Éxodo 32:1 - Dupade Uruode

¹ Uje israélgosode ore chajire jóroque Moisés yui nanique iji cucarani uté ójo ga ore chacho yui uje que di, ga ore doi uyai Aarón ejode ga ore chaparu gai jeta ore catecã́ri Aarón uté nanique. Uje ore chacho Moisés yui ga ore chojningame Aarón: –Chimo jóroque re uje Moisés uté uje ijnimique yóguiji Egípto, mu a e cuchárique tṍraji iji sañeque uje que diapo rĩ. Ga qué dóji jne, enga be ga apésu yocanguretique dupa jne jetiga yipáñangoji to. Ga a uté u jne jeta cho dajei quigome yoque jne jeta ga yicoji erámi tudé.–

Éxodo 32:1 Iomraidhean Croise

Génesis 19:14

Enga jé u uje Lot que chajirape cuchárique ome daro amanachuguedie, dasarane ore mu chicáji ore iguíjnane enga catecã́ri ore enga chojninga: –¡Ayágueyo ga yico! ¡Chamáñaje Pangarádejnai Dupade a chejna guidai tudé jne gu!– Mu que Lot dasarane ore tangári uruode gu uje ore chotigase uruode.

Génesis 21:26

Mu Abimelec chajnai uruode enga chojninga: –Abraham, quene yudute to baruode uje gosi chijna uacajochai sibíjna iji uacari. ¿Jé gotique gu a uje que angome yu diríca?–

Génesis 39:8

Mu José que pota uaté gotóraque enga chajnai uruode enga chojninga: –Úngare. Bamo uje yirósõri angureni u yu ome daroquéode enga angureni u yu ujetiga yañuru ugúchade guio iji de. Enga noñome cuchade jnese iji de iji yijmainie jeta yañuru ugúchade guio. Enga chopise jeta yugúcha ugúchade jnese uje que charángome yu. Jé basa que juéga ua ome yu jeta yungarája ua. Jeta yungarája ua, ga a gajnareque yadode ome yirósõri tuté. Mu que gusu ome yirósõri gotique mu a jé chuságaja Dupade jne, yate gajnaréngone jeta yungarája ua. Que toguipise ome yu arĩ́e.–

Génesis 44:15

Mu qué ore déji gai uje ore chichaga dacurutedie aja jnumone enga José catecã́ri ore enga chojninga: –Daijna cuchape yu ga ¿jé ca arajáyo a uje cuchade choqui guesode ome yu jnese ga yirajapise uacapesudode cucha?–

Génesis 44:4

Enga e ore jno mu qué idógosi ore iji José ore idai. Enga José catecã́ri daroguipísi enga chojninga: –Be ga ajna ore. Ujetiga ese ore enga acatecã́ri ore enga ojninga: '¿Ama ca yirósõri chijnóra uaque ga adode ueradipísome uaque diríca? Jecute ¿gotique gu a uje uacaboyo ga uacoriayo jopite oreránguejnai aja uacajesui?

Sálmos 106:19

Iji cucarani uje i tu Horeb ore chibore óro péode ga ore pésu aquirájna ape choqui oré iji uté jeta ore cho dadupa iji, ga ore chichaga dagataidie aja jnumi iji dapesudé uaté iquei.

Éxodo 13:21

Uje Israel ájnape disi ejode ore jnome dajesúode erãpe nanique ga Pangarádejnai Dupade u uje nóna ore aja dajéode nanique. Ga Dupade cho re iji gue abuja cucháberaque nanique iji ore iquéode jeta ore chajna gue abuja tuaté iji jnumone iji dirode. Mu uje chise dejai ga Dupade chopo re iji pioque ocarate cuchábedie rĩ enga chijñate Israel ájnape disi ejo ore gáyode iji dejade. Gaidi tu gu ujeta ore diguiji dirode, dejade ore jnese ome isocade udore.

Éxodo 14:11

Ga Moisés ujode Israel ájnape disi ejo chojningame Moisés: –¿Ama jé ca ore óderigui déji Egípto to diríca ya? uje a bapotigádi u ujeta yichago yocóderigui aja garáijnane udojo jeta ore chujé yóguiji udé uje babo yocúdi iji Egípto diríca. ¿Gotique uje que ajíome yóguiji Egípto diríca, ga jé ca aroque yógaja doi iji Egípto diríca?

