujopíerãque cuchape ome uté gaté jne, jé aja uté jorane dasoldácho. Ga a quene egíptogosode pañapísiji yadode udojo jne enga quene ore chiraja uje Dupa Eyúgojmai uyu ga que uñeque doi ga cho yu to." Israel ájnape disi ejode ore doi Dupade uruode ome raque ga ore chajnésaru jnumi yui ga ore chicha darengúi aja ore idai ejoi uje i tu Pi-hahirot.

Éxodo 14:8

Dupade pésu Faraón ga jĩraque cho cusu cusúgome Israel ájnape disi ejo casodé ga jé u uje chajna, chajna ore. Mu Israél ájnape disi ejode ore jochaguéjna aja dajesui, ga que ore dosóñime cuchárique gotique aja ore ajesúode erámio uje ore jnoji egíptogosode ore gari nanique.

Éxodo 3:19

Dupade chojningame Moisés: –Yiraja arĩa uje a Faraón uté chãraque doi ome uaque jne. Mu a boyo jne gu uje yucuayaque uágaja uacajesui uté jne. Uje a yejna yu aja guesi ome Faraón uté jne jeta juéga doi tome uaque.

Éxodo 3:20

Ujetiga cáma boyo ga a yingongara yúringai ujopíerãque cuchape aja egíptogosode udore ore jne. Ga a yisi ome dequejnareque cuchátigo ome ore jne jeta chequésãre ore. Ga a Faraón chimo dequejnaréngone udore jne enga jé u uje juéga doi ome uaque.

Éxodo 7:13

Faraón chimo udore marínga, qué cusu rome Moisés, Aarón ore ga que chajire ore yúrique enga ore jnusina uje Dupade ojninga casé jé u gu.

Éxodo 7:3

Ga Dupade chojningápome Moisés rĩ: –A yipésu Faraón jne enga cusu rome uaque jne enga a ca juéga doi ome uaque jne. Mu a uté chimopo yatígome re jne. Ga Faraón uté, jé aja uté urasade a quene ore áyipiedie déji yu jne uje ore chimo yátedatéode uje garani jé upúsu Dupade uyu.

Éxodo 8:11

Ga a quene amo jne uje Dupade u uje chiroque udire aja doi iji baguíjna cuchábi ajei ga chiroque ore aja ore unirenie tié jeta ore chedu chácariji tiedie udire. Ga a ca chácarapóji uacádode jne rĩ, barasade, baróquegatéode, uhuaque jnese.–

Éxodo 8:15

Uje Faraón chimo uje chiranie cho jnángome ore ga que juégapo doi tome Moisés, Aarón ore ujode Israel ujnacare disi ejo ore rĩ. U gu uje Dupade jé urúpisome Moisés ore nanique uje Dupade a guerani u pucusuréringai ome Faraón uté jne.

Éxodo 8:32

Mu jé isoca uje Faraón cusu re ome Moisés, urasade ore nanique ga que juéga doi ome ore iji dire uñai.

Éxodo 9:12

Mu Dupade pésu Faraón ga cusu rome cuchade udore jnese ga que tangári Moisés ore uru quitique gotique. Ga Dupade jé uruode upúsu ica ome Moisés ore.

Éxodo 9:35

Uje Faraón cusu re ome Israel ujnacare disi ejode ore ga que juéga dórique ome ore. Dupade uru casodica jé upúsu ome Moisés uje chojninga ica: 'A yipésu ga Faraón ducusuréchoquí ome uaque jne.'–

Juan 12:40

Uje Isaías urusãraque uñane chósi te: Dupade ipesute ore ujetiga ore gajnúone u edoparigode. Enga ipesute ore áyipiedie úringanie uajádei rĩ ujetiga ca ore tangári cuchárique. Gaidi u gu ujetiga ca ore chimo cuchárique enga ca ore chiraja cuchárique quitígo. Uje Dupade chojninga: "Jé socaseti ore chajni yibai ujetiga yiqueta ore."

Romános 1:28

Que gusu ore isocade udore, mu ore etéquetı́ ore jnusinápo Dupade uté rı̃, enga jogadi jé u uje Dupade noñome ore iji te jmete. E ore cusu rome Dupade ga ore chajo raja dapotigué ayoréode, jecute Dupade juéga enga gusu páyipie noñánguenie uje chijocase ore áyipiedie. Enga jé u uje ore chimate raja cucha ponáyone udore uje que arécho gotique.

Romános 9:18

Jecute obiréjna uje jé Dupade juegabate cuchade ome ayoré chojmara, chojmarane uyoque iji erámone udojo. Ujetiga Dupade ajéode u jeta chosõre gosi, enga jé u uje guẽrate dosongaquei ome gosi. Mu jeta ajéo ome uñeque ga pésu uté gosi úringai ducusuréchoquí, ga uté gosi chajo raja dáyipie uajádedie qui uté.

2 Coríntios 2:16

Mu udore ore uje bijnaque ore ga cho ujetiga Jesucrísto ai chujé ore. Jé basa udore ore uje Jesucrísto iquetaque ore ga cho ujetiga uneripise ai tome ore enga ore chojare enga ore úringai piquetaque u iji deréjnane jnese. ¿Ma picasidirase ome uyoque jnese ujetiga yatatago Dupade uru iyiejnane udore quigode?

Josué 11:20

Ga Yocangarádejnai chisi ome cananéogosode uñane ore úringáringo ducusuréchoquío ome ore nanique. Enga ore changureta rángome pocaningai yúode to ome israélgosode ore. Mu cachi ore angurete re nanique ome pocaningai yúode. Que uñeque ujñapeque nanique gu iji israélgosode ore jmainie. Enga Josué dopísi Dupade áyipiedie jnese nanique uje Moisés chingo Dupade uruode aja nanique gu. Jecute que posongaquei déji ajénique nanique enga chejnápise Canaán unirisórone ore jnese.

1 Pédro 2:8

Dupade ojningai jé upo ore rĩ uje chojninga: Cucarané uaté pésu enga gosi cṍra. Udore ore uje que ore tangári yocatatagode ome Jesucrísto, gajnui tu ujetiga ore cṍra enga ca ore nijiápo rĩ. Uje Dupade jé áyipiedie u udire ome detesórone gu.