Éxodo 3:11 - Dupade Uruode

¹¹ Moisés chajnai Dupade uruode ga chojninga: –Cachi que yujñapegome diri gotique to jeta yi ga yibasája Faraón edominone iji iquei. ¿Ama yorási ringome Israel ujnié disi ejode ore jeta yijnime ore iji Faraón ore ujade?–

Éxodo 3:11 Iomraidhean Croise

2 Samuel 7:18

Enga David chacája Dupade iguíjnai cucha ao enga catecã́ri Dupade iji uté, ga chojninga: "Pangarádejná, cachi que cucha uyu gotique ujetiga o ayorédaté iji yu. Jé cho yai casica ore uje que cucha yoque gotique.

1 Reyes 3:7

Urénga, Pangarádejnai Dupade á, bapésu baroi uyu ga e yugúsiji yai David ucácasicá jogadi ome yúringai eduguéjna, uje qué jnacare uyu mu. Ga que yiraja yisocáringome yúringárique pangarate gotique.

1 Reyes 3:9

Jecute be ga apésu yúringárique áyipierãque ome baroi tuyu, jeta serẽrája yáyipie ome ua. Yigaidi u gu ujetiga jé ũrepise yu ujetiga yajmita cuchade udore aja quedéjnane iji yurasade udore ujade, jeta yiraja cucha arégode quigode, jeoga cucha noñatígo isocade ore iji ñane. ¿Uje a gosi urásu jeta chimécãre dáringáraque pasuté ome barása uatigájnane unojo jeta timı́ninga cuchade aja quedéjnane iji ore ujade a?–

Éxodo 6:12

Moisés chojningame Dupade: –Cachi que bojningane udore yujo Israel ujnacare disi ejo ore tangári yuru quitique arĩa, jétapũré bojningai tuté Faraón uje cho uru taratáguiji yu ga que tangári yuru quitique.–

2 Coríntios 2:16

Mu udore ore uje bijnaque ore ga cho ujetiga Jesucrísto ai chujé ore. Jé basa udore ore uje Jesucrísto iquetaque ore ga cho ujetiga uneripise ai tome ore enga ore chojare enga ore úringai piquetaque u iji deréjnane jnese. ¿Ma picasidirase ome uyoque jnese ujetiga yatatago Dupade uru iyiejnane udore quigode?

2 Coríntios 3:5

Yirajágo uje que toque cuchade ome ayoréode uyoque bisideque. Mu pirajatigai ome yoquisaque ponáyone jnese garani u Dupade ome yoque.

Juéces 6:15

Mu Gedeón chajnai ga chojningame daruode: –Pangarádejná, cachi yáquirigo que ore ujnomérique cusome darasade manasésgoso ore jnese to nanique. Jétapũré yoquijogasúode ore uje ore chietáyime yógome diri. Jé que yugúsiji cuchárique to ome yacayade ore uje que pangarate yu ome ore gotique rĩ iji yoquijogadode. ¿Ga yetotiguei tṍraji rique jne a, ujetiga yi ga yirota yurasade ome madiángosode?–

1 Samuel 18:18

Mu David chojninga: –Que yai uyoque yugúcoji cuchárique iji yocurasade israélgose ore ujade gotique jeta eduguéjna cuchátique cho dasaránguiji yu.–