Éxodo 3:7 - Dupade Uruode

⁷ Mu Pangarádejnai Dupade jé isoca uje que cha catecã́ri Moisés nanique ga chojningame: –Yipáñaji yurása cásodicáite uje ore cho caru iji egíptogosode jmainie ome cutejmanie dajosipiei. Yudúdapo ore agoyedie to rĩ uje ore irodisṍri casodica que ore chajire dejopóringome ore uje ore chajire ore yúode iji ore isagode cucha pisacho ica. Mu jé udore ore isoca aja deréjnane udojo to.

Éxodo 3:7 Iomraidhean Croise

Génesis 16:11

Baraja uje jeque ua; a bababi base jne enga diyoqui jne, enga ẽ́care Ismael aja jne. Chamáñaje Ismael urui qui tu gu uje Dupade tangaripísi ua iji báyuguhebátigade jmainie.

Génesis 18:21

Enga a yicabíji ore idáyode jne enga a yajirape jne ujetiga ũrepise ore ujnoméone.–

Génesis 21:17

Mu que gusu uaté uje chudute dabi agoyé, mu Dupade chudute to agoyé uaté. Mu Dupade irótique tṍraji gaté enga catecã́ri Agar aja jnumi yui enga chojninga: "Agar á, ¿jé bajnusiétigai gajnetique cucha ya? Aya atodo yui jeta babi toi. Uje Dupade chudute babi agoyé to iji charidi.

Génesis 29:32

Enga Léa abi e cuse enga diyoqui. Enga daté chĩ́care Rubén aja uje chojninga: "Pangarádejnai chosõripise yu diríca iji yáyuguhebátigade jmainie. Ise mu yabai a chijnóra yu jne uje yabi e cuse gu."

Génesis 31:12

Enga Dupade iroi uté catecã́ri yu ica enga chojningame yu: "Jé cajire to choquíode e ore tungarája chequedíe. Bamo uje ore uruchachade cuse jnese. Yimo gu Labán urupatáringane ome ua, jecute yipésu áyasadie ujetiga uruchacharẽ́ ore abidie, abode ore jnese ome ua.

Génesis 31:42

Ujetiga ca yátajasṍri turásu yáqui casica Abraham angureni Dupa, uje yai Isaac angureni u to, enga a yijírase diríca ga yedorase yijmainie aja yajesui. Uje que bacaniratiguei u uje basi ome yachidedie uruchacharenie ome yu, mu Dupade u uje pésu bachidedie uruchachade iji ajéode enga chisi ome yu gatuaque. Uje jecucha ga bécãre uruchacharenie ome yu gu, mu base ga uruchacharẽi enga bécãrapo báyipiedie quigode rĩ. Mu Dupade chiraja yu iji baroquéode jmainie uje jecucha ga yejnáreque yu ome badode udore, jecute uruode dosója ua iji dejai tuqué iji bamochádi tuqué.–

2 Samuel 22:28

Enga baqueta ayoré parágode uje que ore chicota re gotique. Mu barajapise ayoré dicotáreode ore iji yocujade, ga bajosi udore ore iji jnumi.

2 Reyes 13:4

Mu chise diri nanique uje israélgosode ore eduguéjnai Joacaz chijócha Pangarádejnai uté ajei údi jeta chosõre ore, enga Pangarádejnai chajnai Joacaz icatecãraitigade. Uje Pangarádejnai chidójnanga gu uje israélgosode ore chejnárenguipı́se re iji sı́riagosode eduguéjnai josipiedie jmainie nanique.

2 Reyes 20:5

–Isaı́as, ajniapója yurasade ore eduguéjnai Ezequı́as gai rı̃, ga ajnerame yuruode udojo ome uté, uje chósi te: "Ezequı́as, Pangarádejnai uyu, báqui casicaite David angureni Dupa uté. Enga e yudute bacatecãraitigade udore ome yu uje bajócha yajei údi que, enga yimópo beducadode udore rı̃. Ga cajire to, uje a yiqueta ua jne. Ga a chise dire gadióguei iji yoquiquei dirome ga a oru cucarãte oroné uaté aja yiguı́jna cuchábi yui jne.

