Éxodo 32:8 - Dupade Uruode

⁸ A jĩraque ore cha yerani casica dajeque uréone ore ga e ore chijnángui ajesúode. Enga ore pésu aquirájna ape choqui iji óro ga ore cho dadupade iji uté. Ore tẽra cuchade ome uté rĩ, enga ore catecã́ri uté ome cuchade. Enga ore chojningame dachietaquéode: '¡Israélgosode uyoque yocangureni dupa u udé uje ijnimique yóguiji egíptogosode ujade ica!'–

Éxodo 32:8 Iomraidhean Croise

1 Reyes 12:28

Enga jé u uje Jeroboam chucué daquigaminórone eduguéjna áyipieragome isocárique to jeta urasade israélgose udore cha Jerusalén unerai ga ca ore chicapóji rı̃. Enga Jeroboam oquisórone ore cho quique, ga quigade ga uté chiro aquirájna ape ucatoque gárode ome óro nanique. Uje chimate udore ga jé u uje chimáta darasade ore aja dari, ga chósi tome ore: –Cachi jiei trabajádi ome uaque uje uaquejo pidai idájai Jerusalén uté ome uaquẽrapáidode cucha udore. Enga e gome jeta acayóji uté. ¡Cajichope to, israélgosode uaque á, de dojo uacangurenone dupa! Uje udojo u uje ore ijnimique uáguiji Egı́pto nanique.–

Éxodo 20:23

Ga jé ca apéso ayorérique oréraque jne iji óro, pláta ore, ga jé ca oyo yu iji uacoratique ayoré oré jne. Enga jé ca acatecãchoi uté jne ome uacajegaitígo cucha.

Juéces 2:17

Mu israélgosode que ore tangári padode irajasórone udore. Ga jé ore chajnera dádi ome dadode uje que ore chise Dupade unétique. Enga jé ore chajo raja dangurenone Dupa quedéjna to. Ore dayode ga ore dopísi Dupade uru iyiejnane quigode ica, mu ore ujnacare ejode que ore dopoi dayode angureni casica Dupa uru iyiejane quigode gotique rĩ.

Éxodo 22:20

Ujeta gosi pésu daseradéjnarique ome dupa quedéjnarique jne enga jĩraque ajéyo uté gosi to. Que chedu Dupa Eyúgojmai gu ome dẽrapáidode cucha gu.

Éxodo 32:4

Enga Aarón chãrei enga chijnime ga doi martíllo ga chujéji jnumi jeta pésu quigode aja ajesúode. Enga Aarón chimate ga pésu aquirájna ape choqui oré tiji dapesudi ore udupa. Enga chimate ga tibidi israélgosode ore jnese, ga chingo dapesudi ome ore. Ga jé u uje ore chimo aquirájna ape choqui oré ga ore chojningame ñane: –¡Israélgosode uaque á, a yocangureni dupa udé u uje ijnimique yóguiji Egípto ica!–

Éxodo 34:15

Enga jé ca átayopísa uágaja erámi tudé unirísõre bajade ore jne. Enga jé ca oyo uacajõra iji ore. Ja seca ore catecã́ri dangureni dupa gotique iji uacajade ga ore tẽra dachidode cuchiso ome dangureni dupa uté gotique ga a ore tibidi uaque jne jeta acho ore posode to iji ore atigai tuté. Enga a aniname eti a ore chisi ome uaque ore guẽrapáidode dachite arione udore ome dangureni dupa que, ga jé u uje pésu banerotiguérique ome yu.

Deuteronómio 32:17

Uje ore tẽrája Dupade ome deranone cucha to nanique, mu cho jeta ore chijnapóji Dupade gari rĩ ga ore chisi ome dangurenenie docoré guichayai to. Chamáñapise uje ore chejna raja dangurenone cucha bisidécho uje quene ore chimo ore to, mu que ore dayode chimo udore to nanique, mu ore ape disi ejode chopise dadupa iji udore to.

Sálmos 78:36

Mu ore nejéru uté údode ome danejequé tágode uje tṍraji ore pijnanone, ga ore urupatáringane garanone u daréode ome uté.

Josué 22:15

Ga jé u nanique uje ore jno ga ore chicáji ore uniri Galaad nanique. Ga ore catecã́ri rubéngosode, gádgosode, manasésgosode uague uña ore angarádejnane ore iji uté.

Juéces 8:24

Mu Gedeón jnopo daruode údi ome darasade ga chojninga: –Gusu uje yajegaidi u ome jnani chojmara, chojmarane uaque jnese jeta asíñome ore angoronépiédie chojmaráraque ome yu uje uaqué casodica ore angoronépié ica iji garáijnane, uje uacajnimicho iji uaquegode ore ica. Ga boyo udire údi ome yu jne.– (Uje madiángosode ore gãrapi u Ismael nanique, ga jnanione ore isocabei tu uje ore chijna dangoronépiédie jnese uje pipesudei udire iji óro nanique.)

Nehemías 9:18

Enga yocayode udore ore pésu aquirájna ica guejnai oré iji óropisedie nanique enga ore chojninga nanique: 'Yoque idupade u udé uje chijnime yóguiji egíptogosode ore jmainie ica.' Enga ore chimate dorai nanique ga ore doi dasoca gajnaréngone iji uté ejode nanique.

Sálmos 106:19

Iji cucarani uje i tu Horeb ore chibore óro péode ga ore pésu aquirájna ape choqui oré iji uté jeta ore cho dadupa iji, ga ore chichaga dagataidie aja jnumi iji dapesudé uaté iquei.