Éxodo 3:12 - Dupade Uruode

¹² Dupade chojninga: –Moisés á, a yijína ua aja quedéjnane jne arĩa. A amo jne uje jé ũrepise yu ome yuru quigode uje a chise dínique jne jeta amáta Israel ujnié disi ejode ore aja cucarani tudé. Ga a acatecãchoi yu iji udé jnese jne rĩ, jeta e ajnime Israel ujnié disi ejo cásodicáite ore iji Faraón urasade ore ujade.–

Éxodo 3:12 Iomraidhean Croise

Génesis 15:1

Cucha dacadode udore quigade nanique enga Pangarádejnai Dupade chiqueta raja Abram nanique iji denominone enga catecã́ri, ga chojninga: –Jé ca atodo yu, Abram. Barotangóri tu yu. A yo boré iji cucha datérique jne.–

Génesis 15:8

Ga Abram chajnai Dupade uruode ga chojninga: –Yangarádejna, Dupade á, ¿yo ringome ujetiga yirajapise baruode udore úringane ũrepísome yu ujetiga yajneque puniri udé jnese jne?–

Génesis 26:3

Mu jé ácariji de jne ore uniri udé. Enga a jecucha yijína ua jne aja bajesúode erámio enga a yáta cuchade aja ua jne gatuaque. Bamo uje e yingo yuruode aja bai nanique, enga jé yuruode u to ome ua jeta bajnecho punirone udojo jnese iji Canaán údode jnese. A jé cho bape disi ejórigo, a ore gajnengápo to jne rĩ. Bai Abraham gajneque yuru iyiejájnane nanique enga que toc jeta ca tocade jne.

Génesis 31:3

Enga jé u nanique uje Pangarádejnai Dupade catecãrápoi Jacob nanique rĩ enga chojninga: –Ajniápo aja baniri rĩ enga ajniapója bayé, ore iji ore uniri te rĩ. Enga a yijína ua jne aja bajesúode.–

2 Reyes 19:29

Ga quigade ga proféta Isaı́as ajnerámeone Pangarádejnai urúo chósi tome Ezequı́as nanique: –Ezequı́as, yuru uréone udojo pijogúsõri u udojo ome ua: Jé iji siqueré udaque enga a ca acáyo uacacatı́go cucha jne mu uacabotı́go cucha a u cucha ujnı́erãtigo árigo jne. Enga jé isocai upome siqueré ejo rı̃, ga uacabotı́go a upo cucha ujnı́erãtigo árigo jne rı̃. Mu siqueré ejogaté uje e chise siqueré gadióguei jne enga quene acáyo cucha ajñúringui iji siqueré uaté, jé aja úvadie jogadode rı̃. Ga a quene siqueré omé jogadi tu jne, ga a aráño uacacatı́go cucha jne, jé aja uacacárigui úvai to rı̃, ga a acho udire adie iji siqueré gadióguei uaté jne.

Sálmos 86:17

Be ga asíome bapararinguei uté pijogúsonique cucha ome yu, jeta yumajosórone udore ore pañaji uté, ga jé u jeta ore chinguíra dipoi aja re. Chamáñaje ua u, Pangarádejná, uje bátaja yu ga bapésu jeta yujnusi yu ome cuchade.

Éxodo 18:5

Uje Moisés jnoji erã́petarégode udore ga chicáji garáijnane ajã́ro yoríco uje ore chojningame uaté Dupade Gajné Ajã́ro Uaté. Ga Moisés iyoquíjnai Jétro diji ore iji ore irengúi iji uté, ga nóna Moisés acoté, abode aja ore iji uté.

Éxodo 3:1

Moisés iyoquíjnai Reuel i uñai u Jétro nanique, ga sacerdote Jétro uté, enga catecã́ri Dupade ome darasade ore iji ore uniri Madián nanique. Ga Jétro uté chiroque dãsarai Moisés aja dachidedie áyasai jeta chirote. Ga chise diri uje Moisés jno dayoquíjnai gachidedie áyasai údi aja garáijnai uéchamitó uje cucarãte cuchábi déji uté ga i tu Horeb ome ore nanique. Ga ore chojningame cucarani uté "Dupade jogadi u udé."