Nehemías 9:9

Dupade á, bamo uje bajire yocayode iji egíptogosode ore josipiedie jmainie nanique. Uje bamo nanique uje ore popise dejode iji Yote Quedéjnai Caraté edúdi ga badute ore agoyedie iji uté.

Sálmos 106:44

Mu Dupade chajmita ore áyuguhebátiga gajnéone cucha quigode udore, uje chudute ore agoyedie iji dejode.

Sálmos 12:6

Pangarádejnai uté ojningane cucha u uje ueque ome paringaquérique, ga eteque iyonguerãi. Uje uruode udore gajnui tu pláta guebetique uje déji ejo piquetáraque, ga ore chibore ga gare iji ti, jé aja ujetiga iguirode jnese tocade iji uté, ga pláta uegue uaté iji quigade.

Sálmos 142:3

Uje cuchade chácariji yáyipie údode uje nája jnumi ome úringa áyuguhebaté, mu baraja udore iji yiripie quigode. Udore ore chacose dajuya iji yúguhi iji yiquei.

Sálmos 145:19

Uté chisíome udore ore ajegaidode ome ore uje ore dosóñime uté, ga tangárapoi ore agoyedie rĩ, ga jé u uje chiqueta ore.

Sálmos 22:24

U gu uje uté érãtique chujna dequejnaréngone ipatigayai uté áyuguhebátiga gajnéone cucha udore, jé aja uje que chetaque uté. Ga que pógu denochai ome uté to. Uje chudute uté agoyedie, ga jé u uje tangári uté gosi.

Sálmos 34:4

Yucué Pangarádejnai uté ome yu, enga uté chajnai yu ga chirame yu iji yitódode cucha jnese jmainie.

Sálmos 34:6

Jnani jmatai udé uje chácari te ¡paque! ga tibidi Pangarádejnai, enga uté chudute uté pijnane; ga chiqueta uté ome dajnéone cucha dacate gajnarécho udore jnese.

Sálmos 35:22

Urénga, Pangarádejná, bamo udore ore ipesudode cucha ga jé ca o paraque ome udore ore. Ga jé ca apésu jeta idája ua iji yu, Pangarádejná.

Sálmos 9:14

Ga jé u ujetiga yatata bacotaqué gajnéone cucha jnese jne, jé iji Jerusalén piagode ejode; ga yininaquei gajnengóri tupúsu ua jne uje baqueta yu.

Éxodo 1:11

Jé u uje eduguéjnai, jorane eduguéjna ore, ore pésu dáyipiedie ome ñane ujetiga ore chõre daroquéode eruéode ome Israel ujnacare disi ejode ore. Ga eduguéjna cuchábi uje ore chĩ́care Faraón aja uté nanique, uté catecã́ri dojode eduguéjna nanique ga chojningame ore: "Ueradi tu ome yu jeta Israel ujnacare disi ejode ore pésu guidai gáreode jne. Ga ore chiro jonáquepié cucháberigui iji udore jne ome yocacade cucha yúode. Ga a yĩ́caco Pitón aja guidáyode udore uñai, jé basa ga a yĩ́caco Ramsés aja uñai jne." Ga jé u uje ore chirógapo darasapísode aja Israel ujnacare disi ejode ore ujade nanique rĩ jeta ore timíninga ore aja quedéjnane iji ore isagode cucha pisacho udore. Ga jé u uje ore chimate Faraón, ore áyipiedie udire quigode ga ore pésu guidai gáreode udore, jé aja jonáquepié cuchábedie rĩ.

Éxodo 1:8

Egíptogosode ore eduguéjna bajai chirajapise José nanique ga chijnóra José urasade ore to uje que suseque ore urásai José gu. Mu uje siquerérigui e orocóji José úringai toque quigade nanique ga egíptogosode ore eduguéjna ichárique cuse to uje a jé ca áyipieraque dépoji José casica gotique rĩ, ga jé u uje áyipie déji petétigai ome urasade ore.

