Éxodo 3:16 - Dupade Uruode

¹⁶ Bo jne enga acáji Egípto jne. Amáta barasade Israel ujnié disi ejode ore daníngo iji ore ujade enga acatecã́ri ore enga ojningame ore jne: 'Uacáqui cásodicáite Abraham, Isaac, Jacob ore angureni casicaite Dupa Eyúgojmai chague yibai diríca ga chingome yu uje áyipie dépisiji uáguiji egíptogosode ore ujade uje pañaji ore josipiedie ome uaque gu.'

Éxodo 3:16 Iomraidhean Croise

Génesis 1:7

Enga cho jetiga Dupade suru yodi yui iji gaté uje cãra ore jogadode ome ñane nanique. Mu yodode uñane dóji gaté, jé basa ga yodode uñane dóji jnumi. Chamáñaje Dupade suru yui gu.

Génesis 21:1

Enga e chise diri nanique enga Pangarádejnai Dupade chisi ome daru iyiejájnane ome Sára jetiga atique cuse jne. Enga do gojni enga e doi ga chimate daruode aja guesi.

Génesis 28:13

Enga chimópo Pangarádejnai Dupade to uje cháguena ejoi. Enga chudúdapo uruode to rĩ uje catecã́ri. Enga chojninga: "Pangarádejnai uyu, báqui casicaite Abraham angureni Dupa. Jé chopo bayé Isaac rĩ. Angureni upo yu to rĩ. A baniri udé jne uje bamóji pei, enga a yisi ome ua jne, enga a bape disi ejórigo ore gajnengápo jne rĩ iji baquigáningo.

Génesis 48:15

Mu José dayé chisa dájnamone ore gatoidie ga chajo aja jnumone, mu José jé gajnenguipise dayé uru iyiejájnane. Enga narare enga chósi tome daruode ome: "Yipésupú ga Dupade chatapísaja babode udore jne jõ. Yojningai tu yáquide Abraham, jé aja yai Isaac ore angureni Dupa uté uje ore dopísi ojningane cucha jnese nanique. Enga yojningai tuté Dupa u to uje chañurupúsu yio nanique uje yibasíji ité nanique, jé aja dirode udojo to rĩ. Enga yiraja uje gaté unirísõri uté uje chiqueta raja yu nanique icaite enga jé Dupade upúsu to nanique. Enga jé uté upo rĩ uje chãraque yu ome yajnéone cucha dacacho jnese iji erámi tudé. Enga yangurenone u babode udore ore ujetiga ca ore chicadígui yoquíode jne enga yoquíode a pijogúsorone a u ore jne enga a yocape disi ejo gatéode ore jnusina yoquíode to jne ome udore ore. Yojningai tu yi, jé aja yai Isaac i, jé aja yáquide Abraham i to. Enga yipésupú ga babode udore ore ape disi ejode ape disi ejórigo ore quérã iji erámi jne enga jiépisi ore jne jõ."

Génesis 50:24

Uje cáma José toi, mu e chapu re nanique enga jé u uje tibidi dayade ore ujetiga catecã́ri ore. Enga ore tibágui desai pijnane, enga jé u uje José catecã́ri ore enga chojningame ore: "E garósi jeta yitoi mu, a Dupade chátaja uaque jne iji yiquigáningo. A chise diri jne ujetiga Dupade chijnimápo uáguiji puniri Egípto udé to rĩ enga chichapo uágaja yocayode jnani bajácho ore gajnei casicaite jnupe rĩ uje Dupade chichagája ore yui nanique jeta ore gajneque nanique. Yojningane jnani bajácho udore u Abraham, Isaac, jé aja yocai casica Jacob ore jnese."

Sálmos 102:21

U gu jetiga pute Pangarádejnai uté i iji Sión uaté; ga ore chatata Pangarádejnai uté icotaqué gajnéone cucha iji Jerusalén uaté údode jnese.

Sálmos 33:18

Mu Pangarádejnai edodie chuse udore ore guio uje ore dosóñime uté, ga udore ore u uje ore changureta uté osongaquédatéi yui ome re.

