Éxodo 24:4 - Dupade Uruode

⁴ Moisés churúsãre Dupade ojningane cucha udore jnese aja quigode bajaque mu iji dire ejoi enga Moisés chobéri niriji ga pésu daseradéjnai iji cucarani údi ome Dupade. Uje chimate daseradéjnai tuté enga doi cucaranenie uje gare ore iji yirídai nanique, enga chisingare cucaranenie udire enga ore cháguena gaté iji aseradéjnai ejoi. Cucaranenie udire ore imoi u uje israélgosode ore uáguedie gare iji yirídai mu chojmára ore iji jnumi ome Dupade, ga Dupade gajnecho cucaranenie udire ga ore úringai puyaque pijógome Dupade to nanique.

Éxodo 24:4 Iomraidhean Croise

Génesis 12:7

Enga iji jogadi uté enga Pangarádejnai Dupade chiqueta raja Abram nanique rĩ enga catecã́ri. Enga chojninga: "A yisi ome puniri udé jne ome bape disi ejode enga ore gajnenguipise jnese jne." Enga jé u nanique uje Abram pésu daserani iji uté nanique iji cucaranenie uje chojninga: "Pangarádejnai Dupade chiqueta raja yu iji pijogadi tudé, jecute a yipésu yaserani jne iji de ome Dupade."

Génesis 28:18

Uje qué durasepise enga Jacob niji. Enga Jacob doi dagutadé cucarané enga chisingare enga e cháguena gaté. Enga chijnime aceite iji dagúchade ajei enga chojne cucarané gai, uje gajnui tu gu uje Dupade e gajneque.

Génesis 28:22

Dupade á, bamo cucarané uje yisingare que enga obiréjna iji gaté uje cháguena gaté. Uaté u uje chusẽre baguíjnai iji jogadi udé jne. Enga yuru iyiejájnai u udé ome ua: uje a yisi ome yugúcha péode, péode ome ua jne jeta chejna yijmanáyone enga yisi ome chojmarai ome ua gatuaque, jé aja yeruénique. Chamáñaje yiraja gu uje yugúchade jnese garani tupúsu ua to gu, ga jé tiógara jeta yisi ome pei ome ua gatuaque.

Génesis 31:45

Enga jé u uje Jacob jno ga chisa cucarané ga chisingare aja gaté enga catáji gaté.

1 Reyes 11:30

Enga Ahı́as chejñu daguidé icha uaté ga chajnangarase ga ajnangarañane pépita gare iji yirı́dai.

1 Reyes 18:31

Ga Elías uté doi cucaranenie ga chujé aja ñane dosadode, jetiga gare iji yirı́dai cucaranenie. Chamáñaje israélgosode ore uáguedie batigai u 12 nanique gu, uje ore gãrapı́ode u dáqui casicaite Jacob uté ujnacarode ore. Ga Jacob uté u uje Pangarádejnai catecã́ri nanique uje chisı́ome i ichai ome, uje chojningame uté: –Bei ejoi tuté u Israel.–

Ésdras 6:17

Enga ore jno nanique ga ore tẽrapísaja Dupade ome cutejmai daninaquédaté. Enga ore gachidode jiépisi nanique uje ore tẽrája Dupade ome, enga ore gachidode batigade u udojo: aquirájna pariguéjnane chise 100 nanique, aquirájna pariguéjnane uje ichájna chise 200, áyasa icáguejnángone chise 400 nanique, mu áyasa quedéjnane chise 12 uje udore imoi u israélgosode ore gãrapi dáqui Jacob uté ujnacarode uje gare ore iji yirídai to nanique. Ga ore chojninga: "Áyasa quedéjnane udore uje gare iji yirídai a yẽcome israélgosode yoquisijnaringuéone jne ujetiga Dupade chĩro yoquisijnaringuéone to iji yocuáguedie jnese."

Nehemías 10:1

Ga Ésdras uruode udojo quigade ga ore doi darujna aode enga ore churúsãre déode iji: Enga bajai tu Nehemías uyu uje yurúsãre yi iji yocurusarane udore uje ore eduguéjnai gobernador upúsu yu gu, ga Hacalías ape yu nanique enga Sedequías churúsãre dei iji to.

