Éxodo 4:12 - Dupade Uruode

¹² Dupade chojningame Moisés: –Moisés á, a yijína uája quedéjnane jne. Jecute bo ga acáji Egípto jne enga ca abója ua ome darai uje a uyu u jne jeta yipesute baru quitígo jeta acate Israel ujnacare disi ejode ore iji Egípto.–

Éxodo 4:12 Iomraidhean Croise

Sálmos 105:26

Pangarádejnai chiroque daroi Moisés, jé aja dajegaidi Aarón uté.

Sálmos 143:10

Acate yu ome bajequigode, uje Yangureni Dupa u ua. Ajuéga jetiga Bajopié ueradé cho jnumi tirótigai quigome yu jeta jé ca yirípieraque gajnarengue iji uté.

Sálmos 32:9

Ca o buricai, burica quedéjnami ore, uje que udore ore chiraja cuchárique. Uje jecucha ore chanire burica quedéjna pijnani erã́sori aja pijnani jeta ore chisa uté aja quedéjnane. Uje a jé ca ore chanire uté aja burica quedéjnai pijnani ga que tangári cuchárique, ga uté a jé ca chose bei jne."

Éxodo 3:12

Dupade chojninga: –Moisés á, a yijína ua aja quedéjnane jne arĩa. A amo jne uje jé ũrepise yu ome yuru quigode uje a chise dínique jne jeta amáta Israel ujnié disi ejode ore aja cucarani tudé. Ga a acatecãchoi yu iji udé jnese jne rĩ, jeta e ajnime Israel ujnié disi ejo cásodicáite ore iji Faraón urasade ore ujade.–

Éxodo 4:13

Mu Moisés jé isoca uje chojninga: –Yangarádejná, aroque yujórique ayoré aja Egípto yui. Ga jé yácariji udé to jne.–

Éxodo 4:15

Acatecã́ri bayai uté ga ango bojña quigode aja uté jnese jne jeta uté chajnerame bojña quigode ome barasade ore jne. Enga a jé uyu upo to jne rĩ jeta yugúsiji bari iji te, jé upo iji bayai gari to. A yo baquique aja bajesúrigo iji ore idai údode jne jeta acate ore.–

Éxodo 4:16

Dupade chojningápome Moisés rĩ: –Jeta acatecã́ri bayai Aarón jne enga cho jetiga uyu darai iji bajei jne enga bayai Aarón chajnerame yuru quigode uje tṍraji babijnani ome Israel ujnacare disi ejode ore jne.–

Números 16:28

Ga Moisés catecã́ri darasade ore enga chojninga: –A yetingarape yúringai Dupade iroque to ome uaque to. Enga a quene arajáyo uje que yipesudode u cuchade ome uaque to, mu Yocangarádejnai Dupade angureni tu yu ome dapesudode cucha iji uacajade.

Márcos 13:11

Mu diga a ore jno uacádi aja deduguéjna cuchábode jne. Mu ca oyópise uacáyugu uaque jne ome uacapesutígo uacaru jne ome udore. Uje Dupade a guẽrapáicho uacarúrigo ome uaque jne ujetiga jĩrique ajnicho uacarúrigo ome ore jne. Mu que cho ujetiga uacaruode udore, mu Dupade Ujopié Espíritu Sánto guẽrapáicho uacaru quitígo ome ore.

Lúcas 11:1

Enga chise dínique uje qué Jesús déji dacatecãraitigárique gai. Mu uje chejna dacatecãraitigárigo guesi ga acadigode uñeque chojningame: –Yocangaráni á, qué be ga acadape yógome picatecãraitigade ome Dupade. Ga basocai turásu Juan casicaite uje chacate dacadigode ore ome picatecãraitigade nanique.–

Juan 14:26

Mu quigade enga Yai a chiroque Dajopié Espíritu Sánto aja uaque jne ujetiga basája yijogadi. Enga uté a chátaja uaque jne enga a chajni uacajnusiétigade jne. U to jne ujetiga chacate uágome cuchade jnese enga uté upo rĩ uje jnusinápo yacajnaquéode quigode jnese ome uaque rĩ.

Efésios 6:19

¡Enga jecucha ajóchayo Dupade ajei údi ome yu gatuaque to á! Yipotigátedatéi tu jeta piotiguérique dérasi yu ome Crísto uté ujnomei úringai pute, ga Dupade uté chimanirase yuru quigode aja yibijnani ome Dajopié uaté. Yajéode upúsu ujetiga picasitigai déji yu uje yichapísa Dupade uté áyipie pipoguiede cásidicáite aja guesáringai enga choquípisirásiji guesi ome yangarásorone udore jnese.