Éxodo 3:10 - Dupade Uruode

¹⁰ Ga Dupade chojningame Moisés iji te: –Apésu bagúcharigo jne enga o búja uje a yiroque ua aja ore eduguéjna cuchábi Faraón jeta angomome Faraón jeta ajnime yurása cásodicáite Israel ujnié disi ejode ore iji ore ujade jne uje que ore chajire jnutígome ore gu iji dajade.–

Éxodo 3:10 Iomraidhean Croise

Génesis 15:13

Enga jé u uje Pangarádejnai chingo cucha piqueminórone ome Abram nanique enga chojninga: –Yipota jeta araja cuchade uje a tocade jne ome bape disi ejode ore. Enga a purása quedéjna ore jne iji punire quedéjnarique jne. Punire quedéjnai uté unirisórone a ore sué ore gai jne, enga a bape disi ejode a doi ore iroquérigo iji ore unínique jne. Enga a ore chiroque ore bisideque jne, enga a sijnanguipise ore jne, enga a ore chaquesu ore údode jne. Enga a jecucha ga ate jne ome bape disi ejórigo ore jé aja sequeredie jne ujetiga chise 400.

Génesis 15:14

Mu a chise diri jne ujetiga yo yujuñame bape disi ejode udore ore umajosórone udore. A yijnime bape disi ejode iji udore ore jmainie jne enga a ca pisagápo udore ore jne rĩ. Enga a ore jnoji puniri tuté enga a ataguipise ore jne aja dajesúrique.

Sálmos 105:26

Pangarádejnai chiroque daroi Moisés, jé aja dajegaidi Aarón uté.

Sálmos 77:20

Barasade udore ore gajnua u áyasa posérigui ome ua uje babo ore údi, ga basíome udore ore irodisórone ome ore jeta ore chijñaque ore, ga ore íode u Moisés, Aarón ore.

Éxodo 12:40

Uje jnani bajai Israel, ujnacarode ore di iji Egípto to nanique ga ore guejnanie siquerei e chise 430 iji ore idai tuté ga quene uté ájnape disi ejode ore jnoji egíptogosode ore uniri uté.

Éxodo 12:41

Iji diri uté uje siqueredie e chise 430 nanique ga Israel ájnape disi ejode ore jnoji Egípto. Uje ore jnoji Egípto nanique ga ore chopise Dupade úringai pirosobate aja dajesui, ga cho jeta ore chicáji dajocaningárique yúrique nanique.

Éxodo 33:12

Moisés catecã́ri Dupade ga chojninga: –Yocangarádejná, cachi batṍri yu que arĩa jeta yijína yurása dipeséode udore ore aja bojningai puniri yúode, mu que bango yátajasónique yujo ayoré aja yu. Uje jecucha bojningame yu: 'Yirasique badode, ga yedugádi upúsu ua ome cuchade yúode.'

Éxodo 33:13

Ujeta jé ũré baruode udojo ome yu ga ango bajegaitígaja yu ga yiraja ua gaté. Ujeta atata báyipie quitígo ome yu jne ga a jé u jne ujeta yiraja bajnoraquei ome yu, ga jé upo to rĩ jeta yujnusi yu ome báringai pangurete gaté. Baraja uje que purása ayoréode udojo gotique ome yu, mu ua u uje barásapise israélgosode ore.–

Éxodo 6:26

Yojningane udojo jnani bajaque jnupabejna jé ore ape disi ejode upúsu Moisés, Aarón ore uje Dupade utocaite ore nanique jeta ore chijna Israel ujnacare disi ejode iji egíptogosode ore gari. Ga Moisés, Aarón udore ore chojningame darasade ore nanique: "Jetiga yico gajneri enga uaque gosode daníngo gãrapi u yocáquirique Rubén nanique ga apéso uacajochai ga eduyo uáguiji jne. Jé basa ga gosode daníngo gãrapi u ujoi yocáqui Simeón, jeoga yocáqui uñeque uje Jacob ujnacáño ore, enga angaráñopo uacajochatique jne rĩ. Ga a yico gajneri enga yoquipopégaja yocajesúrique gajneri jeta yicoji Egípto udé ga angaráño uacajochatígo jnese aja yocajesúrique uje jé Pangarádejna Dupa Eyúgojmai urúo udojo gu ome yoque."

Héchos 7:34

Dupade chojningápome rĩ: "Yimo uje yurasade israélgose ore chejnarenguipise raque iji egíptogosode ore ujade. Enga yudute ore ujnacade rĩ. E yiji jnumi gu ujetiga yiroque ua aja ore ujetiga ajnime ore iji egíptogosode ore gari. Jecute be yuruode enga acáji Egípto."

Héchos 7:36

Enga Moisés u uje chijnime yocayode jnani bajácho iji Egípto. U to uje pésu cucha pitijádode iji Egípto, jé iji yote quedéjnai uje i tu Yote Quedéjna Gati rĩ, jé iji erãpetarei to rĩ. Enga sequeredie 40 uje ore déji erãpetarei nanique.

Héchos 7:6

Mu Dupade chojningame Abraham nanique: "Bape disi ejórigo a ore cháji punire quedéjnarique jne. Mu punire quedéjnai uté unirisórone a ore chisa bape disi ejórigo jne ome daroquéode. Enga a ore cho dajuñame ore jne. Enga a sequeredie 400 jne ujetiga ore chejnáreque dasasórone josipiedie ome ore."

Héchos 7:7

Mu Dupade chojningápome Abraham rĩ: "Mu quigade enga a yo yujuñame bape disi ejórigo ujuyasórone jne. Quigade enga a bape disi ejórigo ore jnoji uté enga a ore chajniápo aja pachamini udé jne rĩ, enga a ore doi yuruode iji udé jne."

Juéces 6:14

Enga jé u uje Pangarádejnai chajire Gedeón ga chojningame: –Be ga ajna yẽrapáidi picasitígajna ga arota barasade ore jne ome madiángosode ore. Uyu u gu uje yo quique ua ome udore ujeta be yuruode quigode.–

1 Samuel 12:6

Samuel edugádode u uje jnusina Dupade adode ome israélgosode uje chijnime ore iji Egípto nanique ga jnusiname ore ga chojninga: –Pangarádejnai Dupade u uje chijnime uacáquiode ore iji Egípto nanique ga edugádode u Moisés, Aarón ore nanique ome uacáquiode udore ore.–

1 Samuel 12:8

Uje uacáqui casicaite Jacob jogasúode ore diji Egípto nanique ga chise diri nanique uje egíptogosode que ore chajéngome ore iji dajade gotique nanique. Ga jé u nanique uje uacáquiode udore ore poja daruode nanique ome Pangarádejnai Dupade jeta cháta raja ore iji Egípto. Ga Dupade chutṍri Moisés, Aarón ore ome udore ore nanique. Ga uacáquiode asutedie u Moisés, Aarón ore nanique uje ore jno uacáquiode údi nanique iji Egípto ga ore chorei ore iji erámone udojo nanique ga jé u uje uacáquiode pésu dedáyode iji erámi tudé nanique.