Éxodo 4:10 - Dupade Uruode

¹⁰ Moisés chojninga: –¡Urénga, Yangarádejná! Bamo uje yojñane jecucha deroque quigode ome yujode ayoré ore arĩa. Bajos eti gusu iji deréjnai tudé uje que yiraja yuru quitígome ua uje yo ta-ta-ta iji baquei tiji de. Mu que gusu iji deréjnai tudé, uje yo ta-ta-ta iji yujode ayoré ore iquéode to ica gu. Yipota jóroga jeta yĩrarare to ica iji cuchade mu que yajno darai gu uje uru tarataque yu.–

Éxodo 4:10 Iomraidhean Croise

Éxodo 3:11

Moisés chajnai Dupade uruode ga chojninga: –Cachi que yujñapegome diri gotique to jeta yi ga yibasája Faraón edominone iji iquei. ¿Ama yorási ringome Israel ujnié disi ejode ore jeta yijnime ore iji Faraón ore ujade?–

Éxodo 4:1

Mu uje Dupade chejna daruode udore guesi ome Moisés ga Moisés chojninga: –Ise mu jé ca Israel ujnacare disi ejode ore dayode tangárirási yu jõ. A ca ore chimesẽ́raporáse yu rĩ. Mu a ore chotigásirase yu ga ore chojningárasa: 'A ca Pangarádejnai Dupade chiqueta raja ua gotique.'–

Éxodo 6:12

Moisés chojningame Dupade: –Cachi que bojningane udore yujo Israel ujnacare disi ejo ore tangári yuru quitique arĩa, jétapũré bojningai tuté Faraón uje cho uru taratáguiji yu ga que tangári yuru quitique.–

Éxodo 6:30

Mu Moisés chojningame Dupade: –Pangarádejná, urénga, cachi que yiraja puru quigode gotígo to arĩa ome yujórique ayoré jeta tangári yuru quitique. Ga yajnui jé u ayoré uru taratátique ome Faraón uje que tangári yuru quitique ome re uje yicatecã́ri jórogui uté.–

Héchos 7:22

Jecute pacadique Moisés ome egíptogosode ore irajatigade jnese. Jecute pangarate Moisés to ome arecujaidie enga que chagutu re ome cuchárique.

2 Coríntios 10:10

Yiraja uje ore dojnóngaja yu enga ore chojninga: "Irajatáquedaté Páblo uté enga urusarane quigode etócho ome uaque. Mu a dirase ga a ajichósirase mu cucha bisidégape enga que bisitique pijoque ome darúrique."

2 Coríntios 11:6

A ca yiraja puru unénique ome yacajnaquérique mu unérone upúsu yirajatigade quigode. Enga e uacapáñañoji yoquirajatigade quigode to gatuaque ica uje yugúcoji uacari.