Éxodo 32:3 - Dupade Uruode

³ Enga ore chijnime dangoroinie jogotodie jnese ga ore chisi ome Aarón jnese.

Éxodo 32:3 Iomraidhean Croise

Génesis 24:22

Uje e subudé gachidode iji gapua guerani yote uté, enga jé u uje e chiraja uje Dupade guerané gapua uaté. Jecute jno enga chijnime derané óro enga chaníraja gapua ujunane edo ujetiga aparagate ome. Enga dopoi óro carubi te rĩ enga chaníraja gapua uaté jmanecapajei. Enga ore chuguhese ujunane gajnei óro enga e chise 6 grámos nanique, jé basa jmanecai erã́sori chise 100 grámos. Enga jiei gueranone udojo oredie nanique.

Génesis 35:4

Enga jé u uje ore chisi ome dacatecãrainone ayoré gajnúo ome Jacob jnese. Enga ore chijnime órodie uje déji ore angoroinie eruéode enga ore chisiapome Jacob rĩ. Enga Jacob jno ore angoroinie eruéode jogosórone údi aja poredaté údi enga chijóchame ore iji, jé aja ore icatecãrainone ayoré gajnúo ore jnese. Enga poredaté uaté i u encína enga idógosiji ore idáidatéi Siquem nanique.

Éxodo 32:2

Aarón chajnai ore uruode ga chojninga: –Angoñome chequedíe jne, jé aja ore urodie, jé aja ore ujnacarode ore to, jeta ore chejñu dangoroinie jogotodie jne enga ore chijnája de jne.–

Éxodo 32:4

Enga Aarón chãrei enga chijnime ga doi martíllo ga chujéji jnumi jeta pésu quigode aja ajesúode. Enga Aarón chimate ga pésu aquirájna ape choqui oré tiji dapesudi ore udupa. Enga chimate ga tibidi israélgosode ore jnese, ga chingo dapesudi ome ore. Ga jé u uje ore chimo aquirájna ape choqui oré ga ore chojningame ñane: –¡Israélgosode uaque á, a yocangureni dupa udé u uje ijnimique yóguiji Egípto ica!–

Éxodo 33:6

Uje israélgosode ore jnoji pajmini uje i tu Horeb ga que qué ore chanire dangoroinie jogotodie aja dangoroinie rĩ. Jé aja ore jmanepiedie, ujnápeode ore.