Éxodo 16:3

Uje ore chojninga: –Uje yugúcoji Egı́pto ica ga yichago yoquĩraca piagode aja yoquejode ica uje yocãraqueguedie aquirájna irágu ga subudé yóguiji ejode ica ga que yejnángo. Mu uje uacajnicho yóguiji Egı́pto ica ga uacoreyoi yóguiji erã́petarégode udojo ga a yitogoi ome cutejmane yoquiyaguhéo jne iji udojo. Jé go uje Dupade que noñome yóguiji Egı́pto ica ga yichago yocóderigui aja uté to ica, mu a yichago yocóderigui aja erã́petarégode udojo gajneri uje Dupade chorei yóguiji erámone udojo ica.–

Éxodo 20:23

Ga jé ca apéso ayorérique oréraque jne iji óro, pláta ore, ga jé ca oyo yu iji uacoratique ayoré oré jne. Enga jé ca acatecãchoi uté jne ome uacajegaitígo cucha.

Éxodo 24:12

Udojo quigade ga Dupade catecãrápoi Moisés gaté rĩ ga chojningame: –Orupo yiyaridi cucarãte jne rĩ, ga arote yu iji ójo, ga a yisi ome yuru iyiejájnane ome ua jne uje jé yurusãracho iji cucarãte uejájnane udore. Yiroquéode a déji yurusarane udore jne, jé aja yaréngone cucha ore jeta acate barasade israélgoso ore ome yurusarane udore quigode jnese jne.–

Éxodo 24:18

Moisés choru cucarani uté ga chacája gue abuja utatájna iji darasade israélgose ore edominone enga chácariji uté ga guejnane dire chejna ayoré gáredie, jé aja dejade uje chejna ayoré gáredie to.

Éxodo 32:11

Moisés chimo uje ájningaránguipíse Dupade ga doi uté ga chaquĩ́ra iji ájningai ome darása casodé. Ga nejéru Dupade údode. Enga chojningame: –Jé gotíguipié, Yocangarádejná, uje que ajire cutejmárique bájninga ome barása casodé israélgose ore, uje gusu ua uje bajnimique udore ore iji Egípto ica ome cutejmai betotiguejna uje que cuchárique déji baróbuchaque quitique.

Éxodo 32:22

Ga Aarón chajnai desai Moisés uruode ga chósi tome: –Moisés á, yangaráni tu ua arĩa. Jé ca o júruru ome yu jne enga jé ca bo bájningárique údi ome yu jne. Uje baraja yocurasade udojo ore isocade uje jecucha ore gaidode u dasijnaringuéone gatuaque.

Éxodo 32:23

Ga ore chojningame yu diríca: 'Apésu yocudupárique jne uje a cho yoquiquique jne ome cuchade uje que yimóngopo besai Moisés casica rĩ uje ijnimique yóguiji Egípto ica. Mu a cucha dacatique sué gai iji cucarani uté ójo.'

Éxodo 32:7

Enga Dupade jĩraque chojningame Moisés iji cucarani ójo: –Moisés á, be jnumi iji cucarani udé ga abágui barása casodé israélgose uje bajnime ore iji Egípto ica. Uje e gajnaréngapo ore isocade rĩ.

Éxodo 33:3

Acayóji puniri uté jne uje cutepepiei ga cho yodode aja dajesúode iji uté. Enga aquirájnanie posode jnacaraque uerachóji jeta irisode jiépisi iji to. Mu a jé ca yijína uágaja jnumi uté yúode to jne. Cachi yijínarása uaque enga a jĩraque yejnárase uáguiji sañeque uje josipíerãque uaque gu. Ga a jé yedugáta yiroi gaté unirísõre ome uaque jne.–

Números 14:22

Enga que potigayagápo yurúrique rĩ, uje yĩrarare enga jecucha yuruode tocade. Jecute uje yãraque yojningai punire ueradéjna ome ore ga que potigayaquérique déji yuruode udore to, enga a ca ore chisípise yojningai tuté punire jne. Yojningane u israélgosode ore uje ore pañaji yipesútedatéode iji egíptogosode ore uniri ica uje yijnime ore iji egíptogosode ore jmainie ica, jé aja yipesútedatéode to uje yipésu iji de erãpetarei udé ajei. Ore chimo to mu ore dojnóngaja yipesudode udore ore jnese. Ore u uje ore pañapísiji yingoningájnai mu ore cho cucha bisidéguiji, enga ore pésu yujuredie gatuaque to iji erãpetarei udé ajei. Que ore áyipieraque dépisi yuruode úringáringo pipesucho to enga ore tagu yuruode aja gatuaque to.