Éxodo 22:23

Ujeta oyo uacajosipié ome disijádode, abai toguedie ore jne enga a ore pota jeta yáta yu aja udore ore jne, enga a uyu u jne jeta yĩrarare ore gai. Ga a yejna yu aja guesi ome yájningajnárique jne ome uaque. Ga a yoidi u yiquesé cuchátique ome uaque gosode jne. Ga a uaque gosi acoté, abode a ore nóña ga disijate ore to jne, ga abai togué bacoté casé to.

Éxodo 33:13

Ujeta jé ũré baruode udojo ome yu ga ango bajegaitígaja yu ga yiraja ua gaté. Ujeta atata báyipie quitígo ome yu jne ga a jé u jne ujeta yiraja bajnoraquei ome yu, ga jé upo to rĩ jeta yujnusi yu ome báringai pangurete gaté. Baraja uje que purása ayoréode udojo gotique ome yu, mu ua u uje barásapise israélgosode ore.–

Éxodo 5:10

Ga ore ajirisórone capatai udire, jé aja ore iróquegatéode ore jnome dajesúode ga ore chingo Faraón uruode aja Israel ujnacare disi ejode ore. Ga ore chojningame ore: –Faraón uruode u udojo ome uaque que jeta jé uacagaite jnacarai ome uaque jne jeta amechóji dachabei údode ome uacoradie adóbei, jeta ca yicopome uaque to jne rĩ. Beyoi datã jeta eso ga ajnóchoja erui ejoi uaquetígo jnacaracho. Uje uacabeyoi jnacarai ga que ojningai u gotique jeta uacorárigui déji uacorabedie yui gotique.–

Éxodo 5:6

Diri tuté jé upo to rĩ uje Faraón tibidi ore ajirisórone capata ore, jé aja capatadie iróquegatéode uje Israel ujnacare disi ejo ore to jeta jé ore chiroque dojode israélgose.

Números 20:16

Mu yibógo yoquejode ica, enga yicatecãcoi Yocangarádejnai Dupade ome yoque nanique. Enga Yocangarádejnai uté chudute yocuyacade udore, enga chiroque datocaidi gaté unirísõre aja yoque to, enga chijnime yóguiji egíptogosode ore jmainie enga jno yocúdi aja udé. Enga bamo yóguiji de uje yugúcoji ore idai Cádes ga yugúcoji baniri eruébi to.

Héchos 7:34

Dupade chojningápome rĩ: "Yimo uje yurasade israélgose ore chejnarenguipise raque iji egíptogosode ore ujade. Enga yudute ore ujnacade rĩ. E yiji jnumi gu ujetiga yiroque ua aja ore ujetiga ajnime ore iji egíptogosode ore gari. Jecute be yuruode enga acáji Egípto."

Hebréos 4:15

Enga Yocangarádejnai uté que dojnóngaja yoque uje que urénga yoquetotiguérique cuse iji yocujuredie jmainie. Chamáñaje ayoré uté to nanique gu uje déji erámone unojo nanique. Enga chiraja cuchade jnese uje chetingare ayoréode uyoque, mu que pésu pisijnaringuérique to go nanique.

1 Samuel 9:16

"A yiroque benjamíngosode uñai aja bei dirome iji guedé batigai jeta jé chopise udé dirome. Ga be uté enga ojne aseque puyai aja uté gosi ójo dirome ga úringai eduguéjna cuchape jogadi u jne ome yurasade israélgose ore jnese. Enga a uté u jne ujetiga chijnime darasade iji filistéogosode ore josipiedie jmainie jne. Yudute yurasade israélgose ore agoyedie uje ore poji dejode enga yosõripísi jóroque ore uje ore chetágui jóroque dajnenie filistéogosode josipiei ome raque gu."