Sálmos 8:4

ga yojninga iji yajei: –¿Ga cuchárique u jnani uté? uje báyipie jogate uté. Uje ayorei ape gosi, mu ¿cuchárique u gu a uje bajmita uté?–

Éxodo 1:8

Egíptogosode ore eduguéjna bajai chirajapise José nanique ga chijnóra José urasade ore to uje que suseque ore urásai José gu. Mu uje siquerérigui e orocóji José úringai toque quigade nanique ga egíptogosode ore eduguéjna ichárique cuse to uje a jé ca áyipieraque dépoji José casica gotique rĩ, ga jé u uje áyipie déji petétigai ome urasade ore.

Éxodo 13:19

Israel ájnape disi ejode ore jnoji Egípto nanique ga Moisés chijnoque dáqui cásodicáite uñai José ajnoquéode aja dajesui uté to, uje José jé urúo ome israélgosode ore nanique gu uje chojninga: "Jeta yitoji puniri tudé jne marínga, ajuso yajnoquetígo guio jne. Jé ũrepise yu gu uje a chise diri jne ujetiga Pangarádejnai Dupade chijnime uáguiji egíptogosode ore jmainie, ga a ajnócho yajnoquéode aja uacajesúode jne ujetiga boyo iji de."

Éxodo 15:14

Ujeta punirone iji erámone ore chudute yocujnoméone jne ga ore agutedie cho túcu, túguiji cutejmane yocujnomé jmainie jne, ga ore tãrara iji udore uje ore chiraja gu uje bagúsiji yocari gatuaque. Ga a cuchiyíode upúsu filistéogosode ore jne, uje a ore chipatigase raja quedéjnane jne ome dasadodéringane.

Éxodo 17:5

Ga Dupade chojningame Moisés: –Ajína Israel ájnape disi ejode ore dáquiode uñéngo jne ga beyoi uacarasade udore ore iquei jne enga ayáguenaño jne ga ajna bogué jne uje bajé tié ome ica uje tié uaté i tu Nílo nanique. Ga aroque ore aja baquigade jne ga acayóji pajmini uje cucarãte uté uje ore chojningame uté Horeb, ga a quene amóño yẽratique cucha ome uaque jne.

Éxodo 18:12

Jétro uté doi aquirájna abi ga tẽrame Dupade, ga chibore iji daseradéjnai gai ome Dupade. Enga tẽrája Dupade ome cuchiso uñéngo to. Ga Aarón, Israel ájnape disi ejo ore dayode ore di jnese jeta ore chacásãra Moisés, iyoquíjnai ore iji ore posode udore gai uje ore chachietáji Dupade ome átedatéode udore gu.

Éxodo 2:25

Enga Dupade pañaji udore ore gajnenie pijosipiei ga chojninga: "Jé ũrepise Abraham ore ujnié disi ejode udore ore uruode ome dajnenie pijosipiei ome egı́ptogosode ore."

Éxodo 24:11

Dupa pirosobádi u uté, mu que cuchárique chósi ti iji dabidigode jnanío ore iji dei. Ga ore pañaji uté ueratígajnai. Ga udore ore tagu dabosode iji uté ejoi ga ore chóji yodi iji uté ejoi to rĩ uje que cuchárique chósi tiji ore.

Éxodo 3:2

Uje Moisés chise cucarani tuté nanique ga Dupade irótique gaté unirísõre tuangóa iji te ga pioque ocaraidie déji Dupade utocaidi uté dosadode iji porabia dosadábode jnese. Moisés chajire porabia suaté uje désiji pioque ocaraidie ajei mu jé adape tiji cutejmanie udire pioque ocaráchi ajei.

Éxodo 3:6

Ga Dupade jé chajnera daruode údi ome Moisés ga chojningame: –Uacayode, Abraham, Isaac, Jacob ore angureni casica Dupa jé uyu uje badute yuruode iji de.– Ga jé u uje Moisés chaco dedodie gai uje que pota jeta chajire Dupade gu uje todo.

Éxodo 4:1

Mu uje Dupade chejna daruode udore guesi ome Moisés ga Moisés chojninga: –Ise mu jé ca Israel ujnacare disi ejode ore dayode tangárirási yu jõ. A ca ore chimesẽ́raporáse yu rĩ. Mu a ore chotigásirase yu ga ore chojningárasa: 'A ca Pangarádejnai Dupade chiqueta raja ua gotique.'–

Éxodo 4:29

Uje ore diji Egípto ga Moisés, Aarón ore tibidi dojode israélgose ore daníngo ga ore taquiri ñane nanique.

