Éxodo 3:21 - Dupade Uruode

²¹ Ga a yujuégapome egíptogosode ore jne rĩ jeta quene ore tẽrája uáguiji dajade, jé aja jeta ore tangári uaque to rĩ. Ujeta boyóji ore uniri Egípto uté jne enga a ca edóyo uacajmanéragaja uacajesúrique jne.

Éxodo 3:21 Iomraidhean Croise

Génesis 15:14

Mu a chise diri jne ujetiga yo yujuñame bape disi ejode udore ore umajosórone udore. A yijnime bape disi ejode iji udore ore jmainie jne enga a ca pisagápo udore ore jne rĩ. Enga a ore jnoji puniri tuté enga a ataguipise ore jne aja dajesúrique.

Génesis 39:21

Mu Pangarádejnai Dupade que noñome José iji te gotique to, mu déji gari iji ore jurúgayode jogadi uté. Enga Dupade pésu ga ore jurúgaisṍri iróquegatéi uté irasique José adode.

1 Reyes 8:50

Ãro barasade ore ipesute gajnaréngone jnese ome ua, jé aja uje ore tagu baruode aja ica. Enga be ga ajocase ore isasórone áyipiedie ujetiga ore chosõre ore iji dajade.

Nehemías 1:11

Uje yicatecã́ri ua, Pangarádejná, Dupade á, mu que yigaidi tu jeta picotaque barasade israélgosode uyoque, mu yigaidi tu jetiga picotaque ua ome erámi unirisórone ore iji erámi údode jnese. Jecute be ga angári yicatecãraitigade unojo ome yurasade israélgose uyoque. Uje yipotapísa jeta yirógopo yoquidáidatéi Jerusalén ujuyaquéode aja gaté jne rĩ. Jecute uje yiji eduguéjna cuchábi iroquéode, mu be ga angurase áyipie jne jeta tangári yuruode jne." Iji dirode udore nanique ga yajnepídi tu ujetiga jecucha yaningára eduguéjna cuchábi uté jódode cucha aja uté gatuaque.

Sálmos 105:37

Pangarádejnai chijnime israélgosode udore ore iji Egípto ga ore ujuya pláta, óro ore aja ore úringane do. Israélgosode uáguedie udire uñáraque que cho sebec, sebeque aja jnumi ome dáringane do aja dajesui uté.

Sálmos 106:46

Ga Dupade uté pésu ga udore ore isasórone jnese chiraja posongaquei ome ore to.

Éxodo 11:2

Dupade chojningame Moisés: –Angome bojode Israel ujnacare disi ejo ore jnese, chequedíe aja jnanione ore jnese, ga ore chutai egíptogosode ga ore chojningame ore jne: 'A yicoji uacari jne, ga asíñome yocajnéone uacagúcha ome yoque uje pipesucho udore iji órodie, plátadie ore.'–

Éxodo 11:3

Dupade pésu ga egíptogosode que ore derógome Israel ujnacare disi ejode udore gotique. Jé chopo Faraón iroguipísode ore to rĩ uje ore chojningame Moisés: 'Urénga Moisés uté gotique ujopíeranguipíse.' Ga Moisés ujnomei chapuse ore uniri Egípto údode aja.

Éxodo 12:35

Uje ore jno ga ore doi Moisés uru casodica ome ore ga ore chutai dejominórone egíptogose ome ore ugúchade jeta ore chisi ome ore aja ore ajesui. Ga ore chutai óro, pláta, jé aja ore iboradie jeta déji ore.

Éxodo 12:36

Pangarádejnai pésu egíptogosode ore icaniratiguei ga Israel ujnacare disi ejode ore chutai ore ome cuchade ga jĩraque ore chisi ome ore utaidode jnese ome ore. Ga cho jeta Israel ujnacare disi ejode ore chajnose egíptogosode ome cuchade enga ore chejnapise dagúchade aja ore.

Provérbios 16:7

Uje Pangarádejnai que chise danguresónique unerotiguérique enga doi enga chĩro uté gosi guetesórone etétigade ome uté enga ore cha dajei dotáningane ome uté gosi to.

Héchos 7:10

Enga Dupade chijnime José iji cucha dacate gajnaréngone jmainie jnese uje chise José. Enga chisi ome payuquetotiguei ome. Jecute egíptogosode ore eduguéjna cuchábi Faraón irasique. Enga pésu José enga eduguéjna cuchape to iji ore uniri Egípto. Jecute José chiroque egíptogosode, enga chiroque Faraón iguíjnai jogosórone to rĩ.