Éxodo 3:13

Mu Moisés chojninga: –Gajnaréngome yu gu jeta yĩríji Israel ujnié disi ejode ore ga a yojningárasome ore: 'Uacáquiode ore angureni casicaite Dupa iroque yu aja uaque jeta yijna uáguiji egíptogosode ujade.' Ga a ore chojningárasome yu: '¿Ama yocáquiode ore angureni írique nanique a uje chiese utocaite ua ome yóguiji udojo?' ¿Ama yorási ringome ore gajneri a?–

Éxodo 33:14

Enga Dupade chojningame Moisés: –A uyu u bajõrai jne, ga a yáta basagode aja ua jne ga a qué o bajñare gatuaque jne.–

Éxodo 4:12

Dupade chojningame Moisés: –Moisés á, a yijína uája quedéjnane jne. Jecute bo ga acáji Egípto jne enga ca abója ua ome darai uje a uyu u jne jeta yipesute baru quitígo jeta acate Israel ujnacare disi ejode ore iji Egípto.–

Éxodo 4:15

Acatecã́ri bayai uté ga ango bojña quigode aja uté jnese jne jeta uté chajnerame bojña quigode ome barasade ore jne. Enga a jé uyu upo to jne rĩ jeta yugúsiji bari iji te, jé upo iji bayai gari to. A yo baquique aja bajesúrigo iji ore idai údode jne jeta acate ore.–

Éxodo 8:27

A yico jne enga a yicagóji Dupade ojningai uté garáijna jne uje uru quigode jé u ome yoque gu. Ga a yoquimochátigo gadióguiji uté yui jne jeta yico to uje idája gu. Ga a quene jogadi jeta yẽcója Dupade iji ome yocachidedie aquirájna uñanie iji to.–

Isaías 7:14

Ga Pangarádejnai Dupade upúsu jne ujetiga chetingare re ome uaque ga a apáñañoji uté ome úringai ũré jne: "Uje a gapu paréraque icáraque déji ajei bisideque jne. Enga a ica base jne enga diyoqui jne abi. A ore chĩ́care Emanuel aja uté jne. Enga i qui tu uje Dupade déji erámi unirisórone ore ujade to ome dáringai ayorépise."

Números 16:28

Ga Moisés catecã́ri darasade ore enga chojninga: –A yetingarape yúringai Dupade iroque to ome uaque to. Enga a quene arajáyo uje que yipesudode u cuchade ome uaque to, mu Yocangarádejnai Dupade angureni tu yu ome dapesudode cucha iji uacajade.

Números 23:21

Israélgosode ore gãrapi u yedójnari jnani bajai Jacob nanique, ga que ayorérique déji jetiga chise ore iyoguérique to. Ore angarádejnai Dupade déji ore gari ga uté nóna ore aja quedéjnane to. Erámi unirisórone uñane ore cho deduguéjnane iji dojode erámi unirísoño, jé basa ga israélgosode ore cho deduguéjna cuchábi iji dangarádejnai Dupade uté.

Matéo 28:20

Acacho ore ome cuchade jnese jne uje e yacadique uágome enga ore doi to jne ome dáringane yirócho. Enga a arajáyo jne uje a yugúsiji uacari jne iji dirode jnese, jé aja erámone eruei.– Amén, qui jé upúsu.

Márcos 16:20

Mu acadigode ore doi Jesús uruode quigode ga ore jnome erámone ujetiga ore chacate ayoréode ore iji, ujetiga ore chise dáringáringo piquetacho iji erámone údode jnese. Mu ore agutíyamáni jé upúsu Jesús uje ore cho dangarádejnai iji uté nanique. Enga tẽrápisa dajopié ome udore ore gu ujetiga ore pésu dapesútedatérigo iji ayorébui ore ujade, ujetiga diga ore chisípise dáringárique pangurecho ome datatagode Dupade urúo. Amén. Qui jé upúsu.

