Éxodo 3:1 - Dupade Uruode

¹ Moisés iyoquíjnai Reuel i uñai u Jétro nanique, ga sacerdote Jétro uté, enga catecã́ri Dupade ome darasade ore iji ore uniri Madián nanique. Ga Jétro uté chiroque dãsarai Moisés aja dachidedie áyasai jeta chirote. Ga chise diri uje Moisés jno dayoquíjnai gachidedie áyasai údi aja garáijnai uéchamitó uje cucarãte cuchábi déji uté ga i tu Horeb ome ore nanique. Ga ore chojningame cucarani uté "Dupade jogadi u udé."

Éxodo 3:1 Iomraidhean Croise

1 Reyes 19:19

Enga Elı́as jnoji cucarani uté, ga chise Pangarádejnai ojningai Eliséo uje Safat ujnacari tu. Enga Eliséo, jorane qué ore déji dasagode gai uje ore chı̃rase jnumi ome buéyode uje Elı́as chise Eliséo ore iji dajogadi uté. Ga Eliséo jorane udore chojmara, chojmara, chojmarane udore ore chijñaque buéyode uje pigaricho aja ñane, ga, ga gare buéyode udore aja ñane. Ga ore jochade 12 nanique uje ore chı̃rase jnumi tome. Ga Eliséo chı̃rase jnumi tiji dajorane quigade, uje chijñaque buey erueminore gárode udore uje pigarique ore aja ñane. Enga jé u uje Elı́as chijnare raja Eliséo, enga chaco daguidé umaré Eliséo gai. Mu quigade enga Elı́as qué jnome dajesui gaté.

1 Reyes 19:8

Ga jé u uje Elı́as nijiápo rı̃ enga e tagápo dabosode rı̃, ga chójiapo yodi te rı̃. Enga atigai uté chisı́ome uajatiguei ome Elı́as uté, enga jé u uje jnome cucarani yui uje i tu Horeb, uje i uñai cuse to uje i tu Dupade Gajnenguipı́si Cucarãte. Ga Elı́as guejnane dire chise 40 nanique iji daqui uté yui ome dariguı́tigai, mu que tagápo dabotique rı̃, uje que chaguhénique chejna Elı́as iji cucarani uté yui ga uajádaja dajesúode nanique.

Sálmos 106:19

Iji cucarani uje i tu Horeb ore chibore óro péode ga ore pésu aquirájna ape choqui oré iji uté jeta ore cho dadupa iji, ga ore chichaga dagataidie aja jnumi iji dapesudé uaté iquei.

Éxodo 17:6

Uje a yirote uáguiji pajmini uté jne uje i tu Horeb ga a yajo yu aja cucarané cucháberaque dosatique jne iji to. Uje e eso yojningai uté pajmite gajneri ga ajé cucarané uaté ome bogué jne ga a yodi tṍraji jne ga barasade ore chóji yote bayai tuté jne.– Enga Moisés doi Dupade uruode ga Israel ájnape disi ejode ore dáquiode ore pañapísiji uje Moisés chujé cucarané cuchabé uaté ome dogué.

Éxodo 18:12

Jétro uté doi aquirájna abi ga tẽrame Dupade, ga chibore iji daseradéjnai gai ome Dupade. Enga tẽrája Dupade ome cuchiso uñéngo to. Ga Aarón, Israel ájnape disi ejo ore dayode ore di jnese jeta ore chacásãra Moisés, iyoquíjnai ore iji ore posode udore gai uje ore chachietáji Dupade ome átedatéode udore gu.

Éxodo 19:2

Ore jnoji pajmini Refidim ica ga ore chise ujoi pajmite uñai uje i tu Sinaí ga ore cho darengúji cucarani údi iji uté.

Éxodo 19:3

Enga Moisés choru cucarani Sinaí uté nanique ujetiga catecã́ri Dupade iji ójo. Mu Dupade tibidi Moisés iji uté ga chojningame: –A yisi ome yuruode ome ua jne jeta angome uacáqui jnani bajai Jacob ájnape disi ejode udore ore. Yojningane u uacarasade israélgoso ore.

Éxodo 2:16

Jnanı́rique déji ore uniri nanique uje sacerdote enga uté u uje catecãraini tu Dupade ome darasade ore iji daniri Madián. Ga uté i tu Reuel nanique, ga urórigui gare ore iji ti nanique. Uje Moisés diji ore uniri uté nanique ga jnani uté urodie ore doi yodi jeta ore chécãraja dayé gachidedie áyasai jopidode. Ga ore chise Moisés iji yodi ejoi uje chácariji dayaridi.

Éxodo 2:18

Gapudı́e udire ore di iji dai ga ore dai chojninga: –¿Jé go uje jı̃raque uacarı́ño iji diri tudé?–

Éxodo 2:21

Ga Reuel catecã́ri Moisés jeta pota ga chácariji ore gari iji ore iguı́jnai to. Ga Moisés chimesẽre uruode, ga jé u uje chácariji ore gari iji ore iguı́jnai. Ga jnani chiroque daro aja Moisés jetiga chóji gari, ga doi dai uruode ga ore chóji ñane gari. Ga gapua uaté i u Séfora nanique.

Éxodo 24:13

Moisés chague ga jĩraque jno ga nóna daroi Josué aja cucarani uté, ga ore choru.