Matéo 24:43

Adi tu ome guiguíjna gajnengónique. Ujetiga uté chirajárase ayoré oriechoquírique diringárique iji dejai, enga uté gosi a ca morase to iji dejai údode. Gaidi tu gu ujetiga chuninga oriechoqui enga ca uté toria ugúcharique.

Matéo 24:48

Mu ujetiga uté gosi iróquegatérique sijnaque enga a ca áyipie déji uraque darósõri diringárique yui, enga a chojninga iji dajei: "Yirósõri a ca di míraque jne jõ."

Héchos 17:29

Ujetiga jec ũré ujeta Dupade jogasu yoque enga ca yoco dupa iji ayoré gajnúrique uje ore ipesucho iji órodie, plátadie, cucaranenie ore. Uje jnanione cachi ore ipesucho ome dajéode.

Héchos 19:26

Ise ga e uacamóño jnani to uje i tu Páblo, jeoga e uacadúcho uté ujnomei. Uje uté chacate ayoréode aja dajesúode uje cucha bisidécho ayoré gajnúone uje pipesute ome jnanione. Enga chiese ca cuchárique tṍraji panguretigai ome udore uje yicatecãcoi ore. Uásejnapise ore uje ore changureta uté acajnaquéode. Que gusu iji yoquidai Éfeso udé mu jé u to iji yocuniri Ásia údode.

Héchos 7:40

Enga ore chojningame Aarón nanique: "Apésu ayoré gajnúringo ome yoque ujetiga yijnójo ore. Enga yoco dupa iji ore. Uje que yirajágo Moisés quitique uje ijnimique yóguiji Egípto ica."

Deuteronómio 31:8

Bangarádejnai Dupade upúsu jne jeta nóna ua aja quedéjnane to iji ore ujade ga chijñaque uágaja uacajesúode erámio. Enga a bajõrai upúsu uté jne. Ga a cucha gajnarétique chise ua, mu a uté u jne jeta chijnime ua iji jmainie. Chamáñaje Bangarádejnai uté a ca noñome ua iji te jmete. Jecute ca atodo cuchade yúode, enga ca arosóñime bojórique ayoré to."

Josué 7:13

Ga Yocangarádejnai chojningápome Josué rĩ: –Josué á, ayague ¡bu! ga ango yuruode aja barasade ore jnese. Ga angome ore jeta ore pésu dajmapié omenie ome yu iji dejai tudé jetiga dimane ore ome yu ga ore chingo raja yu jnese dirome. Uje israélgosode uacangureni Dupa u yu gu, ga uacangarádejnai upo yu rĩ. Enga yósi tome uaque: 'Israélgosode uaque á, yurugaite jericógosode ore ugúchade jnese, ga yiroque uágaja ujetiga aquetáyome ore ugúchade jnese diríca. Mu uacajnáño uacajegaitígo iji ore ugúchade ujade diríca. A quene yatire uacáringane pujnuéngaisóño ome uaque jne ujetiga óraño uacoriquéode ore ugúcha aja uacaquetatique pioque to. Mu a jé ate jne uje uacayóyome uacamajosórone jne uje jericógosode ore ugúchade qué déji uacajade gu.'

2 Pédro 3:4

Enga jnanione udore a ore chujñieta Jesucrísto diringai yúode enga a ore chojningame uaque: "¿Jé cho rique Crísto diringai yui a? Uje jé urúo nanique múñi ujetiga diapo iji jnumi tudé rĩ. Que cuchárique chécãre re iji erámi tudé gotique arĩ́e. Mu jé cho yocai cásodicáite ore ucuecaringuei cásodicáite. Jé cho to erámi taningápisi uje quene pipesute cuchade nanique."