Éxodo 26:7 - Dupade Uruode

^7-8 Enga apésopo yiguíjnai yuminore uñai to rĩ ujeta acóyo bajai gai ome uté ga a apéso ejoi uté ome erámoro quedéjnanie ojode. Acacho ducaritique iji erámoro quedéjnanie ojode, enga aróyo uacorade iji uacacarigode udore jne. Enga chojmára iji yirídai jne uacorade udore rĩ, ga a jé ore abubíeraque chopise ñane jnese ga uacora chojmarai umaningai a chise 13 métros y médio, jé basa ga a 2 métros u pajei jne.

Éxodo 26:7 Iomraidhean Croise

Sálmos 45:13

¡Peduguéjna cuchábi uté uro uje déji igóchocoijná ajei ga tṍraji te ome domitígajnai! ¡Ore chuga uaté oidode ga ore chimere hílo iji uje pipesudé iji óro!

Éxodo 25:4

Jé aja borapeque utata uneróngone, jé aja borapeque carataque uneróngone, jé aja borapeque carataguipísode, jé aja borapeque póroro diríjabode to uje i tu líno, jé aja áyasa quedéjnane ojode uje ore pésu borapéode iji to.

Éxodo 26:1

Apéso yiguíjnai ajé puyátique jne. Ga a ajnáño borapetígo ome yiguíjnai ajé puyai tuté jne ga borapetígo chejna yijmanáyone ome. Enga a jé ore eruénique chojmára jne. Ga 12 métros y médio u umaningai, jé basa a 2 métros u pajei jnese jne. Enga a acacho ducaritique jne iji ore acai uje i tu líno jne, jé u ujeta aróyo uacora iji uacacarigode udore jne. Enga a acáyo uacora uaté jne ome cucha caratatígo uje carataguipise uñai, jé carataque uneroque uñai jne, jé basa utata uneroque uñai. Enga a agayo gaté unirísõre gáningo oréragaja uacora uaté gatócorodie jne uje uacaquesucádode chejna yijmanáyone ga uacapesudode gaté unirísõre ore ga ga gare iji udore jnese. Enga ujnóngone déji to. Enga apesopúsu jeta ueradipíso.

Éxodo 26:12

Iji uacagai ejode udore ga petique qué dóji ga cho cochógaja jnumi iji yiguíjna puyai quigade jne.

Éxodo 26:14

Apésopo yiguíjna puyai yuminórone uñane gaté rĩ ujeta pipesucho iji cuchisode aode. Apéso uñai iji uaquegode áyasa choqui aode uje uacacáyo udore aode iji cucha carataguipise, jé basa ga a gaminoripísi a pipesucho iji cucha ao diríjabode jeta aníchoja udore gai jnese. Ga gagájni yuredie iji yiguíjna puyai uté gai jne.

Éxodo 26:9

Agayo jõráringo aja ñane jeta chejna yijmanai, jé basa ga agayo chojmára iji tírigo aja ñane iji uécha uñai. Apéso uacorade udore iji erámoro quedéjna ojode ga angoronéringui a chise 50 iji erué chojmarai, ga adi jé u ome jõrai erué uñai te rĩ jeta jé ore chopise ñane. Ga apéso ojnaque ditajatígo jne iji guebeque nanganatátigo uje i tu bronce jeta 50 upo gaté rĩ, ga a chacája uacapesudedie udire angoronei ajéode jne ga adíyo uacagáiso aja ñane jne enga uacagacho ga jĩraque querújna iji gaté. Ome uacagagode chojmarai uje chojmára ore iji ti iji uécha uñai ga ca apéso angoroinie iji to uje a abéroyo aja jorane údi jne gu iji iquei.

Éxodo 35:23

Jé basa ga udore ore uje borapéode déji ore ga ore tẽrája Dupade to jnese ome borapéode udore. Ga ore chejna dajnéone borapeque aja Dupade uje ore uruchachade u utata uneroi, carataque uneroi, carataguipise, jé aja borapéode uñane to uje pipesucho iji ore acai uje i tu líno, jé aja borapéode to uje pipesucho iji áyasa quedéjnane ojode. Uje cucha ao diríjiode déji ore ga ore tẽrame Dupade to: áyasa choquíode aode uje ore chacáji cucha caratai, jé aja cuchisode aode uñane to uje ueracho to.

Éxodo 35:26

Chequé oitedie udire uñanie ore chiraja to jeta ore chucare áyasa quedéjnanie ojode aja ñane, ga ore pésu borapéode iji udire to ome Dupade iguíjnai jeta gajnecho.

Éxodo 35:6

Jé aja borapéode to uje ore uruchachade cãra rome ñane ga utata uneroque uñane, jé carataque uneroque uñane, jé basa carataguipise uñane. Ga borapéode udore pipesucho iji ore acai uje i tu líno. Jé aja borapéode to uje pipesucho iji áyasa quedéjnane ojode, uje uacacáyo udore iji cucha caratai.

1 Pédro 3:4

E mu ore doi ga ore chañuru dáyipiedie quigode guio ome raque. Baraja uje babai guesíminóri ueratigai a bijna jne ome ua. Mu báyipie úringanie ueradei a ca bijna jne. Yojningai u báringa parague iji bayaridode. Dupade que timíninga yoque gu ome yocúringanie ueradei, mu cucha orerãi tu ome Dupade ujetiga uerate goto áyipiedie quigode.

1 Pédro 5:5

Jé adi u ome jnacarode uaque to, beyoi enga angáchoi uacangaránone anciáno to. Uje omi tu ujetiga pajnotaque yógome ñane enga yangacopísi ñane uje: Dupade chetaque dicotárechoquíode enga que chátaja ore go. Mu Dupade chejna dacaniratiguéode aja ayoré pajnotágode ore enga chatapísaja ore.