Éxodo 4:31

Ga jé u uje israélgosode ore dayode que ore chotigase gotique uje Dupade utocaidipíso Moisés, Aarón ore ome ore. Ga jĩraque ore áyipiedie déji to uje Dupade jé ca áyipieraque jnoji ore gotique iji ore gajnenie pijosipiei jmainie enga pañapóji ore to ome dedodie rĩ uje ore jnaríji jnumone ica ome dajnéone ore iroquéo jmainie. Ga quene ore áyipie déji uje ore dáqui cásodicáite ore urása casicaite Dupa que chiramurase ore iji dajénique. Ga jogadi jé u uje ore chichaga dagataidie aja jnumi ga jé u uje ore catecã́ri uté ga ore chicota uté to ome ate ueradode ome raque.

Éxodo 4:5

Dupade chojningame Moisés: –Yigaidi tu gu ujeta jé ajna yisocai to ome Israel ujnacare disi ejode ore dayode dirome jeta agúsiji ore iquei uje uacáquiode Abraham, Isaac, Jacob ore angaráni casé Dupa jé upúsu yu uje yiqueta yu aja ua. Ga a ca potigayaque ua jne ome ore jeta ese ore.–

Matéo 26:3

Enga jé upo rĩ uje Jesús qué déji daruode udore gai ome dacadigode, mu judíode angaránone ore chamáta ñane iji ore eduguéjna cuchábi Caifás igóchocoijná. Enga Moisés urusarane atatasórone ore déji to, jé aja ore asutépisedie. Jé aja judíode ore angarate uñane.

Lúcas 1:68

Picotaque opejã israélgosode Yocangarádejnai Dupade. Uje di iji yoque ujetiga chiqueta yoque. Uje gajneque yoque iji yocuniri.

Lúcas 19:44

Ga a uacagachodi u jne ujeta ore chejna uágaja jnutique. Ujeta ore chejna uacarasade ore jnese ga a ore chajnangarase uacaguíjnane aja tijode to jne, uacajuyaquéode jnupe rĩ. Ga a ca pimópo cucaranéringui jogatique jne rĩ ujetiga chuguéja ñane gánique. A Dupade ujuyaquéode upúsu cucha gajnaréngone udore uje chajo raja uaque jne gu. Uje que ajuécho Dupade ome uaquedai ujetiga chacája to.

Héchos 11:30

Enga jé u uje ore chamáta deranone aja ñane ga ore chisi ome Sáulo, Bernabé ore ujetiga ore jno údi aja Jesús anguretasórone angaránone iji Judéa, ujetiga ore chajuguína dojode Jesús anguretasóño.

Héchos 15:14

Simón Pédro chingome yoque ica Dupade isocai uje quene chingo dajnoraquei ome purása quedéjnane to enga chamáta danguretasórone iji ore ujade ujetiga cho darása iji ore to.

Héchos 20:17

Mu uje yugúcoji Miléto enga Páblo tibidi Jesús anguretasórone angaránone anciáno iji Éfeso ujetiga ore tibágabíji uté.

1 Pédro 2:12

Beyoi ga añuchopúsu uacadode guio iji uacojode ayoréo ore ujade. Uacamóño uje cáma ore changureta Dupade to. Ujetiga ore chaguhéta cucha gajnarétique uacabáyode, enga ore uruode gajnarécho ome uaque, mu jé boyo uacate arégode údi. Enga a ore chimo uacate arégode enga jogadi tu ujetiga ore chicota Dupade to ujetiga diga Dupade di enga chajire ore adode aja quigode.

1 Pédro 5:1

E yuruode gajnengórone u Dupade anguresórone angaránone anciáno iji uaquedáyode. Enga a yo ore quique jne. Uje Dupade anguresórone ore angarate anciáno yu to enga yimópise Crísto to ome yedodie uje chejnáreque re nanique. Enga ujetiga Jesucrísto diapo jne rĩ ome dáringai cuchape enga a jé Dupade anguresórone angaránone uyoque yocajneque uté ingoningájnai to.

Rut 1:6

Mu chise diri nanique uje Noemia qué déji moábgosode ore uniri ga chudute to uje e íjnoque chaguhéode iji ore uniri casica. Uje israélgosode ore angureni Dupa e chisi ome guéode ome ore to iji ore uniri uté.