Éxodo 3:12

Dupade chojninga: –Moisés á, a yijína ua aja quedéjnane jne arĩa. A amo jne uje jé ũrepise yu ome yuru quigode uje a chise dínique jne jeta amáta Israel ujnié disi ejode ore aja cucarani tudé. Ga a acatecãchoi yu iji udé jnese jne rĩ, jeta e ajnime Israel ujnié disi ejo cásodicáite ore iji Faraón urasade ore ujade.–

Éxodo 3:5

Ga Dupade chojninga: –Ca ajose yi. Ejñu bachiédode iji ua uje puyaque yiyaridi unojo gu.–

Éxodo 33:6

Uje israélgosode ore jnoji pajmini uje i tu Horeb ga que qué ore chanire dangoroinie jogotodie aja dangoroinie rĩ. Jé aja ore jmanepiedie, ujnápeode ore.

Éxodo 4:18

Uje Dupade cha catecã́ri Moisés iji uté ga Moisés chajniapója dayoquíjnai Jétro iguíjnai te rĩ. Enga chojningame dayoquíjnai: –A yi jne enga yajniapója Egípto to jne rĩ uje yaníngo icaite ore ujnacarode déji uté gu. Jecute yipota jeta yajmita ore jeta qué ore chapite to.– Ga Moisés iyoquíjnai que chaquĩ́ra gotique. Chojninga: –Bo enga acáji ore jne. A jé ca cuchárique chósi ti iji ua jne aja bajesui.–

Éxodo 4:27

Uje Moisés qué ore déji dajéode iji Egípto yui ga Dupade chiqueta raja uyai Aarón iji ore iquei. Ga chojningame Aarón: "Bo ga achai besai Moisés ore uje qué ore déji dajei uje ore qui tu uaquedai tudé to." Ga jé u uje Aarón jno ga chise Moisés iji cucarãte cuchábi uje i tu Dupade Jogadi Cucarãte. Ga chimo desai enga jĩraque tagu uredie.

Malaquías 4:4

Enga ca acadíchoi yuruode uje cuchadatei tu yuruode ome uaque to gu. Yojningane yurúo u uje yisi ome yiro casica Moisés nanique iji cucarani ójo to nanique uje i tu Horeb. Ga yipotigádode cucha déji yuruode udojo, jé aja yetégode cucha to jetiga israélgosode beyopísi quigode.

Números 10:29

Enga e chise diri nanique uje Moisés catecã́ri dacoté dajai jetiga nóna israélgosode ore aja ore ajesúode to. Uje acoté dajai uté i tu Hobab ga purása quedéjna ome israélgosode ore nanique ga ore chojningame urasade to nanique madiángosode. Ga uté dai i u Reuel ga madiángose to. Ga Moisés catecã́ri ga chojningame to: –Hobab á, yicatecã́ri ua to á. ¿Jé go uje que ajína yoque to a? Uje yicagóji Dupade ojningai punire ueradéjna to gu uje e chichagája israélgosode yoqui nanique jeta chisi ome yoque to jne. Enga a jé ca yujuséjo ua to jne iji yocujade ujetiga ajína yoque to. Uje Yocangarádejnai nóna yógaja yocajesúode to ga caniranguipísome yoque to. Yocajneque uté uru iyiejájnane to enga a jé ca toque jeta jé ca doi daruode quigode ome yoque jnese jne.–

Números 10:33

Ga jé u nanique uje Moisés acoté dajai tuté nóna israélgosode ore aja quedéjnane to nanique. Ga jé u nanique uje ore jnoji erãpetarei Sinaí ga ore chajna Dupade uruode pi jnungórone iji jnumi ga cho jetiga Dupade uruode pi cajo chingo ore irengu ejórigaja ore to. Enga ore jno nanique ga Dupade ichajagué gue abuja déji israélgosode ore gai ga nonapísa ore aja dajei iji deréjnane údode jnese. Enga dire ga obiréjnapise iji ore gai to. Ga dirode gadioque nanique uje quene ore chise darengu ejoi to.

Lúcas 2:8

Enga áyasadie irodisóningo déji Belén ejórique uje ore chirote dachidédie iji dejade.

Héchos 7:30

Sequeredie e 40 iji yui uje Moisés déji Madián enga Moisés déji garai uje idógosiji cucarani uje i tu Sinaí. Enga Dupade utocaidode gateminóño uñai chiqueta raja Moisés. Enga Dupade utocaidi uté déji pioi ocaraidie ajei iji porabia.

Juéces 4:11

Iji cucha dacadode udore iquei nanique ga quinítagosi uje i tu Heber e chicha daguíjna cárpai aja ore idai Cédes uté ejoi. Enga jnani bajai Moisés iyoquíjnai Hobab ape disi ejo quinítagosi Heber uté nanique, mu uté cãra daqui ome darasade nanique. Ga chicha daguíjna cárpai aja pore cuchabé dosadi iji pajmini uté uje i tu Zaanaim, enga poria uaté i tu encína.

1 Samuel 16:11

Ga Samuel chojningame iji uté: –¿Ama jé ca bape uñeque cuse arĩa?– Ga Isaí chojningame Samuel: –Ore desábabi a qué dési siñeque uje jõra yocachidedie áyasai iji daté.– Ga Samuel chojninga: –Aroque ore aja ga ore tibidósi desábabi. Uje a quene yimáco yoquẽrapáidode udore ome Pangarádejnai Dupade jeta suté di to.–