Éxodo 17:14

Ga jé u uje Pangarádejnai Dupade chojningame Moisés: –Arúsãre cucha dacadode udojo iji aode jeta jé ca picadiguiete yadode udojo ome uaque uje yẽrate uacáringane pirosobácho ome uaque.– Ga Dupade chojningápome Moisés rĩ: –Apésu to jeta Josué chududipise yuruode udojo to uje a yĩropise amaléquegosode ore amirone iji dínique jne, jeta jé ca pujnusinápo udore ore rĩ iji deréjna pitade jnese jne.–

Éxodo 17:15

Enga jé u nanique uje Moisés pésu daseradéjnai ome Dupade nanique ga chojninga: "A yipésu yaseradéjnai tudé i jne, ga a yojningame jne 'Pejnasõre Pangarádejnai.' Chamáñaje gajnua tu punínique pijogútoraque bandéra ome dáringa pisígai. Enga cho jetiga uté chicha dabandéragaja Israel ájnape disi ejode yoquibai to ga yoquipijogúsõri u uté ome dáringai pijosingõre."

Éxodo 21:1

Dupade qué jno daruode údi ome Moisés ga chósi tome: "A yarecujate iyiejnanie u udiji jne jeta ango udiji quigode ome barasade ore. Ga ojningame ore: 'Dupade chósi tome uaque:

Éxodo 24:7

Ga chisa darujna aode uje churúsãre Dupade uruode iji ica ga naráraja gai jnese iji darasade ore iquei. Ga ore chojninga: –A angoninguite guesaguipise yógome Dupade uruode udore jne, uje jé uru quichome yoque gu. Enga a yipéco ojningane cucha udore jnese jne aja quigode.–

Éxodo 28:21

Enga a udire gare iji yirídai jnese jne, uje jé Israel uqué casicaite abode u nanique uje gare ore iji yirídai. Iji cucaranenie udire ga a séllo ipesungónique chica jne enga a chicha Israel ujnacare disi ejode ore unuchúode aja darusãratígo jne iji Aarón arobé jogotodie cucarané ga a quigode u udojo jne: Rubéngosode Simeóngosode Levígosode Judágosode Zabulóngosode Ísacargosode Dángosode Gádgosode Asérgosode Neftalígosode Joségosode Benjamíngosode.

Éxodo 34:27

Dupade chojningame Moisés: "Arúsãrape yuru quigode udojo jnese jne. Uje yuru iyiejájnane u gu ome israélgosode ore uhuaque ujetiga beyopísi yojningane udojo cucha jnese, ga jé basa ga a yiji yuru quigode to jne ome uaque."

Lúcas 22:30

Ga a acásoraño yu jne iji yocatigai jne ujetiga e yibasája yúringai eduguéjna cuchape. Ga jé u ujetiga abasója uacáringáringui ayoré dacasuté jne. Ga jé u ujetiga israélgosode uáguerigui uje gare ore iji yirídai, a ore cho dacasuté cuchabé iji uaque jne.

Gálatas 2:9

Jecute jnanione udore uje Jesús anguresórone ore cho dangaranipísode iji ore, ore chiraja uje Dupade jé iroguipise yu to. Yojningane u Jacóbo, Pédro, Juan ore. Enga udore ore chisi ome dajmanáyone ome yoque ga imoi jé u uje jé yitojmárangopísiji jnumi. Enga ore ajéode u to ujetiga yijõrai Bernabé uyoque yico ga yacaco ducurása quedéjnane, jé basa jé ore chacate yocurasade judío.

Deuteronómio 31:9

Moisés churúsãre Dupade ajegaidode cucha nanique, ga chisi ome darusarane udore ome Dupade irógode levígose ore. Yojningane u udore uje ore gajneque Dupade uruode pi cajo to uje jecucha ore chijnóngaja quedéjnane to. Enga israélgosode ore angaránone ore gajneque urusarane udore to.

Josué 4:20

Mu jé u nanique uje Josué doi ore jnunguenie cucaranei nanique uje gare ore iji yirídai nanique, ga pésu unucodé iji ore irengúi gatócoro to iji Gilgal uté nanique uje ore ijnimei cucaranenie u udiji iji yote quedéjnai jochai uje yote quedéjnai uté i tu Jordán nanique.

Josué 4:5

Enga chojningame ore: "Boyo ga beyoi tié jochai jongotodie cucaranei uje ore déji gatócoropise iji Dupade uruode pi cajo jnungórone iquei. Enga gare uáguiji yirídai, enga a jé oyópise yoca cásodicáite uñai Jacob ujnacarode uje gare ore iji yirídai to nanique. Enga cho ujetiga uacajnunguenie cucaranei gajnesõripísode u Jacob ujnacarode ore jnese, uje yocáqui gatéode upo ore to rĩ. Mu iménujnapise uacajnunguenie udire jne, enga ajnóchoji uacorotadode ga ajnóchoja uacarengúi jne."

Apocalípsis 21:14

Cucarané cuchábedie déji ujuyaquéode udore údi enga gare ore iji yirídai. Enga purusãraque Jesús iroguipísode apóstoles ore íode iji udire. Uje ore irósõri Jesús gajnua tu áyasa pẽrapaide chuguéraque.