Héchos 11:21

Dupade Ujopié Espíritu Sánto dépisi ore gari. Jecute jiei purása quedéjnane uje ore cha dangurete cucha bajade enga ore changureta Yocangarádejnai Jesús to.

Héchos 7:7

Mu Dupade chojningápome Abraham rĩ: "Mu quigade enga a yo yujuñame bape disi ejórigo ujuyasórone jne. Quigade enga a bape disi ejórigo ore jnoji uté enga a ore chajniápo aja pachamini udé jne rĩ, enga a ore doi yuruode iji udé jne."

Romános 8:31

¿Ama yocáyipie chorási ringome Dupade átedatéode udojo ome yoque a? E pijoguipise uje yoquirotangóri tu Dupade arĩa, ¿jecute gosi urásu a, ujetiga doi ga suérase yoquibánique? ¡Íjnoque!

Deuteronómio 31:23

Dupade e catecã́ri jnani bajai Nun ujnacari to, uje i tu Josué. Enga chojningame: "Josué á, ajnusi ua ome yiroquéode to jne, ga adota ua ome cucha ponáyone jnese to. Chamáñaje a ua u gu ujeta bo barasade israélgose ore údi aja yojningai punire ueradéjna to. Enga a yugúsiji bari to jne ga a yijína ua aja quedéjnane to jne rĩ."

Hebréos 13:5

Ajuso uaqueo ujetiga ca ajnóraño plátadie. Mu anínaño uágome uacaríjogonórone cucha. Uje Dupade jé urúo uje chojninga: "A yugúsi bari jne iji deréjnane jnese. Enga a ca yijíñapóme ua iji te jmete jne rĩ."

Josué 1:5

Uje qué baqueca iji erámi tudé enga a yipésu ua jne ga a ajnuépise cuchade gáyode jnese jne, enga ca togome uñeque ujeta sué babánique. Bamo uje yijína Moisés aja quedéjnane ica, enga adi jé upo ome ua to jne rĩ jeta jecucha ga yijína ua aja quedéjnane ga a ca yijíñome ua iji te jmete to jne.

Juéces 6:12

Ga Pangarádejnai utocaidi gaté unirísõre chague Gedeón gai tiji ijaroi trígo gai nanique enga catecã́ri. Ga chojningame Gedeón: –Gedeón á, Pangarádejnai Dupade dépisi bari iji de. Ga chiraja báringai jnani uajate, uje dicase ua gu.–

Juéces 6:16

Ga Pangarádejnai Dupade chajnai Gedeón uruode ga chojningame: –Cachi yugúsi bari arĩa, ga jé ca achietáyime ua ome madiángosode ore jne. A jé ajṍcarome madiángosode udore ore jne iji uacaniri údode, ga a cho jetiga ayoré duga udore ore iji bajmainie.–

Juéces 6:17

Gedeón qué jnopo daruode údi rĩ enga chojningame dacatecãraisṍri uté: –Jeta jé ũré ua uje yise yúringai pimeserãque iji bedominone, enga angoba cucha dacatique aja yu bajaque jeta yirajapise uje ua upúsu uje bacatecã́ri yu iji de.

Juéces 6:21

Ga jé u uje Pangarádejnai Dupade utocaidi gaté unirísõre doi áyasa arione udore iji cucarané gai ga chaca dogué eruei iji ga jé u uje pioi tṍraji cucarané cuchabé uaté enga tagu áyasa arione, arurégode gai jnese. Mu uje Gedeón toji cuchade udore gai, mu chuniname eti cho chique ejode ome Pangarádejnai Dupade utocaidi gaté unirísõre uqué.