Éxodo 3:4 - Dupade Uruode

⁴ Uje Pangarádejnai Dupade chimo uje Moisés chose uaté yui ga Dupade catecã́ri Moisés iji porabia uaté ajei. Chĩ́care Moisés i ga chojninga: –¡Moisés á! ¡Moisés á!– Ga Moisés que chiraja dacatecãraisṍri gosi mu chojninga: –¡Moisés uyu arĩa iji barosadi tudé!–

Éxodo 3:4 Iomraidhean Croise

Génesis 22:1

Iji cuchade udojo quigade enga Dupade chojninga: "A yetingarape Abraham anguretigai úringai ũré ome yu jne." Enga jé u nanique uje catecã́ri Abraham enga chojninga: –¡Abraham á!– Enga Abraham chajnai uruode enga chojninga: –¡Yugúsiji de é!–

Génesis 28:16

Enga Jacob tṍra re ome darigode enga chojningame re: "Ũré enga Pangarádejnai dépisiji yari iji de, ga quene yirajapise."

Génesis 46:2

Enga e ore mo enga Israel uté urigode chiqueta raja. Enga Dupade tibidi enga chĩ́care i bajai aja enga chojninga: "¡Jacob á!" Enga Jacob chajnai ga chojninga: –Yugúsi de é.–

Sálmos 62:11

Cucha chojmarai uje Dupade chĩ́care, enga ga gare uje yudute uté: enga u uje pujopié cuchabé gajnesṍri tu Dupade.

Éxodo 19:3

Enga Moisés choru cucarani Sinaí uté nanique ujetiga catecã́ri Dupade iji ójo. Mu Dupade tibidi Moisés iji uté ga chojningame: –A yisi ome yuruode ome ua jne jeta angome uacáqui jnani bajai Jacob ájnape disi ejode udore ore. Yojningane u uacarasade israélgoso ore.

Éxodo 3:2

Uje Moisés chise cucarani tuté nanique ga Dupade irótique gaté unirísõre tuangóa iji te ga pioque ocaraidie déji Dupade utocaidi uté dosadode iji porabia dosadábode jnese. Moisés chajire porabia suaté uje désiji pioque ocaraidie ajei mu jé adape tiji cutejmanie udire pioque ocaráchi ajei.

Éxodo 33:12

Moisés catecã́ri Dupade ga chojninga: –Yocangarádejná, cachi batṍri yu que arĩa jeta yijína yurása dipeséode udore ore aja bojningai puniri yúode, mu que bango yátajasónique yujo ayoré aja yu. Uje jecucha bojningame yu: 'Yirasique badode, ga yedugádi upúsu ua ome cuchade yúode.'

Éxodo 4:5

Dupade chojningame Moisés: –Yigaidi tu gu ujeta jé ajna yisocai to ome Israel ujnacare disi ejode ore dayode dirome jeta agúsiji ore iquei uje uacáquiode Abraham, Isaac, Jacob ore angaráni casé Dupa jé upúsu yu uje yiqueta yu aja ua. Ga a ca potigayaque ua jne ome ore jeta ese ore.–

Héchos 10:13

Enga Pédro chudute darade uje tṍraji gaté uje chojninga: –Pédro á, ayague. Ajé cuchisode udore uñeque enga agu.–

Héchos 10:3

Dire uñai uje guedé cho jñuque ga Cornélio chimo denominone. Dupade utocaidi gateminore chacája gari enga chiqueta raja. Enga Dupade utocaidi uté tibidi enga chojninga: –Cornélio á.–

Héchos 9:4

Enga Sáulo cṍraja jnumi enga chudute darade uje chojningame: –Sáulo á, Sáulo á. ¿Jé gotique gu a uje bo bamajo yu?–

1 Samuel 3:10

Ga jé u uje Dupade tibidápoi rĩ ga chojninga: –¡Samuel á! ¡Samuel á!– Samuel chojninga: –Acatecã́ri yu ga baroi uyu a yangári baru quitígo.–

1 Samuel 3:4

Uje Samuel qué mo mu chudute pibijnane ga chĩ́care Samuel i, uje chojninga: –¡Samuél!– Samuel chojninga: –Yugúsi de é.–

1 Samuel 3:6

Ga Dupade tibidápoi Samuel gaté rĩ ga jé isoca uje chojninga: –¡Samuel á!– Ga Samuel jé ate uje tibágui Elí ga chojninga: –Yugúsi de arĩa. ¿Gotique babijnane ome yu?– Mu Elí jé ate uje chojninga: –Yababi á, que yibidi ua arĩa. Bo ga ajni ga amo to.–

1 Samuel 3:8

Dupade e tibidápoi Samuel gaté rĩ ga e gadioque uje catecã́ri. Mu jé ate uje tibágui Elí ga chojninga: –Yugúsi de. ¿Babijnane gotígo ome yu a?– Elí chiraja uje Dupade a u ujeta catecã́ri jnacare gatoi Samuel uté.